Qazaqstan • 04 Jeltoqsan, 2019

Qazaqstan áskerinde jańa oqý jyly bastaldy

36 retkórsetildi

Qazaqstan Qarýly Kúshteri ásker túrleriniń, tekteri men barlyq áskerı bólimderi men quramalarynda, óńirlik qolbasshylyǵynda jańa oqý jylynyń bastalýyna oraı jeke quramnyń saltanatty sapqa turýy ótti. Jańa kezeń «Qýatty armııa - El tiregi!» uranymen bastaldy. Bul týraly Qorǵanys mınıstrliginiń baspasóz qyzmeti habarlady. 

Sabaq qazaqstandyq áskerdiń ótken jyldaǵy jetistikteri men qorytyndysy, sonymen qatar jańa tapsyrmalardy aıqyndaıtyn memlekettik-quqyqtyq daıarlyqtan bastaldy. Jalpy 2020 jyldaǵy basym tapsyrmalar áskerlerdi joǵarǵy jaýyngerlik daıarlyqqa keltirýge, jeke quramnyń jaýyngerlik daıyndyǵy men dalalyq mashyǵyn jetildirýge, bitimgerlik qyzmetti qamtamasyz etýge, sondaı-aq áskerı qyzmetshiniń mártebesin arttyrý men áleýmettik suraqtardyń túıinin tabýǵa basa nazar aýdarylady.  

Jaýyngerlik daıarlyq memlekettiń áskerı qaýipsizdigin qamtamasyz etý jónindegi mindetterdi jáne aldyńǵy oqý kezeńinde qol jetkizilgen jaýyngerlik oqý nátıjelerin eskere otyryp josparlanǵan.

Aıta keteıik, 2019 jyly qazaqstandyq áskerdiń jeke quramy 109 jedel jáne 50 000-nan asa jaýyngerlik daıarlyq sharalaryna jumyldyryldy. 3 700-den astam jaýyngerlik atý men taktıkalyq oqý-jattyǵýlar ótti. Onyń 1 500-i túnde júrgizildi. Áskerde bir jyl kóleminde 60 000-nan astam ásker tekteri men arnaıy áskerı mamandar daıyndaldy.

Armııany tehnıkalyq jabdyqtaý aıasynda 2019 jyly jaýyngerlik dóńgelekti mashına, ushaqsyz ushý apparaty kesheni, 400-den asa avtomobıldi jáne arnaıy tehnıka alyndy. Josparly túrde kúrdeli jóndeý jumystary, brondi tankilik jáne zymyran-artıllerııalyq qarý-jaraqtardy jańǵyrtý júrgizildi. Jumystar kóbine qazaqstandyq kásiporyndarymen júzege asyryldy.

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar