Parlament • 05 Jeltoqsan, 2019

Investısııa tartýǵa ıkemdi qujat

19 retkórsetildi

Parlament Májilisiniń Spı­keri Nurlan Nyǵmatýlınniń tóra­ǵalyǵymen ótken Palatanyń jal­py otyrysynda depýtattar áleý­mettiń ál-aýqatyn jáne eldiń ın­ves­tısııalyq ahýalyn jaqsartýǵa baǵyttalǵan birqatar zań jobasyn maquldady.

Májilistegi kezekti jıynnyń kún tártibinde negizinen «Astana» halyqaralyq qarjy ortalyǵy týraly» zańǵa ózgerister men tolyqtyrýlar engizýge baǵyttalǵan zań jobasy qaraldy. Bul qujattyń jaı-japsarymen Premer-Mınıstrdiń birinshi orynbasary – Qarjy mınıstri Álıhan Smaıylov tanystyrdy.

Onyń aıtýynsha, atalǵan zań jobasy «ınvestısııalyq rezıdent» uǵymyn jáne Qazaqstanda «ınvestısııalyq salyq rezıdenttigi» baǵdarlamasyn engizýdi kózdeıdi. Investısııalyq salyq rezıdenttigi baǵdarlamasy – qazirgi tańda dúnıejúzinde barynsha keńinen taralǵan qubylys. Halyqaralyq tájirıbeni taldaý ınvestısııalyq rezıdenttik naryǵynyń aıtarlyqtaı ósý kezeńinde ekenin kórsetip otyr. Osyndaı baǵdarlamalar aıasynda 500 mıllıonnan 1 mıllıard dollarǵa deıin ınvestısııalar tartylyp jatyr.

Qazaqstanda – «Astana» halyqaralyq qarjy ortalyǵynyń bazasynda ınves­tısııalyq salyq rezıdenttigi baǵdarla­masyn qoldaný usynylady. Onda eldiń ınvestısııalyq vızasy men salyq rezıdenttigin alý boljamdal­ǵan. In­ves­tısııalyq salyq rezıdenttigi baǵdarla­masynyń maqsaty – bul ınvestordyń jáne onyń otbasy músheleriniń Qazaqstan Respýblıkasyna kóp márte kirý vızasyn berý arqyly ınvestısııalardy tartý. Baǵdarlamada ınvestısııalaýdyń kólemi men quraldary, ınvestısııalyq salyq rezıdenttigin alý rásimderi aıqyndalady.

– Qarjy ortalyǵynyń ınvestısııalyq rezıdenti mártebesin alý prosesine qysqasha toqtalaıyn. Eń aldymen, áleýetti sheteldik ınvestor «Astana» halyqaralyq qarjy ortalyǵy keńsesinde senimdiligin naqtylaıtyn jáne osy qarjy ortalyǵy týraly Konstıtýsııalyq zańda belgilengen talaptarǵa sáıkes keletinin kórsetetin tekserýden ótedi. Tekserýden ótkennen keıin áleýetti sheteldik ınvestor «Astana» halyqaralyq qarjy ortalyǵynyń ártúrli quraldaryna ınvestısııalar salyp, Ortalyqtyń ınvestısııalyq rezıdent mártebesin alady. Investısııalyq rezıdent AHQO ótinishhaty boıynsha 5 jylǵa deıingi merzimge kirý vızasyn alýǵa quqyly. Ári qaraı ınvestor elde turyp jatqanyna 90 kún ótkennen keıin jáne bıýdjetke jyl saıynǵy mindetti tólemdi tólegennen keıin Qazaqstannan tys jerlerdegi kózderden paıda bolǵan kirister boıynsha jeke tabys salyǵyn tóleýden bosatý quqyǵyn alady. El ishindegi kiristerge Salyq kodeksine sáıkes salyq salynatynyn, al shetelden kelgen kiristerge salyq salynbaıtynyn atap ótý mańyzdy. Osy zań jobasy aıasynda sondaı-aq Respýblıka Prezıdenttigine, Parlament Senaty men Májilisiniń depýtattyǵyna kandıdattar úshin jalpyǵa birdeı deklarasııalaýdy 2020 jyldan 2021 jylǵa aýystyrý bóliginde «Qazaqstan Respýblıkasyndaǵy saılaý týraly» Konstıtýsııalyq zańǵa ózgerister engiziledi. Bul 2021 jyldyń 1 qańtarynan bastap 2025 jyldyń 1 qańtaryna deıin jalpyǵa birdeı deklarasııalaýǵa kezeń-kezeńmen kóshýine baılanysty, – dedi Álıhan Smaıylov.

Mınıstrdiń baıandamasynan soń depýtattar suraqtaryn qoıyp, atalǵan saladaǵy keıbir máselelerdi talqyǵa saldy. Bul zań jobasy 2018 jylǵy 5 qazandaǵy Prezıdent Joldaýyn iske asyrý jónindegi jalpyulttyq is-sharalar josparynyń 27-tarmaǵyna, «100 naqty qadam» Ult josparynyń 71-tarmaǵyn jáne Prezıdent janyndaǵy Sheteldik ınvestorlar keńesiniń 29-shy jalpy otyrysynyń hattamalyq tapsyrmasyna sáıkes ázirlendi.

