Aımaqtar • 04 Jeltoqsan, 2019

«QazMunaıGaz» TShO aldyndaǵy mindettemelerin merziminen buryn oryndady

42 retkórsetildi

2019 jylǵy 30 qarashada «QazMunaıGaz» UK AQ Vitol halyqaralyq treıdıng kompanııasy men halyqaralyq bankter sındıkatynan avans alý esebinen «Teńizshevroıl» JShS-nan munaıdy jetkizý jónindegi kelisimsharttyq mindettemelerin merziminen buryn ótedi. Bul týraly kompanııanyń jurtshylyqpen baılanys departamenti habarlady.

Mindettemelerdi merzimnen buryn óteý QMG kompanııalar tobynyń qarjylyq jaǵdaıyn jaqsartý, qaryzdaryn basqarý jáne aqsha aǵyndaryn ońtaılandyrý jónindegi is-sharalar keshenin ótkizý nátıjesinde múmkin boldy.

Eske sala keteıik, QMG 2016 jyly halyqaralyq munaı treıderleri arasynda TShO munaıy kóleminiń 20%-yn satý boıynsha tender ótkizdi. TShO aksıoneri retinde onyń munaıyn satyp alýǵa QMG-nyń basym quqyǵy bar. Munaıdy satyp alý quny, jóneltýdiń turaqtylyǵyn qamtamasyz etý jáne tómengi baǵamen uzaq merzimdi avans berý tenderdiń negizgi sharttary boldy. Tenderdiń qorytyndysy boıynsha iri halyqaralyq treıder bolyp tabylatyn Vitol kompanııasymen 2020 jyldyń sáýir aıyna deıin 3 mlrd dollar avans somasyna kelisimshartqa qol qoıyldy.

QMG uzaq merzimdi avans sheńberinde alynǵan qarajatty enshiles kompanııalardy qarjylandyrý, Qashaǵan jobasyna ınvestısııa salý, qaryzdarǵa qyzmet kórsetý jáne taǵy da basqa maqsattarǵa jumsady.

2017 jyly munaıdy jetkizý jónindegi mindetterdi ishinara oryndaǵannan keıin jáne sáıkesinshe avans somasy 2 mlrd dollarǵa deıin tómendegen soń, QMG 2021 jyldyń sáýir aıyna deıin taǵy 1 mlrd dollar kóleminde qosymsha avans aldy.

Mindetterdiń oryndalýyna qaraı avanstyń qaldyǵy birte-birte azaıa tústi. Aıtalyq, 2016 jyldyń 31 jeltoqsanyndaǵy jaǵdaı boıynsha avans qaldyǵy 3 mlrd dollar, 2017 jyldyń 31 jeltoqsanynda – 2,75 mlrd dollar, 2018 jyldyń 31 jeltoqsanynda – 2,25 mlrd dollar, 2019 jyldyń 31 naýryzynda – 1,84 mlrd dollar, 2019 jyldyń 30 maýsymynda – 1,05 mlrd dollar, 2019 jyldyń 30 qyrkúıeginde – 404 mln dollardy qurady. 2019 jyly avans qaldyǵynyń jedel tómendeýi QMG tarapynan mindetterdi asyra oryndaýyna baılanysty boldy (asyra oryndaý kólemi 1,270 mlrd dollardy qurady).

Avans tolyq ótelgennen keıin mámileniń barlyq taraptary arasyndaǵy munaıdy jetkizý jónindegi kelisimsharttardyń kúshi olardyń áreket etý merzimderine deıin (2021 jyldyń birinshi jartyjyldyǵy) saqtalatyn bolady.

 

 

Mańǵystaý oblysy

                          

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar