Qoǵam • 04 Jeltoqsan, 2019

Balalar arasyndaǵy buzaqylyq kóbeıip barady

41 retkórsetildi

Almaty oblysynda mektep ınspektorlarynyń jetispeýshiligi jasóspirimder arasyndaǵy quqyq buzýshylyqtyń kóbeıýine sebep bolyp otyr. Qazir aımaqtaǵy 760 bilim berý mekemesinde bar bolǵany 182 polısııa ýákili jumys isteıdi eken.

Bul jaıynda Taldyqorǵan qalasynda ótken jasóspirimder arasyndaǵy qylmystyń aldyn alý jáne olardy quqyqbuzýshylyqtan qorǵaý máselesi talqylanǵan otyrysta oblystyq polısııa departamentiniń basshysy, general-maıor Murat Urumhanov málim etti.

- О́tken 10 aıdyń qorytyndysy boıynsha oblysta jasóspirimder arasyndaǵy qylmys 4,3 prosentke kóbeıgeni baıqaldy. Iаǵnı, quqyqbuzýshylyqtyń aldyn alý maqsatynda júrgizilgen jedel is-sharalarǵa qaramastan jaǵdaı kúrdeli kúıinde qalyp otyr. Polısııa osy merzim ishinde 4 ret «Jasóspirim» sharasyn, 3 márte «Túngi qaladaǵy balalar» aksııasyn ótkizdi. Ol boıynsha kámeletke tolmaǵan balasyn qaraýsyz jibergen 4 myńǵa jýyq ata-anaǵa ákimshilik aıyppul salynyp, 66 oıyn-saýyq ortalyǵynyń ıesi jaýapkershilikke tartyldy, - deıdi oblystyń bas polıseıi.

Jıynda mektepterdegi beınebaqylaý kameralarynyń jumysyna qatysty da syn aıtyldy. Qazir bilim berý nysandarynda 15 860 beınebaqylaý qurylǵysy iske qosylǵan. Alaıda, kameralardyń deni eskirgen. Kóptegen qurylǵy bir baǵytty ǵana beınege túsiredi. Olardyń jazbalaryn qarap, suryptap otyratyn arnaıy maman taǵy joq. Sol sebepten de mektep ishindegi bala quqynyń buzylýy nazardan tys qalyp jatady.

Aıtpaqshy, oblystaǵy úsh júzden astam mekteptiń dárethanasy ǵımarat ishinen tysqaryda ornalasqan eken. Oqýshylardyń jyly ári qaýipsiz dárethanalarǵa jaqyn merzimde qol jetkizýi taǵy neǵaıbyl.

 

 

Almaty oblysy

Sońǵy jańalyqtar

Benzın baǵasy arzandady

Ekonomıka • Keshe

Abaıdyń ánin shyrqady

Abaı • Keshe

14 otbasyǵa qol ushyn sozdy

Qazaqstan • Keshe

Onlaın jyr ortalyǵy ashylmaq

Rýhanııat • Keshe

Salyq salmaq salmaıdy

Qarjy • Keshe

Uqsas jańalyqtar