Aımaqtar • 04 Jeltoqsan, 2019

Oralda jas ólketanýshylar baıqaýy ótti

84 retkórsetildi

Batys Qazaqstan oblystyq Tilderdi damytý basqarmasy muryndyq bolǵan «Týǵan ólke – tunǵan tarıh» atty ǵylymı-zertteý jobasy baıqaýy márege jetti. Bilim men izdenis jarysyna oblystyń barlyq aýdandarynan 7-8 synyp oqýshylary qatysty.

 

- Baıqaýdyń basty maqsaty – Elbasymyzdyń «Uly dalanyń jeti qyry» jáne «Bolashaqqa baǵdar: rýhanı jańǵyrý» maqalalary aıasynda jas zertteýshilerdiń nazaryn óziniń týǵan ólkesine, aýyl men qala tarıhyna aýdarý boldy. Osylaısha, óz ólkesin erekshe súıetin, onyń ótkenimen maqtanatyn patrıottardy tárbıeleý, bilim alýshylardyń ǵylymı oılaý jáne zertteý qabiletterin damytý da basty nazarda. Baıqaýǵa mektep oqýshylary belsene qatysty. Sóıtip, qorytyndy synǵa oblystyń 9 aýdany jáne Oral qalasynyń bilim mekemelerinen 23 úmitker qatysty, - deıdi osy baıqaýdy uıymdastyrýshy Tilderdi damytý basqarmasynyń jaýapty qyzmetkeri Zámzágúl Ǵabbasova.

Orta býyn mektep oqýshylarynyń balań jumystary bolsa da baıqaýǵa Oral qalasyndaǵy joǵary oqý oryndarynyń professor-oqytýshylary qazylyq etti. Tarıh ǵylymdarynyń kandıdattary, tanymal tarıhshylar Baqtyly Boranbaeva men Alfııa Baıbolsynova, fılologııa ǵylymdarynan PhD doktor Aıdarbek Aqbolatov jas zertteýshilerdiń anyqtamalyq ádebıetterimen jumystanýdaǵy biligi men daǵdysyn, qorytý tájirıbesin, jazý sheberligin, týǵan ólke tarıhynyń aqparattyq-taldaý materıaldary júıesin qurý jáne júrgizýdegi izdenisin laıyqty baǵalady.

- Oqýshylarǵa olardyń jetekshileri, ustazdary barynsha kómekteskeni baıqalady. Baıqaýǵa kelip túsken jumystardyń kópshiligi onomastıka taqyrybyna, jer ataýlarynyń tarıhyna arnalǵan eken. Shıpaly Áljan sor týraly, kóne qulpytastar tarıhy haqynda zertteý jasaǵan oqýshylar da bar. Árıne, bul balǵyn zertteýshilerdiń tyrnaqaldy týyndylary ǵoı. Olarǵa sáttilik tileımiz, - deıdi Mahambet О́temisuly atyndaǵy Batys Qazaqstan memlekettik ýnıversıtetiniń dosenti, tarıh ǵylymdarynyń kandıdaty Alfııa Sabyrǵalıqyzy.

Sonymen, bilim men tanym báıgesiniń bas júldesin – Qaratóbe aýdany Alakól negizgi mektebiniń 8-synyp oqýshysy Ulpan Sultanǵalıeva jeńip aldy. Birinshi oryn – Terekti aýdany Dolın jalpy orta bilim beretin mektebiniń 8-synyp oqýshysy Saıda Kabyshevaǵa buıyrsa, qos ekinshi oryndy Báıterek aýdany Kamen jalpy orta bilim beretin mektebiniń 7-synyp oqýshysy Darıa Strebkova men Bórli aýdany Aqbulaq mektep-balabaqsha kesheniniń 7-synyp oqýshysy Daıanna Toqtasyn ıelendi. Úsh úshinshi júldeni Aqjaıyq aýdany Ǵabdolla Mahambetov atyndaǵy orta jalpy bilim beretin mektebiniń 8-synyp oqýshysy Dılıara Sársenǵalıeva, Qaztalov aýdany Aqpáter orta jalpy bilim beretin mektebiniń 7-synyp oqýshysy Ádemi Aıtqalı jáne Oral qalasy №35 mektep-lıseıiniń 8-synyp oqýshysy Ksenııa Dolıa bólisti. Al Syrym aýdanynda V.I.Shýbın atyndaǵy orta mektebiniń 8-synyp oqýshysy Asylaı Tuıaqova men Oral qalasyndaǵy №42 «Aqnıet» gımnazııasynyń 8-synyp oqýshysy Shalqyma Júnis arnaıy syılyqqa ıe boldy. Baıqaýdyń barlyq jeńimpazy arnaıy dıplommen, baǵaly syılyqtarmen marapattaldy.

 

Batys Qazaqstan

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar