Qazaqstan • 05 Jeltoqsan, 2019

Alyp asýlar kishkentaı qadamnan bastalady

75 retkórsetildi

Qazaq jastary búginde álemniń túkpir-túkpirinde jemisti eńbek etip júr. Basqalarmen básekelestik barysynda oq boıy ozyq ekendigi baıqalady. Biri óner shyńyn baǵyndyryp jatsa, endi biri – kásipker. Al bizdiń keıipker – Aıajan Muhammedova álemniń nebir myqtylary jınalǵan Sılıkon alqabynda eńbek etedi. Otandasymyzdyń AQSh-taǵy ómiri týraly az-kem áńgimelesken edik. Oqyrman nazaryna osy suhbatty usynamyz.

– Aıajan, AQSh-qa kóshý týraly sheshimdi qalaı qabyldap júrsiz?

– Túrkistan oblysynyń Arys qala­synda dúnıege keldim. Shymkent qala­syndaǵy Dostyq ýnıversıtetinde oqyp júrgende qyzmet kórsetý salasynda jumys istedim. Sol kezdiń ózinde shetelde turyp, sol jaqta jumys istesem degen armanym bolatyn. Bir kúni Work and Travel baǵdarlamasy arqyly Amerıka Qurama Shtattaryna barýǵa múmkindik týdy. Atalǵan baǵdarlama stýdentterge jaz aılarynda AQSh-ta jumys isteýge, aǵylshyn tilin jetildirýge jol ashady. Eń birinshi Nıý-Iorkke keldim, odan keıin Ogaıo shtatyna baryp, sol jerde jumys istedim. Jumysym da qyzmet kórsetý salasymen baılanys­ty edi. Baǵdarlamanyń merzimi aıaqtalǵan soń, baǵymdy synap kórmekke AQSh-taǵy kolledjge ótinish bildirdim. Sáti túsip Kalıfornııa shtaty San-Fransısko qala­syndaǵy City College of San Francisco kolledjine qabyldandym. Osylaısha, AQSh-ta ekinshi dıplomymdy aldym. Mamandyǵym – joba menedjmenti.

– Qonys aýdarǵanyńyzǵa neshe jyl boldy?

– AQSh-ta turyp jatqanyma 3 jyl boldy. Tynyq muhıtynyń janyn­daǵy San-Fransısko qalasynyń turǵy­nymyn.

– Qaı jerde jumys isteısiz? Qan­daı mindetter júktelgen?

– Oqýymdy támamdaǵan soń Salesforce kompanııasynda taǵylymdamadan óttim. Taǵylymdamadan keıin kompanııa bıznes sarapshy retinde jumysqa turýdy usyndy. Atalǵan kompanııa rasymen úz­dik­terdiń biri. Tutynýshylarmen baılanys ornatatyn júıelerdi jasaqtaý­men aınalysady. Forbes, Fortune reıtıng­terinde birinshi orynda. Sonymen qatar álem boıynsha eń úzdik kompanııa sanalady. Qazir atalǵan kompanııada bıznes analıst qyzmetin atqaramyn. Naqty aıtsam, mekemelerdiń, ásirese mekeme basshylarynyń bızneske qatysty máselelerin zerttep, olardyń sheshý joldaryn qarastyramyz. Bıznes sarapshy retinde máseleni sheshý, talaptardy saralaý, olardy jaqsartý, jaqsy nátı­jege qol jetkizý úshin usynystardy irikteımin. Jalpy, bul salada jobalarmen jumys, baılanys, aqparattardy jınaý, CRM, SAAS platformalaryn bilý mańyzdy. Oǵan qosa túrli teh­nı­ka­lyq joldarmen aqparattardy óz yńǵaıy­na beıimdeı alý da basty talap­tardyń biri. Eń bastysy, aǵylshyn tilin jaqsy bilý kerek.

– AQSh-ta qandaı mamandar suranysqa ıe? Jaqsy mamannyń boıynda qandaı qasıetter bolǵany jón?

