Qoǵam • 04 Jeltoqsan, 2019

«Jedel járdem» jedel me?

38 retkórsetildi

Aýrý aıtyp kelmeıtin apat. Aǵza dep atalatyn tylsym «apparattyń» bir tini men tetigi kenetten burys belgi berse, aǵzanyń ıesi – adam­dy qalpaqtaı ushyryp tú­si­re­tini anyq. Jan alqym­ǵa kelgen mundaı qıyn kezde «Alladan» soń aýyz­ǵa iligeri – «Jedel járdem». «Jedel járdem» qyz­metin jańǵyrtý-jetil­dirý úshin Densaýlyq saqtaý mınıs­tr­ligi 2018 jyly «Jedel járdem» qyzmeti ereje­sine birneshe ózgeris engiz­di.

Jedel dárigerlik qyzmettiń sapasyn arttyrý maqsatyndaǵy ózge­ris­ter kún tártibinde turǵan bolatyn. О́ıtkeni elimizde «Jedel jár­dem» qyzmetiniń sapasy men onyń salda­rynan oryn alǵan birqatar ke­leń­siz jaǵdaı atalǵan salaǵa jańa reńk berý qajettigin uqtyrdy. Má­limet­ter­ge súıensek, Qazaqstanda «Jedel járdem» qyzmetine qońyraý shalýshylar sany bir táýlikte 2 jarym myńǵa jýyqtasa, jyl saıyn shaqyrtý kólemi artyp keledi. Mysaly, 2017 jyly 7 mıllıon 800 shaqyrtý túsken. Alaıda elimizde zamanaýı jabdyqtalǵan jedel járdem kólikteri jetispeıdi.

 Mańǵystaýda «Jedel járdem» jaıy qalaı?

Halqynyń sany arta túsken Mań­ǵystaý oblysynda dárigerlik qyzmet, den­saýlyq saqtaý qyzmeti sapasyn jan-jaqty jetildirý – ózekti taqy­ryp.

«Jedel járdem» qyzmetine qatys­ty san alýan pikirler men ókpe-renish­ter de aıtylmaı qalmaıdy. Sala qyz­metindegi ahýal týraly «О́ńir­lik kom­­mýnıkasııalar qyzmeti» alań­yn­da ótken brıfıngte Mańǵystaý oblys­tyq jedel járdem stansasy dırektory Raqymjan Eltaevtan bildik.

Onyń aıtýynsha, 2019 jyldyń 10 aıynda Mańǵystaý oblysy boıyn­sha jedel medısınalyq járdem qyzmeti 233 460 shaqyrym jol júrdi. 2019 jyldyń 10 aıynyń qory­tyn­dy­sy boıynsha shuǵyl medı­sı­nalyq kómek kórsetýdiń eki deńgeıli modelin engizý nátıjesinde pasıentke jetý ýa­qyty aıtarlyqtaı qysqarǵan, mysaly 2018 jylmen salystyrǵanda 2019 jyldyń shilde aıynda naýqasqa kelý ýaqyty 25-ten 18 mınýtqa deıin qysqarǵan eken.

– Shuǵyl medısınalyq kómek kórse­týdiń halyqaralyq standarttaryn en­gizý jalǵasty. Osylaısha 2018 jyl­men salystyrǵanda medısınalyq kómek kórsetý sapasyn arttyrý para­met­ri 2019 jyldyń 10 aıynda sátti rea­nımasııa kórsetkishi 20,9%-ǵa art­ty, 2018 jyly bul 15%-dy qura­dy. 2017 jylmen salystyrǵanda 2019 jyldyń 10 aıynda 245 ólimge tómen­de­di, – dedi R.Eltaev.

Júrgizilgen jańǵyrtýdyń taǵy bir nátıjesi – sozylmaly aýrýlary bar pasıentterge emhanalar qyzmetiniń jaqsarýy. Bul týraly sozylmaly aýrý­lardyń asqynýy sebebinen jedel járdemdi shaqyrý jaǵdaılary sany­nyń tómendeýi kýálandyrady. Jyl basymen salystyrǵanda jeltoqsan aıy­nyń sońynda osyndaı shaqyrýlar sany 55410 oqıǵaǵa qysqarǵan.

