Rýhanııat • Keshe

Erlikti umytpaýdyń taǵy bir sharasy

15 retkórsetildi

Keler jyly mamyr aıynda Ekinshi dúnıejúzilik soǵystyń aıaqtalǵanyna 75 jyl tolady. Mıl­lıondaǵan adamnyń qanyn tókken mundaı ala­­pat so­ǵysty ta­rıh buryn bilgen emes. Maıdan dalasynda keý­de­sin oq­qa tos­qan boz­daqtar erligi umytylmaıdy. Jaqynda qos­ta­naılyq­tar erlikti umyt­paýdyń taǵy bir sharasyna kýá bol­dy.

Qostanaı qalasynyń Jeńis saıabaǵyndaǵy beıitten alynǵan bir ýys topyraq salynǵan qalta Reseıdiń Qazaqstandaǵy elshi­li­gi ókiline saltanatty túrde tabys­taldy. Ol bıyl Máskeý oblysynda boı kóteretin Jeńis hramynyń irgetasyna salynady. Mundaı bir ýys topyraq burynǵy Keńes Odaǵynyń quramynda bolǵan barlyq respýblıkalardan jetkiziledi. Maıdangerler jerlengen beıittiń topyraǵyn alý Reseıdegi «Estelik joly» jobasy aıasynda júzege asty. Qazir Reseı­degi «Patrıot» tarıhı-memorı­aldyq saıabaǵynda «Estelik joly» atty memorıaldyq galereıa qurylyp jatqan kórinedi. Onyń aýmaǵy surapyl soǵystyń sozylǵan ýaqytyna oraı, 1418 qadamnan turady. Galereıada soǵysqa qatysqan 30 mıllıonnan astam jaýyngerdiń fotosýreti, olar týraly derekter, jeke zattary jáne maıdannan joldanǵan hattary saqtalady. Reseıdiń Qazaqs­tandaǵy elshiliginiń hatshysy Danııl Lapachtyń aıtýyna qara­ǵanda, keler jyly 9 mamyrda osy aýmaqtaǵy Jeńis hramy saltanat­ty túrde ashylady.

– Qarashanyń qara sýyǵynda Jeńis parkindegi máńgilik alaý basynda bul sharanyń ótýi meniń kári júregimdi shymyrlatty. Men maıdan dalasynda bozdaqtardyń betin ózim japqan adammyn ǵoı. Maǵan beıbit kún buıyryp, ómirdiń osynsha qyzyǵyn kórdim, al meniń maıdandas dostarym ýyzdaı jas kúıinshe bir-bir tómpeshikke aınaldy. Reseılikterdiń bastamasyna sheksiz alǵysymdy aıttym. Keıingi urpaq atalar erligin umytýǵa bolmaıdy, – deıdi búginde 96 jasqa kelip otyrǵan maıdanger Qasymhan Aldabergenov aqsaqal.

Elshilik ókili qostanaılyq jaýynger Náshen Imanalınniń atyna taǵaıyndalǵan «Erligi úshin» medaliniń kýáligin batyrdyń uly Sapar Imanalınge tapsyrdy . Náshen Imanalın 1945 jyly 30 sáýirde uly Jeńiske sanaýly kúnder qalǵanda ǵana qaza bolǵan edi. Qansha ýaqyt ótse de soǵys qasireti jańǵyra beredi, atalar erligi umytylmaıdy.

 

QOSTANAI

 

Sońǵy jańalyqtar

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Jas býyn jańǵyrý jolynda

Rýhanııat • Keshe

Uqsas jańalyqtar