Shárbaný Muhıtqyzy - 1936 jyldyń 1Z mamyrynda Almaty oblysynyń Esik qalasynda týǵan. 1961 jyly Qazaq memlekettik ýnıversıtetiniń fılologııa fakýltetin bitirgen.
1961 - 1966 jyldary «Sosıalıstik Qazaqstan» («Egemen Qazaqstan») gazetinde ádebı qyzmetker, 1966 - 1968 jyldarda Qazaq KSR Mınıstrler Keńesiniń Kınematografııa jónindegi memlekettik komıtetinde aǵa redaktor, 1968 - 1972 jyldary qazirgi «Parasat» jýrnalynda jaýapty hatshy, 1972 - 1974 jyldary M.Áýezov atyndaǵy akademııalyq drama teatrynda ádebıet bóliminiń meńgerýshisi, 1976 - 1986 jyldary «Jazýshy» baspasynda redaktor, aǵa redaktor, «Qazaqstan áıelderi» jýrnalynda qyzmet etken. 1991 jyldan respýblıkalyq dárejedegi derbes zeınetker.
Jazýshynyń «Qyz syry» atty tuńǵysh áńgimeler jınaǵy 1961 jyly jaryq kórgen.
Sonymen qatar ol «Terezeler» (1964), «Qos shynar» (1968), «Sáýirdiń aq tańy» (1971), «Qazbaýyr bulttar» (1980), «Beloe ýtro aprelıa» (1978), «Qyzyl qaıyń» (1979), «Jenshıne sorok let» (1980), «О́mirim meniń - ónerim» (Shara Jıenqulovamen birge jazylǵan) (1983), «Áıel shyraǵy» (1985), «Jerdiń tuzy» (1991), «Qulja joly» (1977), «Sezim patshalyǵy» (2003) atty týyndylardyń, «Kimniń toıy?» (komedııa), «Bir boıdaqtyq hıkaıasy», «Qara sandyq», «Kúlásh-Shara» atty dramalyq shaǵarmalardyń avtory.