– «103» qyzmetiniń materıaldyq-tehnıkalyq bazasy kúsheıtildi. 2018 jylmen salystyrǵanda 2019 jyldyń qorytyndysy boıynsha medısınalyq jabdyqtarmen jabdyqtaý 20%-ǵa artyp, 70%-dy qurady. 2017-2018 jyl­darmen salystyrǵanda GPS-navı­ga­sııamen jabdyqtaý jaǵdaıy jaqsar­dy. Kórsetkish 2018 jylmen salystyrǵanda 21,2%-ǵa artty jáne 2019 jyldyń 10 aıynyń qorytyndysy boıynsha 73,2%-dy qurady. Sondaı-aq sanıtarlyq kólikpen qamtamasyz etý artty: 2019 jyldyń 10 aıynyń qorytyndysy boıynsha bul 75%-dy qurady, – deıdi Mańǵystaý oblystyq jedel járdem stansasynyń dırektory R.Eltaev. Sondaı-aq qanatqaqty joba sheńberinde stasıonarlardyń qabyldaý bólimshelerinde mamandardy oqytý, standarttardy engizý, redızaın jáne qaıta qurý, materıaldyq-tehnıkalyq jaraqtandyrýdy jaqsar­tý syn­dy jańa formatty jumys bastal­dy.

 «Jedel járdemniń» joly nege bógeledi?

Mekeme basshysy keltirgen máli­met­ter salada jasalyp jatqan ju­mys­­tardan habardar etedi. Árıne, «bitken iske» qýana bilgen jaqsy. Alaı­­da turǵyndar arasynda jedel medı­­sınalyq qyzmettiń sapasyna syn aıta­tyn­dar joq emes. Ýáj sol baıaǵy – keshigý...

Mekeme basshysy R.Eltaevtyń aıtýyn­sha, jaryq joq jáne kóshe ataý­lary, úı nómirleri, páterlerde domofondardyń jumys istemeýi «Jedel járdem» qyzmetine qolaı­syz­dyq týdyrsa, joldardaǵy júr­gi­zýshi má­de­­nıetiniń saqtal­maýy je­del medısınalyq jár­dem­­niń qaty­­sýy­men bolǵan jol-kólik oqıǵa­sy­na ákelip soǵady eken. Sondaı-aq eldi mekenderdegi joldardyń sapa­syzdyǵy, túngi ýaqytta kóshe­lerdi jaryqtandyrýdyń jetki­lik­siz­digi – alys aýdandardaǵy ǵalam­tor, uıaly baılanys qyzmetiniń jetki­liksizdigi jedel medısınalyq qyz­met brıgadasynyń kelý ýaqytyn tó­men­detedi.

«Jedel járdem» qyzmeti qalada, aýdan ortalyqtarynda belsendi bol­ǵan­men, Mańǵystaýdyń alys aýyldarynda alańdatarlyq jaǵdaı kóp. Jaz mezgilinde Beıneý aýdanynyń alys aýylyna qydyryp baryp aıaq astynan qatty syrqattanǵan adamǵa «Jedel járdem» taba almaı daǵdarǵanymyz este. Aýyldyq ákimshilik qurylymyna saı qımyldaıtyn kórshi aýyldar bir-birine siltep ýaqyt sozǵany – naý­qas­qa janashyrlyqtyń emes, qatyp qal­ǵan «tártiptiń» mańyzdyraq ekenin uǵyn­dyrǵan. Demek, aýyldyq jerlerdegi atalǵan sala qyzmetin arttyrý qajettigi ańǵarylady.

 

Mańǵystaý oblysy

 

Sońǵy jańalyqtar

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Qushaǵy keń, júregi jumsaq

Rýhanııat • Búgin, 06:49

Túbir astyndaǵy teńdeýdiń sheshimi

Rýhanııat • Búgin, 06:45

Saltanatty is-sharaǵa qatysty

Prezıdent • Búgin, 06:37

Prezıdent el azamattaryn marapattady

Prezıdent • Búgin, 06:30

Uqsas jańalyqtar