Aımaqtar • 05 Jeltoqsan, 2019

«Turǵyn úı qurylys jınaq banki»: Qostanaı oblysynda 65 000 depozıt ıesine memleketten syılyq beriledi

300 ret

kórsetildi

1 mın

oqý úshin

Bul týraly banktiń oblystyq fılıalynyń dırektory Dáýren Saýdabaev jýrnalısterge arnap uıymdastyrǵan tańǵy shaı ústinde málimdedi. Qostanaı oblysynda ashylǵan 65 000-nan astam depozıt osy jyly memleketten syılyq ala alady. Aǵymdaǵy jyly aımaqtyń 16 300 turǵyny turǵyn úı qurylys jınaqtary týraly kelisimshartqa qol qoıdy, sonymen qatar 65 000-nan astam oblys turǵyny 31,5 mlrd teńgeden asa jınady.

Názıra JÁRIMBET

«Turǵyn úı qurylys jınaq banki»: Qostanaı oblysynda 65 000 depozıt ıesine memleketten syılyq beriledi

«Búginde bizdiń bank júzege asyryp jatqan turǵyn úı qurylys jınaq júıesi eń tıimdi jáne suranysqa ıe bolyp otyr. Máselen, 2019 jyldyń on aıynyń qorytyndysy boıynsha bank naryqtyń 75 paıyz úlesimen Qostanaı oblysynda berilgen ıpotekalyq nesıe boıynsha kóshbasshy boldy. "Turǵyn úı qurylys jınaq banki" AQ-daǵy salymdar boıynsha tıimdi mólsherleme - eń joǵary jáne 13 paıyzǵa jetedi. Memlekettiń 20 paıyzdyq mólsherindegi syıaqysynyń arqasynda 2 paıyz bazalyq mólsherleme boıynsha depozıtter osyndaı joǵary tabysty qamtamasyz etti» dedi Dáýren Saýdabaev. Munan keıin ol syıaqy mólsherin, nesıege qosylý retin túsindirdi.

2019 jyly "Turǵyn úı qurylys jınaq banki" AQ Qostanaı oblystyq fılıaly 15 mlrd teńgeden astam qarjyǵa 2427 nesıe berdi. Turǵyn úı qurylys jınaq júıesi arqyly memlekettik baǵdarlamalar iske asyryla bastaǵannan beri oblystyń 3018 turǵyny jalpy aýdany 136 155 sharshy metr baspana aldy, 52 úıdiń qurylysy men iske asyrylýyna kelisimshart jasaldy.

QOSTANAI