Qoǵam • 04 Jeltoqsan, 2019

«Eńbek joly» baıqaýynyń jeńimpazdary marapattaldy

41 retkórsetildi

Elordamyzda eńbek áýletteri men óndiris jumyskerleri arasynda jyl saıyn ótetin respýblıkalyq «Eńbek joly» baıqaýynyń jeńimpazdaryn saltanatty marapattaý rásimi ótti. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady. 

Táýelsizdik saraıynda ótken sharaǵa Premer-Mınıstrdiń orynbasary Berdibek Saparbaev, Eńbek jáne halyqty áleýmettik qorǵaý mınıstri Birjan Nurymbetov, QR Parlamentiniń depýtattary, «Atameken» UKP-nyń, jumyskerler men jumys berýshiler respýblıkalyq birlestikteriniń, jergilikti atqarýshy organdardyń ókilderimen qosa eńbek ardagerleri jáne konkýrstyń óńirlik kezeńiniń laýreattary qatysty.

Saltanatty shara basynda Berdibek Saparbaev mesenattar men kásipkerlerge «Shapaǵat» medalin, QR Prezıdenti men Premer-Mınıstriniń atynan alǵys hattardy tabys etse, QR Parlamenti Májilisi Áleýmettik-mádenı damý komıtetiniń tóraıymy Gúlshara Ábdihalyqova ardagerlerge «Eńbek ardageri» medalin tabys etti.

Eńbek jáne halyqty áleýmettik qorǵaý mınıstrligi atalmysh sharany jumysshylardy keńinen tanymal etý maqsatynda ótkizedi. Konkýrs «Úzdik eńbek áýleti», «Jumys isteıtin jastardyń úzdik tálimgeri» jáne «О́ndiristiń úzdik jas jumyskeri» atty úsh nomınasııadan turady.

Úmitkerlerden ótinim qabyldaý osy jyly 1 maýsymda bastaldy. Konkýrstyń óńirlik kezeńinde birinshi nomınasııa boıynsha – 90, ekinshi nomınasııa boıynsha 144 jáne úshinshi nomınasııa boıynsha – 154, barlyǵy 388 adam baqtaryn synady.

Konkýrstyń respýblıkalyq kezeńinde Eńbekmıniniń saıtynda ótkizilgen onlaın daýys berý barysynda «Úzdik eńbek áýleti» nomınasııasy boıynsha 23 351, «Jumys isteıtin jastardyń úzdik tálimgeri» nomınasııasy boıynsha 90 156 jáne «О́ndiristiń úzdik jas jumyskeri» nomınasııasy boıynsha 65 822, barlyǵy 179 329 daýys tústi.

Baıqaý jeńimpazdaryn onlaın daýys berýdi eskere otyryp, Eńbek jáne halyqty áleýmettik qorǵaý vıse-mınıstri Aqmádı Sarbasovtyń tóraǵalyǵymen arnaıy respýblıkalyq komıssııa anyqtady. Komıssııa quramyna QR Eńbekmıniniń, QR Ulttyq ekonomıka mınıstrliginiń, QR Prezıdenti janyndaǵy «Qoǵamdyq kelisim» respýblıkalyq memlekettik mekemesiniń, «Atameken» UKP-nyń, QR Kásipodaqtar federasııasynyń, Qazaqstan eńbekshiler konfederasııasy jáne «Amanat» Qazaqstan kásipodaqtary Úılestirý keńesiniń ókilderi kirdi.

Otandastarymyzdy kásibı jetistikterge yntalandyrý jáne jańa eńbek dınastııalaryn qalyptastyrý maqsatynda, aǵymdaǵy jyly QR Eńbekmıni syılyqtardyń sanyn kóbeıtý týraly sheshim qabyldady. Eger ótken jyldary syılyqtar tek nomınasııalar boıynsha berilgen bolsa, aǵymdaǵy jyldan bastap jeńimpazdar – 1, 2 jáne 3 oryn úshin marapattalatyn boldy.

«Úzdik eńbek áýleti» nomınasııasynda elordalyq Eńsebaevtar áýleti birinshi orynǵa, Shyǵys Qazaqstan oblysynan kelgen Saǵadıevter áýleti ekinshi orynǵa, al atyraýlyq Jumaǵalıevterdiń ustazdar áýleti úshinshi orynǵa ıe boldy.

«Jumys isteıtin jastardyń úzdik tálimgeri» nomınasııasy boıynsha Aqmola oblysynyń TBB (tehnıkalyq baqylaý bóliminiń) baqylaýshysy Maıra Isaeva jeńiske jetti, Shymkent qalasynyń sement óndirý jónindegi ınjener-tehnology Eskendir Rústemov ekinshi orynǵa turaqtasa, Qaraǵandy oblysynyń aýa bólý qondyrǵylarynyń apparatshysy Dáýlet Ejıbaev úshinshi oryndy qanaǵat tutty.

«Úzdik jas óndiris jumyskeri» nomınasııasynda Soltústik Qazaqstan oblysynan kelgen jalpy praktıka dárigeri Iýlııa Shevchenko top jardy, Qostanaı oblysynyń logıstıka jáne qoıma saqtaý sheberi Vladımır Samodýrov ekinshi orynǵa turaqtady. Al Pavlodar oblysynan kelgen tehnologııalyq nasos mashınısi Asqar Nurǵalıevqa úshinshi oryn buıyrdy.

Baıqaý jeńimpazdary 1 oryn úshin – 1 mln teńge, 2 oryn úshin – 500 myń teńge jáne 3 oryn úshin – 200 myń teńge kóleminde aqshalaı sertıfıkattarmen marapattaldy.

«Eńbek joly» baıqaýynyń jeńimpazdaryn quttyqtaı otyryp, Birjan Nurymbetov memlekettiń jańǵyrýy men qoǵamnyń damýyndaǵy eńbek adamdarynyń mańyzdy rólin atap ótti.

Esterińizge sala keteıik, eńbek áýletteri men óndiris jumyskerleri arasyndaǵy respýblıkalyq «Eńbek joly» baıqaýyn Eńbekmın Elbasy Nursultan Nazarbaevtyń Jalpy Eńbek Qoǵamyn qurý ıdeıasyn júzege asyrý maqsatynda 2016 jyldan bastap ótkizip keledi. Bul sharanyń negizgi mindeti – eńbek adamdary týraly qoǵamda jaǵymdy pikir qalyptastyryp, kásiporyndar men uıymdarda jańa eńbek áýletteriniń qalyptasýyna jaǵdaı jasaý.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar