Qazaqstan • 03 Jeltoqsan, 2019

Sybaılas jemqorlyqqa qarsy ózgertilgen keıbir zańnamalar túsindirildi

130 retkórsetildi

Bul týraly Sybaılas jemqorlyqqa qarsy is-qımyl agenttigi Mańǵystaý oblysy boıynsha Departamenti basshysynyń birinshi orynbasary Serik Qanybekov málimdedi, dep habarlady Mańǵystaý oblysy О́ńirlik kommýnıkasııalar qyzmetinen.

2019 jyldyń 20 mamyrynda sybaılas jemqorlyqqa qarsy is-qımyl máseleleri boıynsha memlekettik organdardyń basshylarynyń qatysýymen ótken kezdesýde Memleket basshysy baǵynyshty qyzmetkerlerdiń sybaılas jemqorlyqqa jol bergeni úshin memlekettik organdardyń birinshi basshylarynyń ornynan túsý ınstıtýtyn engizýdiń mańyzdylyǵyn atap ótti.

Budan bylaı, saıası memlekettik qyzmetshiler – mınıstrler men olardyń orynbasarlary, oblystardyń, Nur-Sultan, Almaty, Shymkent qalalary men oblys ákimderi men olardyń orynbasarlary, aýdandar ákimderi olardyń tikeleı baǵynyshty qyzmetkerleri sybaılas jemqorlyq quqyq buzýshylyq jasasa mindetti túrde otstavkaǵa shyǵýǵa suraný kerek.

-Zańnyń jańa redaksııasyna sáıkes, birinshi basshy onyń tikeleı baǵynyshty tulǵasyna qatysty sottyń aıyptaý úkimi kúshine engennen soń kúntizbelik 10 kún ishinde nemese aqtalmaıtyn negizder boıynsha qylmystyq is toqtatylǵannan keıin otstavkaǵa ketýge mindet, dedi S.Qanybekov.

Ol sondaı-aq qandaı tulǵalar tikeleı baǵynyshtylar retinde qarastyrylatynyǵyn túsindirdi:

- ortalyq memlekettik organnyń basshysy (mınıstr) úshin – bul onyń orynbasarlary, jaýapty hatshy nemese apparat basshysy, aımaqtyq bólimshelerdiń basshylary;

- oblys, respýblıkalyq mańyzy bar qalalar, astana ákimi úshin – onyń orynbasarlary, apparat basshysy, aýdannyń (oblystyq mańyzy bar qalanyń) ákimi;

- ortalyq memlekettik organ basshysynyń orynbasary (vıse-mınıstr) onyń qaramaǵyndaǵy bólimshe nemese táýelsiz qurylymdyq bólimshe basshysy sybaılas jemqorlyq qylmys jasaǵan kezde qyzmetinen ketedi;

- oblys ákiminiń orynbasary jergilikti bıýdjetten qarjylandyrylatyn atqarýshy organdardyń basshylaryna jaýap beredi;

- Aýdan ákimi óziniń orynbasarlaryna, apparat basshysyna, jetekshilik etetin aýdandyq atqarýshy organdardyń basshylaryna, aýyl, kent, aýyldyq okrýgterdiń ákimderine jaýap beredi.

Aıta ketý kerek, «Memlekettik qyzmet týraly» Zańǵa sáıkes, memlekettik qyzmetshini osy laýazymǵa taǵaıyndaǵan laýazymdy tulǵaǵa ornynan ketý týraly ótinish jiberiledi. Otstavkany qabyldaý nemese qabyldamaý – bul saıası qyzmetkerdi qyzmetke taǵaıyndaǵan adamnyń quzyreti.

Eger saıası emes, biraq A jáne B korpýsynyń ákimshilik memlekettik qyzmetshileri bolyp tabylatyn barlyq basqa basshylaryna tikeleı baǵynyshty qyzmetkerler sybaılas jemqorlyq quqyq buzýshylyq jasaǵan jaǵdaıda aldyńǵylarǵa tártiptik jaýapkershilik qarastyrylǵan.

