Qoǵam • 04 Jeltoqsan, 2019

Pedıatrııa ortalyǵynda «Smart School-2» synyby ashyldy

59 retkórsetildi

Almatyda Pedıatrııa jáne balalar hırýrgııasy ǵylymı ortalyǵynda stasıonarda jatqan naýqas balalar bilim alatyn ekinshi «Smart School»  oqý synyby ashyldy. Bul týraly ortalyqtyń baspasóz qyzmeti habarlady. 

Innovasııalyq oqý klasy aq qan aýrýyna, onkologııalyq dertke, sırek aýrýlarǵa shaldyqqan balalarǵa arnalǵan. Emdelý uzaq ýaqytty talap etetindikten, munda balalar jyldap jatady. Soǵan qaramastan endi ortalyqta em alyp jatqan balalar emin úzbeı, zamandastarynan qalmaı, bilimderin  odan ári jetildirip, bos ýaqyttaryn tıimdi ótkize alatyn bolady.

Ozyq qondyrǵylarmen jabdyqtalǵan smart klassty Pedıatrııa ortalyǵynyń basshysy Rıza Boranbaeva ashty. Sonymen qatar ashý qurmeti  ata-analardyń ishindegi jasy úlkenine berildi.

 - «Búgin biz úshin, osynda em alyp jatqan balalar men olardyń ata-analary úshin qýanyshty kún. Balalarǵa úlken qýanysh syılaǵan, keń, ásem de jaryq synypty jasap, zaman talabyna saı jabdyqtap bergen demeýshilerge, atsalysqan eriktilerge barsha qaýym atynan sheksiz alǵysymyzdy bildiremiz. Ortalyǵymyzda ashylyp otyrǵan ekinshi smart-klasstyń  balalardyń densaýlyǵyn jaqsartýǵa qosar úlesi mol bolary sózsiz dep bilemin»,- dedi ashylý saltanatynda Pedıatrııa ortalyǵynyń basshysy Rıza Boranbaeva.

«Smart School-2» synyby úsh kabınetten turady. Zamanaýı quraldarmen jabdyqtalǵan oqý synybynda balalar matematıka, tarıh, aǵylshyn tili jáne ózge jalpy pándermen birge, mektepke deıingi baǵdarlamany  oqyp, bos ýaqyttarynda aǵylshyn tilin úırenip, shahmat, robot-tehnıkasy, konstrýktor quraý,  sýret salý syndy shyǵarmashylyq jumystarmen de aınalysa alady. Sondaı-aq bul synypta mýzyka men ertegilerdiń kómegimen terapııa seanstary ótkiziledi. Barlyq sabaqtar men úıirmeler tegin júrgiziledi. Joba aıasynda emhana saıqymazaǵy (kloýny) balalardyń kóńilin kóterip, túrli keshter uıymdastyryp, qýantyp otyrmaq. Synyp úlken ınteraktıvti taqtamen, ekologııalyq taza jıhazdarmen qamtamasyz etilgen. Zaman talabyna saı árlenip, bezendirilgen. Oqý úrdisi jańa ázirlemelerdiń arqasynda nátıjeli ári qyzyqty bola túsedi dep senemiz.

«Jańa synyptyń ashylýy emdelip jatqan balalar úshin psıhologııalyq turǵyda úlken kómegin bere otyryp, boılaryndaǵy qabiletterin ashýǵa da jańa múmkindikter beredi. Zamanaýı tehnologııalardyń kómegimen olar qurdastarynan artta qalmaı, zııatkerlik jáne shyǵarmashylyq qabiletterin damyta alady. Atap óte keteıin, kishkentaı pasıentterge ata-analarmen jáne balalarmen til tabysa alatyn bilikti mamandar, eriktiler dáris beredi. Bizdi eń qýantatyny, balalar stasıonarda uzaq merzimde em ala otyryp, oqý prosesinen qalys qalmaıtyn bolady», deıdi «Help Today» qoǵamdyq qorynyń basshysy Elmıra Álıeva.

Onyń aıtýynsha, synypta aldaǵy ýaqytta ata-analar úshin psıhologııalyq qoldaý kýrstary ashylmaq.

Shara barysynda №3 onkogematologııa bólimi ata-analary atynan sóz sóılegen Madına Qunanbaeva balalar úshin jasalyp jatqan qaıyrymdy is úshin barsha qaýymǵa alǵysyn bildirdi.

Ozyq qondyrǵylarmen jabdyqtalǵan oqý synyby  «Help Today» qoǵamdyq qorynyń qoldaýymen jáne   «Samsung Electronics Central Eurasia», «Universal Masters», «Baı-Temır», «BioMarin Europe Limited» kompanııalarynyń demeýshiligimen iske asty.

Is-shara óner qaıratkerleriniń qatysýymen ótken shaǵyn konserttik baǵdarlamamen aıaqtaldy.

1

 

Sońǵy jańalyqtar

Reıtıngte joǵarylady

Kásipqoı boks • Búgin, 07:22

«Altyn saqa» úzdikteri anyqtaldy

Ulttyq sport • Búgin, 07:15

Qazaq áni Nıý-Iorkte shyrqaldy

Rýhanııat • Búgin, 07:09

Jaqsylyqqa toly Jastar jyly

Qoǵam • Búgin, 07:04

Shapaǵatty jol

Rýhanııat • Búgin, 06:59

«Qaıyrbolatty qaıtaryńdar!»

Aımaqtar • Búgin, 06:56

Volonterler bas qosty

Qoǵam • Búgin, 06:47

Stıpendııa kóteriledi

Qoǵam • Búgin, 06:43

Naqty tapsyrmalar berdi

Prezıdent • Búgin, 06:27

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Uqsas jańalyqtar