Iаǵnı, agroónerkásip keshenindegi eńbek ónimdiligin jáne aýyl sharýashylyǵy óniminiń eksportyn 2,5 esege arttyrýdy qamtamasyz etý maqsaty oryndalyp keledi. Taratyp aıtqanda, aımaqta mal sany men agroónerkásip ónimderin óndirý artyp keledi. Iаǵnı, ótken jylmen salystyrǵanda salanyń ónimdiligi ortasha 4,5 prosentke ósken. Bul nátıjege oblysta 102 mal bordaqylaý alańy, onyń ishinde asyl tuqymdy mal bordaqylaý alańdarynyń kóptep ashylýy arqasynda qol jetti. ashylýy osyndaı nátıjege jetkizdi.
Al ósimdik sharýashylyǵynda dándi daqyldar alqaby 7 myń gektarǵa ulǵaıtylyp, jalpy kólemi 961 myń gektardy qurady. Bul salada 1,4 mln. tonna ónim jınalyp, daqyl shyǵymy orta eseppen ár gektardan 31 sentnerge jettip otyr. Ásirese, júgeriniń shyǵymy jyldaǵydan joǵary. Túsim gektarynan 67 sentnerden aınalyp, barlyǵy 550 myń tonna ónim jınalǵan.
- Almaty oblysynyń aýyl sharýashylyǵy salasyndaǵy jetisteri bizdi únemi qyzyqtyrýda. Alaıda, munyń esh qupııasy joq. Jetisý jeriniń qolaıly klımattyq jaǵdaıyna qosa, oblys sharýalary óz jumystaryn ǵylymǵa negizdep uıymdastyryp otyr, - deıdi Qazaq Eginshilik jáne ósimdik sharýashylyǵy ǵylymı-zertteý ınstıtýtynyń professory, Qazaqstan Ǵylym akademııasynyń akademıgi Ǵalıolla Meıirman.
Akademıktiń aıtýynsha, oblys agrarshylary otandyq ǵalymdarmen tizi qosyp jumys isteýde. Nátıjesnde, egin, mal sharýshylyǵy salasy boıynsha ónimdilik joǵary bolyp otyr eken.
- Búginde jańa tehnologııany qoldaný eńbek ónimdiligin arttyryp qana qoımaı, aýyl sharýashylyǵy óniminiń sapasyn da arttyrdy. Máselen, «Baıserke Agro» seriktestigi aýyl sharýashylyǵy ǵalymdary men óndirýshilerdiń basyn biriktirip, bir-birimen tyǵyz baılanysta jumys isteýine muryndyq bolyp otyr. Sol sııaqty otandyq, TMD aýmaǵyndaǵy jáne sheteldik ǵalymdarmen belsendi jumys isteıdi. Agroholdıng negizinen mal sharýashylyǵyna, ósimdik sharýashylyǵyna, alynǵan ónimdi tereńnen óńdeýge, jylyjaı sharýashylyǵyna, omartashylyqqa mamandanǵan. Máselen, sharýashylyqtaǵy sút óndirisiniń jyldyq ónimi 3,8 - 4 myń tonna, al bıylǵy jyly ósimdik sharýashylyǵy boıynsha rektordtyq kórsetkishke qol jetkizdi. Atap aıtqanda, soıa ósirý 79 sentnerge, tamshylatyp sýarý arqyly ósirilgen júgeriniń shyǵymy - 185 setnerge deıin kóbeıdi, - deıdi akademık Ǵalıolla Meıirman.
Aıtpaqshy, oblysta úzdik nátıje kórsetken dıqan men sharýany qurmetteý isi dástúrge aınalǵan. Bıyl da aımaqtyń aýyl sharýashlyǵy qyzmetkerleri oblys ortalyǵynda ótken jıynǵa kelip, esepti jyldy qortylady. Tabys tasyǵandardar oblys ákiminiń marapatyn alyp, úzdikterge sý jańa traktordyń kilti tapsyryldy. Barlyǵy jetpisten astam eńbekkerge «Eńbek ardageri» medali, «Aýyl sharýashylyǵy salasynyń úzdigi» tósbelgisi jáne Aýyl sharýashylyǵy mınıstrliginiń, oblys ákiminiń Qurmet gramotalary men Alǵys hattary tabystaldy.
Al Ile aýdanyndaǵy «Ońalbaev» sharýa qojalyǵy men Talǵar aýdanyndaǵy «Baıserke-Agro» seriktestiginńjetekshilerine «MTZ-82.1» jańa traktorlary syıǵa berildi. Sondaı-aq, Qarasaı aýdanyndaǵy «Ońtústik» agroparki men Kegen aýdanyndaǵy «Mádı» sharýa qojalyǵy 600 jáne 500 myń teńgeniń sertıfıkatyna ıe boldy. Osyndaı marapatqa kóksýlyq «Balpyq» jáne Raıymbek aýdanyndaǵy «О́rken» sharýa qojalyqtary da laıyq bolyp, 500 jáne 400 myń teńgeniń sertıfıkattaryn aldy.
Almaty oblysy
