Iаǵnı aksııa aıasynda toqyma ónerge ıkemi bar qyz-kelinshekter men áıel-analardyń jáne asyl ájelerdiń qoldarynan shyqqan jyly shulyqtar az qamtylǵan otbasylardyń balalaryna beriledi. Atalǵan rásim olar qystan tońbaı, aýyrmaı, aıaqtarynan syz ótpeı shyqsyn degen izgi nıetpen usynylady. Jas júrekterge jylylyq pen meıirim shýaǵyn taratýdyń bir joly osynda. Eń bir súısinerligi, ár jyl saıyn bul sharaǵa qoldaý kórsetken qarapaıym jandardyń qatary kóbeıip keledi.
Dástúrge ene bastaǵan aksııanyń ataýy «Jyly shulyq» bolǵanymen, jetim jáne turmysy tómen otbasylarda tárbıelenip júrgen balalarǵa qys qarsańynda beriletin syı-sııapat tek jyly shulyqpen shektelmeıdi. Sonymen birge toqylǵan keýdeshe, bas kıimder men qolǵaptar da tegin syılanady. Tipti kishkentaı qyzdar úshin kózdiń jaýyn alatyndaı ádemi kóılekter de tigiledi. Sońǵy jyldary "Jyly shulyq" qaıyrymdylyq aksııasy sheńberinde myńnan astam jas jetkinshekke on mıllıon teńge kóleminde tegin kómek berilgeni de bir mereı.
AQTО́BE
