Aımaqtar • 04 Jeltoqsan, 2019

Jetisýdyń «Elektrondy jer kartasy» jańardy

48 retkórsetildi

«Sıfrly Qazaqstan» baǵdarlamasyna sáıkes bıyl kórsetiletin memlekettik qyzmetterdiń 80 prosenti elektrondy júıege kóshýi kerek. Satylap engizilip jatqan jańa júıe boıynsha keler jyly bul úrdis ilgerlep, elektrondy qujat aınalymy 90 prosentten kem bolmaýy tıis.

Bul baǵyttaǵy jumys Almaty oblysynda qarqyn alýda. Onyń ishinde, aımaqtyń jer qatynastary salasyndaǵy qyzmet túrleriniń sıfrly júıege kóshýi bir izge tústi. Atap aıtqanda, 2015 jyldan beri oblystyń «Elektrondy jer kartasy» ázirlenip, tolyqtyrylýda. Endi óńirdiń ár turǵyny jer telimderi men basqa da jerge qatysty tolǵaqty máseleni osy elektrondy kartany qoldana otyryp sheshe alady. Bul qyzmet «О́ńirlik geoaqparattyq júıe» aıasynda ashyq ári qoljetimdi bola tústi.

- «Elektrondy jer kartasynda» oblystyń ár aýdan, qalasyndaǵy kez kelgen jer ýchaskesiniń nysanaly maqsaty, kategorııasy, aýmaq kólemi, shekarasy, ınjenerlik jelileriniń bar-joqtyǵy, kadastrlyq nómiri, tipti qandaı qujattyń negizinde rásimdelgenine deıingi barlyq málimetter anyq jazylyp turady, - deıdi oblystyq jer qatynastary basqarmasynyń basshysy Qýanyshbek Qashqymbaev.

Al «О́ńirlik geoaqparattyq júıe» qyzmet kórsetý salasyndaǵy derekter men kadastrlar bazasyn bir jerge shoǵyrlandyrady. Sonyń nátıjesinde jer qatynastary men sáýlet jáne qala qurylysy salalaryndaǵy memlekettik qyzmettiń jalpy 22 túri elektrondy túrge kóshirilmek. Qazir bul joba Qapshaǵaı, Taldyqorǵan, Tekeli qalalarynda tájirıbeden ótip, nátıjesin bere bastady. Jalpy, sıfrly júıege kóshý jer qatynastary salasyndaǵy memlekettik qyzmet kórsetýdiń merzimin 1 jyldan 30 kúnge deıin,al sáýlet jáne qala qurylysy baǵyty boıynsha 100 kúnnen 10 kúnge deıin qysqaryp, kelýshiniń ýaqytyn únemdeýge múmkindik beredi.

 

 

Almaty oblysy

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar