Qazaqstan • 04 Jeltoqsan, 2019

Jol boıyndaǵy ájethanalar qandaı bolady?

20 retkórsetildi

«QazAvtoJol» UK» AQ QR IIDM Avtomobıl joldary komıtetimen birigip, 2022 jylǵa deıin demalys oryndarynda sanıtarly-gıgıenalyq toraptardyń 304 birligin ornatý jónindegi baǵdarlamany ázirlep, bekitti. Bul týraly mınıstrliktiń baspasóz qyzmeti habarlady. 

Baǵdarlamaǵa sáıkes atalǵan merzimde qaıta jańartý jumystarynan ótip jatqan jol ýchaskeleriniń boıynda 110, paıdalanýǵa berilgen jol ýchaskeleriniń boıynda 121, aqyly joldardyń boıynda 73 sanıtarly-gıgıenalyq torap jumys isteıtin bolady.

Búgingi tańda qaıta jańartý jumystarynan ótip jatqan avtomobıl joldary ýchaskeleriniń boıynda 14 sanıtarly-gıgıenalyq torap ornatylyp jatyr. «Shýchınsk – Zerendi» tasjolynyń boıynda 1 sanıtarly-gıgıenalyq torap jumys istese, «Nur-Sultan – Pavlodar», «Jetibaı – Jańaózen» joldarynda, «Qaraǵandy qalasynyń aınalma jolynda» sanıtarly-gıgıenalyq toraptardyń 11 birligi ornatylýda. 2 sanıtarly-gıgıenalyq torap boıynsha jetkizý jónindegi kelisimshart jasaldy. Ájethanalar «Shymkent – Taraz» tasjolynyń boıynda ornatylmaq.

2019 jyldyń qazanynda 40 sanıtarly-gıgıenalyq torapty ornatý jáne olarǵa qyzmet kórsetý boıynsha ınvestısııalyq konkýrs jarııalandy. Ulttyq kompanııa demalys oryndaryn daıyndaý, elektr jelisin tartý jáne uńǵymalardy qazý jumystaryn júrgizýde. Konkýrs aıasynda elektr jelisi tartylmaǵan jerlerge balama elektr energııasy kózin ornatý kózdelgen. Konkýrsqa qatysýǵa «EUROmodul KZ», «Qazaqtech», «Ice Group KZ» JShS kompanııalarynan ótinish kelip tústi. Alǵashqy kezeńniń nátıjesi boıynsha «Qazaqtech» JShS ınvestor atandy. Bul kompanııa ájethanalarǵa «jasyl» tehnologııa qaǵıdaty boıynsha vakkýmdy aǵyzý júıesi, kún energııasy júıesin ornatýmen aınalysady. Sanıtarly-gıgıenalyq toraptar ınvestor qarjysynyń esebinen ornatylady dep boljanyp otyr. Sonymen qatar, ınvestordyń sanıtarly-gıgıenalyq toraptardy 5 jyl boıy úzdiksiz kútip ustaýy qarastyrylǵan.

Qazirgi tańda konkýrstyń ekinshi kezeńiniń qorytyndylary shyǵarylyp, tıisti kelisimsharttarǵa qol qoıylady dep kútilýde.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Uqsas jańalyqtar