Bıznes • 05 Jeltoqsan, 2019

«Sátti juldyzdyń» Lotomatic jobasy nátıjesinde 2 mıllıard teńge kóleńkeli bıznesten shyǵaryldy

46 retkórsetildi

Búgingi tańda elektrondy lezdik lotereıalar – sur naryqqa jańa balama. «Sátti Juldyz» AQ-nyń Lotomatic jobasy arqyly búkil el boıynsha zańsyz oıyn avtomattarynyń sany edáýir qysqaryp keledi, al bes aıda 2 mıllıard teńgeden astam qarajat kóleńkeli aınalymnan shyǵaryldy.

«Sátti Juldyz» kompanııasynyń jańa Lotomatic elektrondy lezdik lotereıalary el arasynda «sary-jasyl» dep atalatyn zańsyz oıyn avtomattaryn yǵystyrýda.

Aǵymdaǵy jyldyń 10 aıynda myń­nan astam zańsyz oıyn avtomaty tár­­ki­lendi, onyń kópshiligi Almaty, Shym­­kent qalalarynda, sondaı-aq Alma­ty men Aqtóbe oblystarynda ornalasqan.

Atap aıtqanda, quqyq qorǵaý organ­­dary­nyń jumysynyń nátı­jesinde úsh uıymdasqan qylmystyq top joıyldy. Jalpy alǵanda, 2019 jyly SDTBT-de QR Qylmystyq kodeksiniń 307-baby boıynsha 303 materıal tirkeldi.

«Sátti Juldyz» AQ-nyń Lotomatic jobasy osy jyldyń mamyr aıynda iske qosyldy. Lotereıa bıletterin satý, utystardy tóleý týraly aqparat LAО́O-da (lotereıa aqparatyn óńdeý orta­lyǵy) kórsetiledi, al sol jerden Lotereıa týraly esep berý ortaly­ǵyna jiberiledi. Barlyq derekter mem­lekettik retteýshi – Mádenıet jáne sport mınıstrligine jiberiledi. Min­detti salyqtardan basqa, «Sátti Jul­dyz» ulttyq lotereıa operatory jalpy oıyn kirisiniń 15%-yn otandyq sport­ty damytýǵa aýdaratynyn atap ótken jón.

Lotomatic-tyń jumys isteý qaǵı­dasy óte qarapaıym: qatysýshy qaǵaz bılettiń ornyna elektrondy lezdik lotereıany satyp alady da, qorǵanysh qabatyn óshiredi. Dástúrli lotereıa­dan aıyr­mashylyǵy – avtomattyń ekra­nyndaǵy qabatty óshirý kerek.

Zańsyz termınaldardyń bıznesin kóleń­keden shyǵarý baǵytynda jasal­ǵan is-sharalarǵa qaramastan, keı kásip­kerler «Sátti Juldyz» AQ-nyń túpnusqalyq lotereıa termınaldary­nyń jalǵan kóshirmesin jasaı bas­tady.

Jalǵan termınaldyń qarmaǵyna túspeý úshin kelesi belgilerdiń bolýy­na nazar aýdarý kerek: dúńgirshektiń sary-kók túsi, logotıp, termınaldyń sáıkestendirý nómiri, QR-kod.

Lotomatic-tiń bas dırektory Vıktor Kýzevanovtyń aıtýynsha, elektrondy lotereıalar jahandyq úrdis bolyp tabylady.

Lotereıalardy qaǵazdan elektrondy formatqa aýystyrý tırajdy jasaýǵa, óndirýge, júzege asyrýǵa, logıstıkaǵa, ıaǵnı lotereıa dúńgirshekterine bılet­ter­di tasymaldaýǵa jumsalatyn opera­sııa­lyq shyǵyndardy azaıtady jáne osylaısha júlde qoryn kóbeıtedi.

«Oınaý» elementteriniń jáne ádettegi «kazınolyq» algorıtmder men qumarlyqtyń joq bolýyna qara­mastan, lezdik lotereıalar adam­darǵa qyzyqty. Iаǵnı, lotereıa satyp alǵan adam lotereıa kompanııa­synyń nátıjege: satyp alynǵan bılet sátti bola ma, joq pa áser ete almaı­tyn­dyǵyn túsinedi.

Alaıda, sonymen birge Qazaq­standa elektrondy lotereıa qurý tek álemdik tendensııany ustaný ǵana emes eken­digi belgili. Elektrondy lotereıa­lardyń zańdy naryǵynyń áleýeti óte zor, biraq qazirgi ýaqyt­ta bul kóbinese kóleńkeli naryq­ta ornalasqan. Mamandardyń baǵa­laýy boıynsha, 2018 jyldyń 1 qań­taryndaǵy jaǵdaı boıynsha Qazaq­standa 15 myńǵa jýyq zańsyz oıyn avtomattary jumys istegen.

«Is júzinde kazınodan esh aıyr­­ma­shylyǵy joq 400-ge jýyq oıyn klýbtary boldy. Osylaısha, memleketimiz kez kelgen adam jaqyn mańda osyndaı oıyn túrlerin satyp ala alatyn úlken kazınoǵa aınaldy», deıdi Vıktor Kýzevanov.

Onyń aıtýynsha, qazir quqyq qorǵaý organdarynyń naqty jumy­sy­nyń nátıjesinde jaǵdaı birshama jaqsardy. Sondaı-aq ol oıyn avto­mat­tarynyń ıeleri zańdy lotereıa ónimine kóshýge da­ıyn ekenin aıtty. Osylaısha, 3,5 myń­nan astam termınal jabdyǵy zań­syz aınalymnan Lotomatic-ke aýysty.

Lotomatic elektrondy lezdik lotereıalary «Sátti Juldyz» AQ-tyń bar­lyq lotereıalyq ónimi sııaqty «Jaýap­ty oıyn» qaǵıdasy boıynsha uıym­dastyrylǵanyn atap ótken jón.

 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Onlaın-oqyrman

Tehnologııa • Keshe

Sý basý qaýpi joq

Qoǵam • Keshe

Baspanaly bolyp, baqytqa bólendi

Baǵdarlamalar • Keshe

Ábishtanýdyń áz álipbıi

Rýhanııat • Keshe

Uqsas jańalyqtar