– AQSh-ta seniń kim emes, qandaı maman ekeniń mańyzdy. Jobadaǵy másele­lerdi qanshalyqty durys sheship, túsindire alýyńyzǵa basa kóńil bóledi. Eń al­dymen ózińizdiń baǵańyzdy bilýi­ńiz kerek. Qolyńnan naqty ne keleti­nin, tipti álsiz tustaryńdy da bilgen abzal. Munda adamdar óz qarjy-qabile­tinen habardar jáne bilmeıtin isine aralaspaǵandy jón sanaıdy. Degenmen árqashan da bilmegenin úırenýge tyry­sady. Jolym bolady dep ár tol­qyn­ǵa ilese bergen de jaqsy emes. Naq­ty neni qalaıtynyńyzdy, ne isteı ala­ty­ny­ńyzdy bilseńiz ǵana jolyńyz bol­maq. AQSh tynbaı eńbek etkenderdi maqsatyna qaýyshtyratyn el dep sanaımyn. Árkimniń ár salada myqty bolýǵa talasy bar. Sol jolda tógilgen terdiń erte me, kesh pe jemisin kóresiz.

– Elde úırengen, oqyǵanyńyzdyń AQSh-ta paıdasy boldy ma?

– Qazaqstanda baılanys salasynda oqyǵandyqtan, bul jaqta onyń asa qajeti bolǵan joq. AQSh-qa kóshken soń bárin basynan bastadym. Degenmen qaı jaqta bolsaq ta oqý, úırenýdi jalǵas­tyrǵan abzal dep esepteımin. Men úshin úzdiksiz damý men úırený mańyzdy. Muny anam bala kezimnen jıi aıtatyn. Ol 26 jyl boıy mektepte sabaq berip keledi. Anam «Asyl armanyńa úzdiksiz damý, erinbeı oqý arqyly ǵana jetesiń» deıtin. Armanyma jetýdi de sol kisi úı­retti. Men de anamnyń sol aqylyn is júzinde qoldanyp kelemin.

– Armanyńyzǵa bir qadam jaqyn­daǵanyńyzdy sezingen kún, alǵashqy kún esińizde me?

– Alǵashqy sezimdi sózben jetkizý múmkin emes. Bir San-Fransıskonyń ózinde mıllıonǵa jýyq turǵyn bar. Álemniń kóptegen tilinde sóıleıtin túrli ult ókili bir jerde bas qosqan, kóbi men sekildi arman qýyp kelgen. Bári­niń oıynda jaqsy bilim alyp, úl­ken jetistikterge jetý. Álbette, alǵash kelgendegi Aıajan men qazirgi Aıajan – eki basqa adam. Kishkentaı Arys qalashyǵynan shyqqan qyz mundaıdy oılaı da almaıtyn. Al qazirgi saıahattaý múmkindigi, sheteldik dostar, ózińdi jan-jaqty damytý barlyǵy óz qolymyzda ekenine ılandyrady, ózińniń budan da jaqsy ómirge laıyq ekenińe senim men qýat beredi.

– Qandaı qıyndyqtardy bastan keshirdińiz?

– Alǵash kelgenimde, álbette, qıyn­dyqtar boldy. Aǵylshyn tilin jaq­sy bilmeıtinmin. Ásirese jaqyndarym­­nan jyraqta bolý da qıyn edi. Otbasym­nan alysta bolǵanyma úırenýge kóp ýaqyt ketti. Jańa memleketpen qosa, mádenıe­tin, adamdaryn tanyp-bilýim kerek boldy. Degenmen munyń bári paıdaǵa asty.

– Eki halyqtan qandaı uqsastyq nemese aıyrmashylyq baıqadyńyz?

– Biz ózimizdi basqalarmen salystyryp álekpiz. Al AQSh-ta ózińniń kim eke­niń jáne neni qalaıtynyń ǵana ma­ńyz­­dy. Árkim óz sharýasymen berile aına­lysatyny sonsha, basqamen isi joq, oǵan ýaqyty da jetpeıdi. Kóbi «qaıtsem budan da jaqsy bolamyn» degen oıda. Bul jaqta otbasy qundylyǵy da bas­qasha qabyldanady. Munda jal­ǵyz­basty úlken qarııalardy jıi kezdes­tiresiń. Maǵan halyqtyń únemi jaqsyny oılap, kúlimdep júretini unaıdy. Adam­dar qara­paıym, kómekke ázir, bos ýaqyt­taryn tıimdi paıdalana alady.

– Neni úırendińiz?

