Aımaqtar • 04 Jeltoqsan, 2019

Jambyl oblysy: Bir kúnde tórt nysan ashyldy

52 retkórsetildi

Qazaqstan Respýblıkasynyń Tuńǵysh Prezıdenti kúni jáne Jambyl oblysynyń 80 jyldyǵyna oraı, Baızaq aýdanynda bir kúnde 4 nysan paıdalanýǵa berildi.

Ashylǵan nysannyń barlyǵy da jańa apparattarmen qamtylǵan. Endi jyl sońyna deıin aýdannyń Aqsholaq, Úshbulaq, Jeńis jáne Qosaq eldimekenderinde medısınalyq tirekter ashý josparlanyp otyr.

Búgin ashylǵan Baızaq aýylyndaǵy «Keńes» feldsherlik-ambýlatorııalyq tiregi memlekettik-jekemenshik áriptestik sheńberinde júzege asyrylyp otyr. Atalmysh densaýlyq saqtaý nysanynyń jalpy quny 26 mıllıon teńgeni quraǵan. On kelýshige arnalǵan tirek aýyldyń 1300-den astam halqyna qyzmet kórsetetin bolady. Jańa nysannyń saltanatty ashylý rásimine aýdan ákimi Nurjan Nurjigitov qatysyp, aýyl turǵyndaryn quttyqtady. О́z kezeginde Botamoınaq aýyldyq okrýgi aqsaqaldar alqasynyń tóraǵasy Asqar Bekbaýov turǵyndar atynan memlekettiń qoldaýyna degen rızashylyǵyn bildirdi.

Jańa áleýmettik nysannyń lentasyn Botamoınaq aýyldyq okrýgi aqsaqaldar alqasynyń tóraǵasy Asqar Bekbaýov pen eńbek ardageri Keýlimjaı Shartyqbaev qıdy. Budan keıin aýdan ákimi men jergilikti turǵyndar feldsherlik-ambýlatorııalyq tirektiń qyzmet bólmelerin aralap kórdi. Tirekte feldsherlik, ekpe jáne qabyldaý bólmeleri ornalasqan. Olardyń bári de tolyqtaı zamanaýı jańa úlgidegi apparattarmen jabdyqtalǵan. Munda bilikti mamandar búginnen bastap aýyl turǵyndarynyń barlyǵyna da qajetti medısınalyq kómek kórsetýdi bastap ketti.  

Budan keıingi nysan Botamoınaq aýylyndaǵy medısınalyq tirek. Jalpy quny 22 mıllıon teńgeni quraıtyn tirek bes kelýshige arnalǵan. Saltanatty sharaǵa aýdan ákiminiń orynbasary Dáýir Dáýletov, aýyldyq aqsaqaldar alqasynyń tóraǵasy Esenqul Maqulbaev qatysyp, jyly lebizderin bildirdi.

Atalǵan medısınalyq tirek 5 naýqasty bir sátte qabyldap, kómek bere alady. Mundaǵy bilikti mamandar aýyldaǵy 454 turǵynǵa qajetti medısınalyq kómek kórsetýde. Sonymen qatar, búgin 210 turǵyny bar Jańasaz aýyly men 224 turǵyny bar Baǵara aýylynda da bes kelýshige arnalǵan medısınalyq tirekter paıdalanýǵa berildi.

 

Jambyl oblysy

Sońǵy jańalyqtar

Qazalyda retro-festıval ótti

Aımaqtar • Keshe

Kúlki kerýeni № 20

Rýhanııat • 06 Jeltoqsan, 2019

Oralda jastar bastamalaryn qoldaý jaqsy

Aımaqtar • 06 Jeltoqsan, 2019

Máslıhattar depýtattarymen kezdesý ótti

Qazaqstan • 06 Jeltoqsan, 2019

Qonys aýdarýshylardy qoldaý qandaı?

Qoǵam • 06 Jeltoqsan, 2019

Táýligine 15-16 tonna sút alynady

Aımaqtar • 06 Jeltoqsan, 2019

Uqsas jańalyqtar