Sonymen qatar Memleket basshysy qol qoıǵan zańda basshylarǵa baǵynyshty qyzmetkerlerdiń sybaılas jemqorlyq quqyq buzýshylyq jasaýynyń aldyn alý mindeti engizilgen. Bul mindettiń oryndalmaýy nemese tıisinshe oryndalmaýy basshynyń tártiptik jaýapkershiligine ákelip soǵady.

-Sonymen qatar zańnamaǵa basshylyqtyń ujymdaǵy sybaılas jemqorlyqty boldyrmaý jónindegi mindetin júıeli túrde oryndamaǵany úshin jaýapkershiligi engizildi, bul memlekettik organda nemese ol basqaratyn qurylymda sybaılas jemqorlyq turǵysynan jaǵymsyz jaǵdaıǵa ákeledi. Eger tikeleı baǵynyshty adamdar sybaılas jemqorlyq qylmys jasamaǵan bolsa, biraq, mysaly, taldaý osy memlekettik organda nemese belgili bir aımaqtyq bólimshede sybaılas jemqorlyq deńgeıi kúrt joǵarylaǵanyn kórsetse, tıisti basshynyń tártiptik jaýapkershilik máselesi qaralatyn bolady, dedi Serik Qanybekov.

Sonymen birge ol sybaılas jemqorlyqqa qarsy qyzmet ýákiletti organ retinde bul máseleni belsendi túrde kóterip, memlekettik organdardy alańdatyp, basshylardyń jaýapkershiligin qaraýǵa bastamashylyq etedi dep qosty. Agenttiktiń mindeti – basshylardy sóz júzinde emes, is júzinde óz ujymynda sybaılas jemqorlyqtyń aldyn-alýǵa jáne boldyrmaýǵa májbúr etý.

О́z sózinde Serik Qanybekov úshinshi jańashylyq – normatıvtik quqyqtyq aktilerdiń jobalaryna sybaılas jemqorlyqqa qarsy saraptamany engizý týraly toqtalyp ótti.

-Bul mehanızm zańnamalyq jáne normatıvtik quqyqtyq aktilerdi ázirleý satysynda yqtımal sybaılas jemqorlyq táýekelderin anyqtaýǵa jáne joıýǵa múmkindik beredi, dedi.

Kezdesýde jýrnalıster tarapynan atalǵan taqyrypqa qatysty birqatar saýaldar qoıylyp, jańashylyqtyń artyqshylyqtary talqyǵa salyndy.

Sońǵy jańalyqtar

75 kúımen rekord jańartty

Rýhanııat • Búgin, 21:32

Abaı murasy máńgilik

Abaı • Búgin, 19:00

Basty aqparat (17.02.2020)

Vıdeo • Búgin, 18:54

Aqmeshitte alaman aıtys ótti

Rýhanııat • Búgin, 18:52

Basylym basshylary - Keńesbaı ÚSEBAEV (1914-1995)

Basylym basshylary • Búgin, 18:12

Basylym basshylary - Ǵumar AQQULOV (1912-1957)

Basylym basshylary • Búgin, 18:05

Basylym basshylary - Qabyl BEKMURATOV (1914-1980)

Basylym basshylary • Búgin, 18:02

Semeılik oqýshylar júldeger atandy

Aımaqtar • Búgin, 17:51

Qaraǵandy oblystyq QAJD bastyǵy taǵaıyndaldy

Taǵaıyndaý • Búgin, 16:21

Qyzyljarda keıýana qyzyl jalyn qushty

Oqıǵa • Búgin, 16:04

Qujattary minsiz, isteri ónimsiz

Aımaqtar • Búgin, 12:47

Erjan Jylqybaev qyzmetinen bosatyldy

Qazaqstan • Búgin, 12:43

Almaty-Mýmbaı áýe reısi ashylady

Qazaqstan • Búgin, 12:06

Abaı ánderi úndi elinde asqaqtady

Abaı • Búgin, 11:20

Dımash Qudaıbergen Krasnodarda konsert berdi

Rýhanııat • Búgin, 10:13

Xiaomi robottar ǵana isteıtin zaýyt salmaqshy

Tehnologııa • Búgin, 09:57

Uqsas jańalyqtar