– AQSh meni ózime jaýap berýge, neni qalaıtynymdy túsinýge, oıymdy ashyq aıtýǵa baýlydy. Oıymdy ashyq jetkizý arqyly jasandylyqqa jol bermeýge úıretti. Jaqsy oılaýdy da osynda úırendim. AQSh-ta ózime neniń mańyzdy ekenin de anyqtaı aldym, bos ýaqytymdy baǵalaıtyn boldym. Qazirgi jetken jetistikterime alǵysym sheksiz. Munda ár adamnyń nyq maqsaty bolǵandyqtan, árbir mınýtyn tıimdi paıdalanýǵa tyrysady. Bul jaqta júrip úıimdi, jaqyndarymdy qadirleýdi úırendim. Oǵan qosa «О́zińe sen ózińdi alyp shyǵar...» dep uly Abaı aıtpaqshy, ózimdi alyp shyǵatyn jalǵyz ózim ekenin de túıdim. Qazir bos ýaqytymdy otbasyma arnaýǵa tyrysamyn. Biz jaqyndarymyzdyń qadirin olardan alystaǵanda ǵana bilemiz ǵoı. Bul da osy jaqta túıgen oılarymnyń biri. О́mir – ótkinshi, erteń ne kútip tur­ǵany beımálim. Eń bastysy, ózimniń qalaýym­dy ashyq, qoryqpaı aıtýdy, oǵan jetýdi ádetke aınaldyrdym.

– Bıznes sarapshysy bos ýaqytyn­da nemen aınalysady?

– Bos ýaqytymda AQSh-tyń shtattary men qalalaryn aralaǵandy unata­myn. Mundaǵy qalalar bir-birine uqsa­maı­dy. Ádebı kitaptar oqyp, ıogamen aınalysqandy janym súıedi.

– AQSh týraly arman qalaı paıda boldy?

– AQSh týraly oılar Gollıvýd fılmderinen týdy dep oılaımyn. Mundaǵy joǵarǵy tehnologııalar týraly estigende elitesiń, basqa qoǵam da qyzyq bolyp turady ǵoı. Sondyqtan AQSh-ta ómir súrsem degen arman kez kelgen adamǵa tán sııaqty. Eger sondaı oıyńyz bolsa, ómirde bári múmkin, árbir tıimdi paıdalanǵan ýaqytyńyz sizdi armanyńyzǵa jeteleıdi. Alyp asýlar kishkentaı qadamnan bastalady.

– Qazaqstan týraly oıyńyz qandaı?

– Qazaqstanda jastardyń damýyna múmkindikter kóp. Degenmen aýyldaǵy aǵaıyndarymyz eskerilmeı qalatyn sekildi. Olardyń qarajatynan bólek, jaqsy ómirge úmiti de álsiz sııaqty kóri­nedi. Áli kúnge shúkirshiligi basym, barǵa qanaǵat etip, qıyndyqqa tózimdiligi úlken jetistikterge jetýge qolbaılaý bolatyn tárizdi. Úzdiksiz damýdy jal­ǵastyrý úshin jastardyń jalaqysy da jaqsy bolýy kerek. Olar eńbeginiń elenetinin, kásipte joǵarylaıtynyn bilse, jumys ónimdiligi de joǵary bolar ma edi.

– Elge oralý josparda bar ma?

– Ázirge bul suraqtyń jaýaby bel­gisiz. Bar biletinim – meniń áli de bir oryn­da toqtamaı samǵaǵym keletini. Eń bas­tysy, bolashaǵym jarqyn memlekette ómir súrgim keledi.

 

Áńgimelesken

Svetlana ǴALYMJANQYZY,

«Egemen Qazaqstan»

Sońǵy jańalyqtar

Qazalyda retro-festıval ótti

Aımaqtar • Keshe

Kúlki kerýeni № 20

Rýhanııat • 06 Jeltoqsan, 2019

Oralda jastar bastamalaryn qoldaý jaqsy

Aımaqtar • 06 Jeltoqsan, 2019

Máslıhattar depýtattarymen kezdesý ótti

Qazaqstan • 06 Jeltoqsan, 2019

Qonys aýdarýshylardy qoldaý qandaı?

Qoǵam • 06 Jeltoqsan, 2019

Táýligine 15-16 tonna sút alynady

Aımaqtar • 06 Jeltoqsan, 2019

Uqsas jańalyqtar