Qoǵam • 04 Jeltoqsan, 2019

Jastarǵa qoldaý kórsetýge basymdyq berilmek

34 retkórsetildi

Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń qoldaýymen iske asyrylǵan «Eńbekqor jastar» aqparattyq kampanııasy jumysynyń qorytyndysy shyǵaryldy. Bul týraly mınıstrliktiń baspasóz qyzmeti habarlady. 

Jobada elimizdegi aýyl sharýashylyǵy salasynda eńbek etip júrgen 30-dan astam jas kásipkerden suhbat alynyp, otandyq buqaralyq aqparat quraldarynda jarııalandy. Sonymen qatar áleýmettik jeli arqyly jas kásipkerlerdiń atqarǵan jumystary keńinen nasıhattaldy. Jobanyń negizgi maqsaty jas ta bolsa óz kásibin ashyp, isin órge súırep júrgen qyz-jigitterdiń qoǵamda tanylýyna, nasıhattalýyna múmkindik berý.

Joba aıasynda kóptiń kóńilinen shyqqan jas kásipkerlerdiń biri – 25 jastaǵy  Ádemi Esenshoraeva. Ol Almaty men Nur-Sultan qalalarynda dánekerleý sehtaryn jalǵa alyp, kásip ashty. Sonymen qatar, bul bastamany aýyldy jerlerde de sátti jalǵastyryp otyr. Al Máskeýde jáne Býenos-Aıreste (Argentınada) oqyǵan 28 jastaǵy agronom Dáýlet Bakıshev Pavlodar oblysyndaǵy týǵan aýylynda aýyl sharýashylǵy salasy boıynsha ilkimdi jobalardy júzege asyrýda.

Is-shara aıasynda «Eńbek naryǵynyń jańa bolmysyndaǵy jastar resýrstyq ortalyqtarynyń áleýeti men róli» tujyrymdamasy tanystyryldy.

PHD doktory, zertteý tobynyń jetekshisi Janargúl Qulmaǵambetovanyń aıtýynsha, Qazaqstanda alǵash ret jastar resýrstyq ortalyǵy 2014 jyly ashylǵan. Mundaı ortalyqtardy ashýdaǵy negizgi mindet - jastar men jastar uıymdaryna qyzmet kórsetý. Búgingi tańda Qazaqstan boıynsha 208 jastar resýrstyq ortalyǵy jumys isteıdi.

Jastar resýrstyq ortalyqtary qyzmetiniń mańyzdy baǵyttarynyń biri - jastardyń ómirlik mańyzdy daǵdylary boıynsha damytý, ázirleý jáne oqytý.

Búginde Qazaqstannyń ekonomıkalyq belsendi halqynyń tórtten bir bóligin jastar quraıdy. Bul rette sońǵy bes jylda jastar arasyndaǵy jumyssyzdyq deńgeıi 1,6 paıyzǵa tómendedi.

 

 

 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar