Úkimet • 04 Jeltoqsan, 2019

Premer-Mınıstr Biliktilik jónindegi ulttyq keńes otyrysyn ótkizdi

43 retkórsetildi

Premer-Mınıstr Asqar Mamınniń tóraǵalyǵymen ótken Biliktilik jónindegi ulttyq keńestiń keńeıtilgen otyrysynda kásiptik standarttardy ázirleý máseleleri qaraldy. Bul týraly primeminister.kz habarlady.    

Biliktilikterdiń salalyq negizdemeleri men kásiptik standarttardy ázirleý nátıjeleri týraly eńbek jáne halyqty áleýmettik qorǵaý mınıstri B. Nurymbetov, bilim berý baǵdarlamalary men tıptik oqý josparlaryn ázirleý týraly - bilim jáne ǵylym mınıstri A. Aımaǵambetov, kásiptik standarttardy bekitý týraly «Atameken» UKP tóraǵasynyń orynbasary O. Ordabaev, naqty óndiriste bilim berý baǵdarlamalaryn engizý týraly Taý-ken óndirisi jáne taý-ken metallýrgııasy kásiporyndary qaýymdastyǵynyń atqarýshy dırektory N. Radostoves jáne Eýrazııalyq top basqarma tóraǵasy S. Shahajanov, kásiptik-tehnıkalyq bilim berý uıymdarynda kásiptik standarttardyń engizilýi týraly Hromtaý taý-ken tehnıkalyq kolledjiniń dırektory B. Moldasheva, Jańa kásipter atlasy ádistemesi týraly «BTC-digital» JShS bilim ortalyǵynyń basshysy S. Nurbek baıandady.

Qazirgi kezde Ulttyq biliktilikter negizdemesi qabyldandy, 36 salalyq biliktilik negizdemesi bekitildi, Qazaqstanda 2025 jylǵa deıin Ulttyq biliktilik júıesin engizý jónindegi Jol kartasy ázirlendi. 2020 jyly basymdyqty salalar boıynsha sertıfıkattaý jáne biliktilikterdi moıyndaý júıesin aprobasııalaý josparlanǵan.

«Kásiptik standarttardy ázirleý jumystaryn biz Tuńǵysh Prezıdent - Elbasy N. Nazarbaevtyń tapsyrmasy boıynsha 2012 jyly bastadyq. Búgingi tańda 480 kásiptik standart ázirlengen. Olar 2,7 myńnan asa kásipti qamtıdy. Bizge qazirgi zamanǵy syn-tegeýrinder men eńbek naryǵyndaǵy jyldam ózgeristerge saı keletin kásiptik standarttar men bilim berý baǵdarlamalary qajet. Bul týraly Memleket basshysy Q. Toqaev bıyl 17 mamyrda ótken jumyspen qamtý jáne eńbek máseleleri jónindegi keńeste aıtqan bolatyn», - dedi A. Mamın.

Premer-Mınıstr Memleket basshysy 2020 jyldyń naýryz aıynyń sońyna deıin Jańa kásipter atlasyn ázirleý boıynsha jumystardy aıaqtaýdy tapsyrǵanyn atap ótti,  sonyń negizinde eńbek naryǵynyń qajettilikterine sáıkes kadrlar daıarlanatyn bolady.

«Tórtinshi ónerkásiptik revolıýsııa jańa kásipter men quzyretterdiń týyndaýyna túrtki boldy. Biz buǵan ázir bolýymyz kerek. Sondyqtan bul baǵyttaǵy jumystar áleýmettik áriptestiktiń barlyq tarapynyń - memlekettiń, bıznestiń, kásipodaqtardyń úılestirilgen is-qımylyn talap etedi», - dedi A. Mamın.

Premer-Mınıstr «Atameken» ulttyq kásipkerler palatasyna kásiptik standarttardy bekitýdi jyldamdamtýdy jáne Bilim jáne ǵylym mınıstrligimen birlesip bilim berý standarttaryn ózektendirýdi qamtamasyz etýdi tapsyrdy.

«Budan ári jańa kásiptik standarttardy ázirleý bastamasy men tapsyrysy naqty óndiristiń qajettilikterinen túsýi tıis. Jumys berýshiniń ózi ózine qandaı daǵdylary bar qandaı maman kerek ekenin anyqtaýy kerek», - dedi A. Mamın.

Úkimet basshysy eńbek jáne halyqty áleýmettik qorǵaý, bilim jáne ǵylym mınıstrlikterine «Atameken» UKP-men birlesip eńbek naryǵyndaǵy jahandyq ózgeristerdi eskerýmen suranysqa ıe kadrlarǵa turaqty monıtorıng júrgizýdi tapsyrdy. 

Sońǵy jańalyqtar

Kúlki kerýeni № 20

Rýhanııat • Búgin, 12:38

Oralda jastar bastamalaryn qoldaý jaqsy

Aımaqtar • Búgin, 11:30

Táýligine 15-16 tonna sút alynady

Aımaqtar • Búgin, 09:20

Haliń qalaı, Qostanaı?

Aımaqtar • Búgin, 08:34

Sýbsıdııanyń jańa talaptary

Ekonomıka • Búgin, 08:29

Bıznesti jandandyratyn bastamalar

Parlament • Búgin, 08:22

Ekijaqty iskerlik baılanys nyǵaıady

Prezıdent • Búgin, 08:16

«Iokerıtten» jeńildi

Hokkeı • Búgin, 08:15

Qazaqstan tórtinshi topta

Fýtbol • Búgin, 08:13

Pedagogterge paıdaly shara

Rýhanııat • Búgin, 08:09

Adaldyq eshkimdi aldamaıdy

Qoǵam • Búgin, 08:06

Ǵylym men bıznestiń únqatysýy

Qoǵam • Búgin, 08:02

Mal urlyǵy – qoǵamdyq másele

Qoǵam • Búgin, 07:58

Meshitti salǵanymen, qaramaıdy

Aımaqtar • Búgin, 07:57

Qoldaý jumystary jalǵasady

Qoǵam • Búgin, 07:54

Onlaın-oqyrman

Tehnologııa • Búgin, 07:52

«Bastaý»: jańa býyn kınosy

Kıno • Búgin, 07:51

Sý basý qaýpi joq

Qoǵam • Búgin, 07:40

MÁMS: qanatqaqty joba oń nátıjesin berdi

Medısına • Búgin, 07:34

Baspanaly bolyp, baqytqa bólendi

Baǵdarlamalar • Búgin, 07:32

Ábishtanýdyń áz álipbıi

Rýhanııat • Búgin, 07:20

Ajyramas dúnıeniń adamy...

Rýhanııat • Búgin, 07:17

Uqsas jańalyqtar