Sonymen qatar plenarlyq otyrysta Premer-Mınıstrdiń birinshi orynbasary – Qarjy mınıstri Álıhan Smaıylov depýtattar nazaryna «Qazaqstan Úkimeti men Kıpr Úkimeti arasyndaǵy tabysqa salynatyn salyqtarǵa qatysty qosarlanǵan salyq salýdy boldyrmaý jáne salyq salýdan jaltarýǵa jol bermeý týraly konvensııany jáne oǵan Hattamany ratıfıkasııalaý týraly» zań jobasyn usyndy.

Mınıstr mundaı halyqaralyq sharttar sheteldik ınvestorlarǵa kepildik berip, salyq salý quqyǵyn eki memleket arasynda ádiletti bólisýge jaǵdaı jasaıtynyn aıtty. Konvensııa birinshiden, aldaǵy ýaqytta salyqtyń barlyq túri boıynsha aqparat almasýdy jolǵa qoıyp, salyq qyzmetteri arasyndaǵy yntymaqtastyqty nyǵaıtýdy maqsat tutsa, ekinshiden, rezıdenttikti dáleldeıtin eki memlekette birdeı qoldanylatyn tártipti belgileýdi, odan keıin eki eldiń quzyretti organdary arasyndaǵy salyqtyq daýlardy sheshý úshin quqyqtyq negizdi qalyptastyrýdy kózdeıdi.

Qazaqstan men Kıpr arasyndaǵy taýar aınalymy sońǵy 10 jylda 440 mln dollarǵa jetipti. 2016 jyly jalpy saýda aınalymy 7 mln dollardy ǵana quraǵan eken. 2019 jyldyń 9 aıynda Qazaqstan men Kıpr arasyndaǵy ózara saýda kólemi edáýir ulǵaıyp, 30 mln dollardy qurady. Onyń ishinde eksport – 28 mln, ımport – 2 mln dollar deńgeıinde. Taýar aınalymynyń kóbeıýine Qazaqstannyń munaı ónimderin eksportqa kóptep shyǵarýy áser etýde. Qazaqstannan atalǵan elge eksporttaıtyn ónimder arasynda kómir, munaı ónimderi, alıýmınıı jáne azyq-túlik ónimderi bar. Al ımportty kóbinese farmasevtik, parfıýmerlik, kosmetıkalyq zattar qamtıdy.

Buǵan qosa depýtattar ekinshi oqylymda «Pedagog mártebesi týraly» zań jobasyn jáne «Qazaqstan Respýblıkasynyń keıbir zańnamalyq aktilerine temir jol kóligi máseleleri boıynsha ózgerister men tolyqtyrýlar engizý týraly» zań jobasyn maquldady.

Jıyn sońynda halyq qalaýlylary memlekettik organdar basshylaryna depýtattyq saýaldaryn joldady. Ún qatqandardyń qatarynda Merýert Qazbekova, Káribaı Musyrman, Jambyl Ahmetbekov, Quralaı Qaraken, Ersultan Bekturǵanov, Záýresh Amanjolova, Narıne Mıkaelıan, Qudaıbergen Erjan jáne Aıqyn Qońyrov bar.

Aıtalyq, depýtat Záýresh Amanjolova Premer-Mınıstrdiń orynbasary Berdibek Saparbaevqa baǵyttaǵan saýalynda Qazaq respýblıkalyq leprozorııi memlekettik mekemesiniń máselelerin kóterdi. Lepra aýrýyn emdeýge mamandandyrylǵan medısınalyq kómek kórsetetin erekshe tıptegi birden-bir uıymnyń qazirgi ahýalyn qysqasha baıandaǵan májilismen dári-dármekke qol jetkizý, dıagnostıkalyq tekserýlerden ótýdiń qıyndyǵy, aýrýhana qyzmetkerleri jalaqysynyń tómendigi, leprozorııdiń materıaldyq-tehnıkalyq jáne sharýashylyq bazasynyń eskirgendigi sııaqty birqatar máselege alańdaýshylyq bildirdi.

 

Sońǵy jańalyqtar

Qazalyda retro-festıval ótti

Aımaqtar • Keshe

Kúlki kerýeni № 20

Rýhanııat • 06 Jeltoqsan, 2019

Oralda jastar bastamalaryn qoldaý jaqsy

Aımaqtar • 06 Jeltoqsan, 2019

Máslıhattar depýtattarymen kezdesý ótti

Qazaqstan • 06 Jeltoqsan, 2019

Qonys aýdarýshylardy qoldaý qandaı?

Qoǵam • 06 Jeltoqsan, 2019

Táýligine 15-16 tonna sút alynady

Aımaqtar • 06 Jeltoqsan, 2019

Uqsas jańalyqtar