Oblystyq kásipkerlik jáne ındýstrıaldy-ınnovasııalyq damý basqarmasy basshysynyń mindetin atqarýshy Oljas Saparbekovtyń aıtýyna qaraǵanda, jalpy kórsetkishi joǵary bolǵanymen, oblys óńirlerinde ınvestısııa tartý isi teń emes.
«Mysaly, ótken jylǵy on aımen salystyrǵanda Rýdnyı qalasy men Qostanaı, Amangeldi, Jangeldın aýdandarynda ınvestısııa tartý tómendegen, onyń esesine Jitiǵara, Meńdiǵara, Qarabalyq, Altynsarın aýdandarynda ınvestısııa kólemi ósken» dedi Oljam Saparbekov. 2010 jyldan bastalǵan Indýstrıalızasııalaý memlekettik baǵdarlamasy aıasynda oblysta quny 150 mlrd teńge bolatyn 91 joba júzege asyp, 6 myńnan asa jumys orny ashyldy.
Oblystyń negizgi kapıtalyna tartylǵan ınvestısııalyq qarjynyń arqasynda Qostanaı qalasynda Indýstrıalyq aımaq paıda boldy. Onda qazir 400 mlrd teńgelik 15 joba ornalastyrylǵan. «Belarýs» jáne «Kıroves» traktorlary qurastyryla bastady. Aýyl sharýashylyǵy salasynda sheteldik áriptestermen birlesip qolǵa alǵan «Bio Grain» zaýytynyń qurylysy júrip jatyr. Ol aýyl sharýashylyǵy ónimderin tereńdete óńdeıtin bolady.
