Qazaqstan • 03 Jeltoqsan, 2019

«Zamanaýı Qazaqstan. Elbasynyń kóshbasshylyǵy» taqyrybynda dóńgelek ústel ótti

150 retkórsetildi

Almaty qalasyndaǵy «Halyqaralyq bıznes jáne kommýnıkasııa kolledji» mekemesinde 1 – jeltoqsan Qazaqstan Respýblıkasynyń Tuńǵysh Prezıdenti kúni merekesine oraı «Zamanaýı Qazaqstan. Elbasynyń kóshbasshylyǵy» taqyrybynda dóńgelek ústel ótti.

«Halyqaralyq bıznes jáne kommýnıkasııa kolledji» mekemesi dırektorynyń tárbıe isi jónindegi orynbasary Móldir Erǵanatqyzy, Qazaq KSR aǵartý isiniń úzdigi, joǵary sanatty tarıh pániniń oqytýshysy Jamal Ábilbaevna, tarıh pániniń oqytýshysy Áıgerim Okapqyzy uıymdastyrǵan is-sharaǵa batyldyǵy  úshin «Kavaler medaliniń» jáne «Qurmet» ordeniniń ıegeri, Almaty oblysy, Qaratal aýdanynyń Qurmetti azamaty, Almaty qalasy, Naýryzbaı aýdanynyń Aýǵan soǵysy ardagerleri keńesi tóraǵasynyń orynbasary, Ábdiqalyqov Ádil Bektasuly arnaıy qonaq retinde shaqyrylǵan.

«Dóńgelek ústeldiń negizgi maqsaty - Qazaqstan Respýblıkasynyń Tuńǵysh Prezıdenti N.Á. Nazarbaevtyń  ómiri men shyǵarmashylyqqa toly atqarylǵan isteri,  el bolashaǵy jolynda barsha halyqpen ornatqan dostyq, yntymaqtastyq qatynastary jáne sol joldaǵy salıqaly saıasaty men kóshbasshylyǵy týraly málimetter bere otyryp,  stýdentterge Elbasy isterin úlgi - ónege etý, sondaı – aq tulǵalyq qasıetin, qaıratkerligin nasıhattaý, óskeleń urpaq boıyna ultjandylyq, tarıhı sana, azamattyq belsendilik syndy qasıetterdi sińirýge at salysý», deıdi uıymdastyrýshylar.

Sharaǵa qatysýshylar táýelsiz memlekettiń qalyptasýy men damý tarıhynyń ózekti máselelerin, tabysty memleket qurý jáne Táýelsiz Qazaqstannyń damýy jolynda Elbasy N.Á. Nazarbaevtyń sińirgen eńbegin, halyqty biriktirý úderisine, beıbitshilik pen kelisimdi nyǵaıtýǵa, sol sııaqty eldiń syrtqy saıası strategııasyn aıqyndaýǵa qosqan úlesin talqylady.                                              Qazaqstan Respýblıkasy Tuńǵysh Prezıdenti – Elbasy N.Á. Nazarbaev jáne táýelsiz Qazaqstannnyń jetistikteri jaıyndaǵy derekti fılm kórsetildi.

«О́tkenge oı júgirtip, osydan jıyrma segiz jyl burynǵy Qazaqstandy kóz aldymyzǵa elestetsek, eń aldymen aýmaly-tókpeli ekonomıka, tapshylyq, jumyssyzdyq, baǵanyń qunsyzdanýy, kúıregen sharýashylyq taǵy taǵylary esimizge túsedi. Burynǵy Keńester Odaǵy­nyń temir qursaýynan bosap shyqqan elimizdiń aldynda damýdyń jańa jolyn tańdaý qajettigi turdy. Osy bir júgi men jaýapkershiligi zil batpandaı aýyr mindet eldiń Tuńǵysh Prezıdenti N.Á.Nazarbaevtyń moınyna júkteldi. Táý­elsizdikti baıandy etýde Elbasy bar qıyndyqtarǵa qara­mas­tan synaqtardy eńserip, elimizdi ilgerileý men órkendeýdiń dańǵyl jolyna túsirdi. Elbasymyzdyń eren eńbegin baǵalaı otyryp, óskeleń jastarǵa úlgi alýǵa keńes berdi», dedi Ádil Bektasuly.

Kolledjdiń joǵary sanatty, tarıh pániniń oqytýshysy J.A. Kenjebaeva Tuńǵysh Prezıdenttiń eldik jolyndaǵy eńbegin saralaı kele óz ultynyń baqytty bolasha­ǵyn, kemel keleshegin oılap, qýatty mem­leket qurýdy maqsat etken N.Á. Nazarbaev eń aldymen elge tereń bilim kerek ekenin jurttan buryn ańǵaryp, erte túsingen tuǵyrly tulǵa ekenin atap ótti. Sondaı-aq Prezıdenttik qyzmetiniń alǵashqy kúninen-aq mańyzdy máse­le etip  – Qazaqstandaǵy bilimdi bilikti etý saıasatyn qolǵa alǵanyn, orta bilimdi aqparat­tan­dyrý, daryndy balalardy tabý, oqytý men ony damytý salasyndaǵy atqarǵan jumystaryna toqtalyp, ózindik oıymen bólisti.

Al «Halyqaralyq bıznes jáne kommýnıkasııa kolledjiniń» tarıh pániniń oqytýshysy Á.Álen Elbasynyń Qazaqstandyq biregeılikti qalyptastyrýdaǵy «Máńgilik El» ulttyq ıdeıasynyń mańyzyn aıta otyryp, qazirgi Táýelsiz Qazaqstannyń berik irgetasyn qalyptastyrýda halqymyzdyń ótken jolyna, basynan keshken tarıhı-áleýmettik jaǵdaılaryna mán berý, tilimizge, dástúrimizge, dinimizge, ulttyq mádenıetimizge qatysty máselelerdiń ýaqytyly óz sheshimin tabý barysynda Elbasynyń atqarǵan zor eńbegine toqtalyp ótti.

Tuńǵysh Prezıdent kúni merekesine oraı uıymdastyrylǵan dóńgelek ústel jalyndy jastardyń oı-pikirlerimen qyza tústi, taqyrypqa baılanysty óz oılaryn ashyq aıta otyryp, bolashaqqa degen naqty maqsattaryn aıqyndaı bildi.

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar