Úkimet • 03 Jeltoqsan, 2019

Qazaqstanda memlekettik qyzmetter jańasha kórsetilmek

96 retkórsetildi

Qazaqstanda memlekettik qyzmetterdi kórsetý tártibine ózgertýler engizildi jáne zańdy túrde bekitildi. Búgin Prezıdent janyndaǵy Ortalyq kommýnıkasııalar qyzmetiniń brıfınginde Parlament Májilisiniń depýtaty Maıra Aısına jáne Sıfrlyq damý, ınnovasııalar jáne aeroǵarysh ónerkásibi vıse-mınıstri Abylaıhan Ospanov málimdedi. Bul týraly sıfrlyq damý, ınnovasııalar jáne aeroǵarysh ónerkásibi mınıstrliginiń baspasóz qyzmeti habarlady. 

Zańda kózdelgen basty jańashyldyqtar qatarynda – memlekettik qyzmetterdi proaktıvti túrde kórsetý qarastyrylǵan. Bul degenińiz, endigi jerde memleket azamattyń ótinim berýin kútpeı-aq, qyzmetterdi ózi usynatyn bolady. Mysaly, ómirge náreste kelgende onyń týǵanyn esepke alý, bala týý boıynsha beriletin járdemaqynyń eki túrin taǵaıyndaý, turǵylyqty mekenjaıyna tirkeý jáne balabaqsha kezegine qoıý bir mezette usynylady. Atalǵan qyzmet búgingi kúni 120 myń anaǵa kórsetildi.

Taǵy bir jańalyq - «bir tereze» qaǵıdatynan – «bir ótinim» qaǵıdatyna kóshý. Memlekettik qyzmetterdi kórsetý kezinde «kompozıttik» tásildi keńeıtý. Iаǵnı, birneshe ilespe qyzmetter keshendi túrde usynylady jáne ol úshin azamatqa tek bir ret ótinish berý jetkilikti. Mysaly, múmkindigi shekteýli balalardyń ata-analary olardy dárigerlik tekserýden ótkizý, oqytý jáne ońaltý boıynsha 6 túrli qyzmet túrin alady. Jáne olardy alý úshin 6 býma qujat jınaýy qajet. Endigi jerde olarǵa bir ret ótinish berý arqyly qyzmettiń 6 túrin alý múmkindigi usynylady. Memlekettik qyzmettiń 55 túrin biriktirgen osyndaı 21 kompozıttik qyzmet engiziletin bolady.

Budan basqa, endi kósheler men eldi mekenderdi qaıta ataý kezinde derekter bazasyndaǵy mekenjaı ataýy da avtomatty túrde ózgeredi. Sondaı-aq eksaýmaqtyq qaǵıdaty engizilýde, bul jaǵdaıda azamattyq hal aktilerin tirkeý boıynsha memlekettik qyzmetterdi azamat eldiń kez kelgen aımaǵynan  ala alady.

Jalpy, prosevsti avtomattandyrý jáne memlekettik qyzmetterdi ońtaılandyrý sybaılas jemqorlyqtyń aldyn alýda úlken mańyzǵa ıe. Aıta ketý kerek, jańa tásil:

- 124 memlekettik qyzmetti ońtaılandyrý;

- qyzmet kórsetý merzimin 178 kúnge qysqartý (orta eseppen árqaısysy 9 kúnge);

- 90-nan astam qujatty qysqartý;

- 82 memlekettik qyzmetti belsendi nemese kompozıtti etýdi kózdeıdi. 

Sońǵy jańalyqtar

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar