Aımaqtar • 03 Jeltoqsan, 2019

Tarazda balalar qaýipsizdigine arnalǵan jıyn ótti

333 retkórsetildi

Bala tárbıesi qaı kezde de qoǵamnyń basty máselesi. О́kinishke qaraı, sońǵy kezde kámeletke tolmaǵan balalardy zorlaý faktisi elimizde jıi tirkelýde. Bıylǵy jyldyń ózinde Jambyl oblysynyń Talas jáne Shý aýdandarynda da osyndaı azǵyndyq áreket oryn alǵan bolatyn.

Al, qarasha aıynda Taraz qalasyndaǵy №6 mektepte de mundaı qaskóılik áreket taǵy qaıtalandy. Búginde ata-analar bala bolashaǵy úshin alańdaýly. Sol sebepti búgin Taraz qalasyndaǵy Y.Dúkenuly atyndaǵy Mádenıet úıinde Jambyl oblystyq Polısııa departamentiniń bastyǵy, polısııa polkovnıgi Arman Orazalıev «Bala tárbıesi – barshaǵa ortaq másele» taqyrybynda oblystyq ata-analar jınalysyn ótkizdi. Atalǵan jıynǵa Jambyl oblysy ákiminiń orynbasary Nurjan Kalenderov jáne Taraz qalasy ákiminiń orynbasary Kenjebek Oljabaı qatysty. Sondaı-aq jıynda oblystyq bilim basqarmasynyń qyzmetkerleri, oblystyq ata-analar komıtetiniń músheleri, mektep dırektorlary men orynbasarlary, Qamqorshylyq keńesi jáne jeke kúzet uıymdarynyń ókilderi boldy. Sonymen qatar búgin  atalǵan jıyn Taraz qalasynda jáne oblystyń 10 aýdanynda polısııa bólimderiniń birinshi basshylarymen bir ýaqytta uıymdastyryldy.

Is-sharanyń negizgi maqsaty – kámeletke tolmaǵandar arasynda jáne olarǵa qatysty jasalatyn qylmystar men quqyqbuzýshylyqtardyń aldyn alý, sondaı-aq balalardyń qaýipsizdigin qamtamasyz etý boıynsha ata-analardyń usynystary men pikirlerin tyńdaý, túıtkildi máselelerdi aqyldasa otyryp sheshimin tabý boldy. Osy maqsatta Arman Orazalıev polısııa qyzmetkerlerimen atqarylyp jatqan jumystar týraly baıandap ótti. «Polısııa tarapynan kámeletke tolmaǵandarmen jáne olarǵa qatysty jasalatyn qylmystardyń aldyn alý boıynsha jumystar júıeli túrde júrgizilip keledi. Alaıda, bul máselede, tek polısııanyń qyzmeti jetkiliksiz. Balalardyń bos ýaqytyn qalaı ótkizýi, mektepke kelmegen jaǵdaıda ne isteıtini, ǵalamtor jelilerinde qandaı aqparattardy qaraıtyny, kimmen aralasatyny týraly, birinshiden, onyń ata-analary, ustazdary únemi nazarda ustaýy kerek. Sondyqtan bala qaýipsizdigin qamtamasyz etýde barlyq tıisti tulǵalardy jaýapkershilikpen qarap, polısııamen  birlese jumys isteýge shaqyramyn», dedi ol. Sondaı-aq mektepterde oqýshylardyń qaýipsizdigin qamtamasyz etýdi kúsheıtý úshin birqatar usynystardy ortaǵa saldy. Depatrament bastyǵy máselen mektep ǵımarattaryna bógde adamdardyń kirmeýin jáne aýlalarynda quqyq buzýshylyqqa jol bermeý úshin arnaıy kúzet mekemelerimen shartqa otyrý, kireberiske ótkizý týrnıketterin ornatý, ata-analar jınalystaryn udaıy túrde uıymdastyrý, qaýipsiz mektep joly aıasynda mektepke keler joldarynyń syzbasyn jasap, kezekshilik uıymdastyrý, sabaq ýaqytynda sebepsiz júrgen oqýshylardyń júrýin qatań baqylaýǵa alý, sabaq bolmaǵan jaǵdaıda ata-analarǵa oqýshynyń erte ketkeni týraly mindetti túrde habarlaý sııaqty oılaryn aıtty.

Jıynda sóz alǵan oblys ákiminiń orynbasary Nurjan Kalenderov jumysty júıeli júrgizý qajettigin, tek qala mektepterine ǵana emes, óńirdegi barlyq mektepterge de arnaıy kúzet qyzmetin engizý qajettigine toqtaldy. Jalpy, Taraz qalasynyń mektepterine arnaıy kúzet qyzmetin engizý úshin 410 mıllıon teńge kerek eken. Bul qarajatqa 300 adamdy jumyspen qamtý kerek. Qala ákiminiń orynbasary Kenjebek Oljabaı osy máseleniń tıisti basshylardyń aldyna qoıylyp otyrǵanyn atap ótti.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar