Qazaqstan • 03 Jeltoqsan, 2019

«Januıa» ortalyǵynyń tájirıbesimen ózge óńirlerdiń basshylary tanysty

24 retkórsetildi

Búgin oblys jáne qala ákimderiniń áleýmettik máseleler jónindegi orynbasarlary «Januıa» otbasyn qoldaý ortalyǵynda boldy. Bul týraly Nur-Sultan qalasy ákimdiginiń baspasóz qyzmeti habarlady.


О́ńirler ákimderiniń orynbasarlary jumysqa ornalastyrý, AÁK taǵaıyndaý, halyqtyń áleýmettik osal toptaryna zańgerlik, psıhologııalyq kómek kórsetý máseleleri boıynsha keńestik kómek kórsetý jónindegi ortalyqtyń jumysymen tanysty.

Nur-Sultan qalasy ákiminiń orynbasary Baqtııar Máken áriptesterine ekskýrsııa júrgizip, negizgi mindet barlyq óńirlerde otbasy ınstıtýtyn damytýdy barynsha qamtamasyz etý bolyp tabylatynyn atap ótti.

«Memleket basshysynyń tapsyrmasyna səıkes biz aımaqtardaǵy áriptesterimiz úshin «Januıa» ınstıtýtyn qoldaý ortalyǵy boıynsha ekskýrsııa ótkizdik. Bul ekskýrsııa áriptesterimizdi bizdiń ortalyqpen tanystyrý jáne tájirıbe almasý úshin ótkizildi. Búgingi tańda barlyq óńirlerde otbasy ınstıtýtyn damytýdy barynsha qamtamasyz etý mindeti tur jáne «Januıa» tájirıbesin barlyq óńirlerde taratý kerek. Meniń áriptesterim osy tájirıbeni taratý ýaqytyn engizdi», dep atap ótti ol.

Baqtııar Mákenniń aıtýynsha, ortalyqqa negizinen turǵyn úı, memlekettik baǵdarlamalarǵa qatysý, AÁK alý máseleleri boıynsha ótinish bildiredi.

«Árbir másele boıynsha keńester berilip, turǵyndar júginetin máselelerdi sheshý joldary bar. Bolashaqta biz ortalyqtyń fılıaldaryn qalanyń ár aýdanynda ashýdy josparlap otyrmyz», dedi elorda ákiminiń orynbasary.

Almaty oblysy ákiminiń orynbasary Batyrjan Baıjumanov pikirinshe, mundaı ortalyqtardy elimizdiń barlyq óńirlerinde ashý qajet.

«Nur-Sultan qalasynyń «Januıa» ınstıtýtyn qoldaý ortalyǵyn qurýdaǵy tájirıbesimen tanystyq. Bul ortalyq óte fýnksıonaldy, munda halyqqa 70-ke jýyq qyzmet kórsetiledi. Munda ózekti máseleler kóteriledi, turǵyndarǵa keńes beriledi. Meniń oıymsha, mundaı ortalyqtardy basqa aımaqtarda da qurý qajet. О́ıtkeni qazir AÁK alýshylar kóp, olarda kóptegen suraqtar týyndaıdy. Mundaı ortalyqtardyń kómegimen ótinish bildirgenderdiń suraqtaryna qajetti keńester men naqty jaýaptar bere otyryp, áleýmettik shıelenisti alyp tastaı alamyz. Bizde árbir oblystyq, aýdandyq jumyspen qamtý ortalyǵynda keńes beredi, biraq onda sizge qaraǵanda az qyzmet kórsetiledi», dedi Almaty oblysy ákiminiń orynbasary Batyrjan Baıjumanov.

Qazirgi tańda «Januıa» otbasy ınstıtýtyn qoldaý ortalyǵynda 70-ke jýyq qyzmet kórsetiledi, 60 qyzmetker jumys isteıdi. Ashylǵan kúnnen bastap, úsh aı ishinde Ortalyqqa 6,3 myń adam ótinish bildirdi, 13 myń másele qaraldy, onyń 3 myńy sheshildi. Sonyń ishinde jumysqa ornalasý, AÁK taǵaıyndaý, zańgerlik, psıhologııalyq kómek kórsetý máseleleri de bar.

Sondaı-aq oblys jáne qala ákimderiniń orynbasarlary elordanyń áleýmettik nysandaryn, atap aıtqanda, №88 mektep-lıseı men №2 qalalyq kópsalaly aýrýhanany aralady.


Sońǵy jańalyqtar

Kúlki kerýeni № 20

Rýhanııat • Búgin, 12:38

Oralda jastar bastamalaryn qoldaý jaqsy

Aımaqtar • Búgin, 11:30

Táýligine 15-16 tonna sút alynady

Aımaqtar • Búgin, 09:20

Haliń qalaı, Qostanaı?

Aımaqtar • Búgin, 08:34

Sýbsıdııanyń jańa talaptary

Ekonomıka • Búgin, 08:29

Bıznesti jandandyratyn bastamalar

Parlament • Búgin, 08:22

Ekijaqty iskerlik baılanys nyǵaıady

Prezıdent • Búgin, 08:16

«Iokerıtten» jeńildi

Hokkeı • Búgin, 08:15

Qazaqstan tórtinshi topta

Fýtbol • Búgin, 08:13

Pedagogterge paıdaly shara

Rýhanııat • Búgin, 08:09

Adaldyq eshkimdi aldamaıdy

Qoǵam • Búgin, 08:06

Ǵylym men bıznestiń únqatysýy

Qoǵam • Búgin, 08:02

Mal urlyǵy – qoǵamdyq másele

Qoǵam • Búgin, 07:58

Meshitti salǵanymen, qaramaıdy

Aımaqtar • Búgin, 07:57

Qoldaý jumystary jalǵasady

Qoǵam • Búgin, 07:54

Onlaın-oqyrman

Tehnologııa • Búgin, 07:52

«Bastaý»: jańa býyn kınosy

Kıno • Búgin, 07:51

Sý basý qaýpi joq

Qoǵam • Búgin, 07:40

MÁMS: qanatqaqty joba oń nátıjesin berdi

Medısına • Búgin, 07:34

Baspanaly bolyp, baqytqa bólendi

Baǵdarlamalar • Búgin, 07:32

Ábishtanýdyń áz álipbıi

Rýhanııat • Búgin, 07:20

Ajyramas dúnıeniń adamy...

Rýhanııat • Búgin, 07:17

Uqsas jańalyqtar