Qoǵam • 04 Jeltoqsan, 2019

«Kúndeliktiń» kúni áli týǵan joq

49 retkórsetildi

Kóptegen muǵalimder, ata-analar, tipti Parlamenttegi «Aq jol» demokratııalyq partııasy «Kúndelik» avtomattandyrylǵan aqparattyq júıesiniń (AAJ) fýnksııasyn únemi synap, onyń durys jumys istemeıtindigine shaǵynyp júredi.

Fraksııa depýtattary Úkimetke de birneshe depýtattyq saýal joldap, osy júıeni qalypqa keltirýdi suraǵan. Depýtattar tipti onyń jumysyn barlyq mektepter keń jolaqty ınternetke qol jetkizgenshe toqtata turýdy da ótingen. Sonymen birge onyń kóptegen qyzmetteriniń aqyly bolǵanyna da depýtattar narazylyq bildirgen. Bar gáp osy jerde sııaqty. «Kúndeliktiń» arqasynda ońaı tabys tabýdy kózdegender ony qalaı da jappaı engizý týraly sheshimdi ótkizip jibergenge uqsaıdy.

«Aqjoldyqtardyń» depýtattyq saýalyna jýyrda Premer-Mınıstrdiń orynbasary Berdibek Saparbaevtan jaýap kelip, onda mınıstrlikke tegin kórsetiletin qyzmetterdi kóbeıtý múmkindigin qarastyrý tapsyrylǵany jetkizildi. Sonymen birge ınterneti joq aýyldardyń mektebinde «Kúndelik» AAJ óshiriletindigi aıtylǵan.

Keshe Soltústik Qazaqstan oblysy ákimdiginiń otyrysynda da osy másele talqylandy. Jıyn barysynda oblys ákimi Qumar Aqsaqalov ınternet jelisi joq aýyldarda muǵalimderdi elektrondy kúndelikti toltyrýǵa májbúrleý faktileri bar ekenin aıtty. «Internet joq aýyldarda elektrondy kúndelikti toltyrý qısynǵa kelmeıdi. Muǵalimderdi májbúrlemeńizder. Internettiń jyldamdyǵy tómen bolǵasyn, mektepte túnde jumys isteýge týra keledi.  Tipti keıbir muǵalimder kórshi aýylǵa baryp, toltyrady degendi estidim. Mundaı bassyzdyqqa jol berilmesin», - dedi Qumar Aqsaqalov.

Aldymyzdaǵy jyly óńirdiń 236 eldimekeni keń jolaqqa qosylady. Odan arǵy, 2021 jyly taǵy 196 aýyl sapaly ınternetke qol jetkizbek. Tek 2022 jyly ǵana oblys aýyl-selolarynyń 86% keń jolaqty ınternetke qol jetkizedi alady eken. Demek, júz paıyzdyń aýyly áli alys. Osyndaı jaǵdaıda «Kúndelikti» jappaı engizý qısynǵa kelmeıtini kórinip tur.

Soltústik Qazaqstan oblysy

 

 

 

 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar