Rýhanııat • 04 Jeltoqsan, 2019

Elordalyqtar Bıbigúl Tólegenovanyń 90 jyldyq mereıtoıyn atap ótti

172 retkórsetildi

«Astana Opera» MOBT sahnasynda Sosıalıstik Eńbek Eri, KSRO Halyq ártisi, KSRO Memlekettik syılyǵynyń laýreaty Bıbigúl Ahmetqyzy Tólegenovanyń mereıtoıy saltanatty túrde atalyp ótti. Bul týraly Mádenıet jáne sport mınıstrliginiń baspasóz qyzmeti habarlady. 

E.Brýsılovskııdiń «Qyz Jibek» operasynan Jibektiń «Gákký» ánin toı ıesiniń ózi oryndap sahna tórine kóterilgende kórermen qaýym qazaq óneriniń ańyz tulǵasyna uzaq qol shapalaqtap qurmet kórsetti.

Kezinde  Baýyrjan Momyshuly «Qazirgi óner sheberleriniń ishinde Bıbigúldi bulbulǵa teńep júrsińder, ol odan da artyq. Senderdiń bulbuldaryń meniń Bıbigúlime jetpeıdi. Oǵan tabıǵat kórik te bergen, eshkimge uqsatýǵa bolmaıtyn daryndy da bergen» dep  joǵary baǵalaǵan «Qazaqtyń bulbuly» Bıbigúl Tólegenovanyń shyǵarmashylyq keshin ashqan elimizdiń Mádenıet jáne sport mınıstri Aqtoty Raıymqulova toı ıesine Qazaqstan Prezıdenti Q.Toqaevtyń quttyqtaý hatyn oqyp berdi. Sonymen qatar ol Parlament Senatynyń Tóraǵasy  Darıǵa Nazarbaevanyń da júrekjardy lebizin jetkizdi.

1

Shyǵarmashylyq keshte Bıbigúl Tólegenova atyndaǵy baıqaýdyń bıylǵy Gran-prı ıegeri, ıtalıandyq ánshi Kozımo Oreste Uly Abaıdyń óleńine jazylǵan Muqan Tólebaevtyń «Men kórdim uzyn qaıyń qulaǵanyn» romansyn qazaq tilinde naqyshyna keltire oryndady.  

Qazaqtyń áıgili opera ánshisi Bıbigúl Tólegenovanyń torqaly toıynda shákirtteri men «Astana Operanyń» solısteri – Qazaqstannyń eńbek sińirgen ártisi Jannat Baqtaı, Qazaqstannyń eńbek sińirgen qaıratkerleri Dına Hamzına, Medet Chotabaev, Meıir Baınesh, Janat Shybyqbaev, Azamat Jyltyrgózov, Gúljanat Sapaqova, Elena Nızamýtdınova, Bolat Esimhanov, Gúldana Aldadosova óner kórsetti. Olar A.Jubanov, L.Hamıdı, E.Brýsılovskıı, S.Muhamedjanov, M.Tólebaev, Dj.Verdı, P.Chaıkovskıı, J.Massne syndy qazaq jáne álemdik opera jaýharlarynyń týyndylaryn, arııalaryn, halyq ánderin, romanstar men orkestrlik shyǵarmalardy oryndap, kórermenderge qýanysh syılady.

1

Al balet óneriniń maıtalmandary, Qazaqstannyń eńbek sińirgen qaıratkerleri Gaýhar Ýsına, Ánel Rústemova, Taıyr Ǵataýov, halyqaralyq baıqaýlardyń laýreattary Oljas Tarlanov, Nazır Zaetov, Bostan Qojabekov, Sultanbek Ǵumar «Zamana tynysy», «Korsar», «Baıaderka» jáne ózge de horeografııalyq shyǵarmalary arqyly qazaq bı óneriniń bıik deńgeıin tanytty.

Kesh sońyna qaraı mereıtoı ıesi qulaqtan kirip boıdy alǵan áýezdi ánge elitip, kóńil qusy shartarapty kezgen talǵampaz kórermenderine zor iltıpatpen Ǵabdolla Toqaıdyń óleńine jazylǵan tatardyń halyq áni «Taftılıaýdy» oryndady. Toqsan jastyń tórine shyqqan el anasy jınalǵan qaýymǵa aq batasyn berdi.

1

Sońǵy jańalyqtar

Reıtıngte joǵarylady

Kásipqoı boks • Búgin, 07:22

«Altyn saqa» úzdikteri anyqtaldy

Ulttyq sport • Búgin, 07:15

Qazaq áni Nıý-Iorkte shyrqaldy

Rýhanııat • Búgin, 07:09

Jaqsylyqqa toly Jastar jyly

Qoǵam • Búgin, 07:04

Shapaǵatty jol

Rýhanııat • Búgin, 06:59

«Qaıyrbolatty qaıtaryńdar!»

Aımaqtar • Búgin, 06:56

Volonterler bas qosty

Qoǵam • Búgin, 06:47

Stıpendııa kóteriledi

Qoǵam • Búgin, 06:43

Naqty tapsyrmalar berdi

Prezıdent • Búgin, 06:27

Altyn ordanyń aq tańy

Rýhanııat • Keshe

Qobyz bizge qaı dáýirden jetken?

Rýhanııat • Keshe

Almatyda kitap kórmesi ashyldy

Rýhanııat • Keshe

Kúlki kerýeni № 23

Rýhanııat • Keshe

Uqsas jańalyqtar