Rýhanııat • 05 Jeltoqsan, 2019

Elbasy kitaphanasy sýretshi balalardy marapattady

68 retkórsetildi

Búgin Qazaqstan Respýblıkasynyń Tuńǵysh Prezıdenti – Elbasy kitaphanasynda «Týǵan ólkem» kórmesiniń ashylý saltanaty ótti. Bul týraly kitaphananyń baspasóz qyzmeti habarlady. 

Is-shara barysynda N.Á. Nazarbaevtyń «Rýhanı jańǵyrý» baǵdarlamalyq maqalasyn dáripteıtin «Týǵan ólkem» respýblıkalyq baǵdarlamasy balalar shyǵarmashylyǵyn qoldaýdy, qosymsha bilim berý mekemeleri jumysyn nasıhattaýdy kózdeıdi. Keleli is-sharany Elbasy kitaphanasynyń dırektory Ámirhan Rahymjanov ashty:

– Sharamyzdyń shymyldyǵyn ashpastan buryn barshańyzdy elimizdiń kele jatqan tól merekesimen quttyqtaǵym keledi. Elbasy Táýelsizdik merekesiniń jeltoqsan yzǵarynda halyq keýdesin jylýǵa bóleıtin aıtýly kún ekenin jıi aıtady. Jyl qorytyndysy keltiriletin ýaqytta ónersúıer qaýymnyń tórimizge jınalyp, is-sharaǵa bir aýyzdan qoldaý tanytyp, uıymdastyrýyna at salysyp jatqanyna qýanyp jatyrmyz.  Jemis pen jeńiske toly bul jyldyń eń mańyzdy is-sharasy – balalar ónerin qoldaýǵa baǵyttalǵan «Týǵan ólkem» respýblıkalyq jobasy. Qosymsha bilim berý mekemelerin de qoldaýmen aınalysatyn bul jobada túrli qalalardyń daryndy saıyskerleri baq synap, sheberligimen bárimizdi tánti etti. Bıylǵy baıqaý osymen támam, qatysýshylarǵa rızashylyǵymyzdy aıtyp, aldaǵy ýaqytqa shyǵarmashylyq tabystar tileımiz, - dedi Ámirhan Muratbekuly.

Bıylǵy úsh kórmede túrli tehnıka men janrda oryndalǵan 200-den astam dıplomdyq jumys qoıyldy. Kórermender nazaryna usynylatyn qorytyndy kórmege olardyń qatarynan 30 jumys qana iriktelindi. Jeńisti Qaraǵandy qalasyndaǵy №1 balalar kórkemsýret mektebiniń oqýshylary Anna Pak pen Lıdııa Levıskaıa, Shahtınsk qalasynyń Á.Ysmaıylov atyndaǵy balalar kórkemsýret mektebiniń oqýshylary Altynshash Salyqova men Kıra Kalýgına, Kókshetaý qalasy Balalar kórkemsýret mektebiniń oqýshylary Názılá Qanapına men Irına Panchenko, Nur-Sultan qalasy Balalar kórkemsýret mektebi – IýNESKO klýbynyń oqýshylary Baıan Beısembekova men Dıana Jumagereı qanjyǵasyna baılady.

Kókshetaýlyq jeńimpazdar qýanyshtaryn jasyrmaı, bizben alǵan áserlerimen bólisti:

– О́ner arqyly men sezimimdi, oıymdy bildiremin. Saıysqa qatysyp, myńnan ozyp shyǵýyma muryndyq bolǵan kórkemsýret mektebine alǵysym zor. Qazylar alqasynyń jumysyma joǵary baǵa bergenine qýanyshtymyn, kóp rahmet! - dedi Názılá Qanapına.

– Shyǵarmashylyq baıqaýlarǵa qatysqandy unatamyn. Olardyń arqasynda tájirıbe jınap qana qoımaı, sýret salyp jatyp túrli sezimderge bólenemin. Adamdardyń týyndyma qatysty pikirin tyńdap yntalanamyn, shabyttanamyn. Kórmege Shoqan Ýálıhanovtyń sýretin usynǵan edim. Negizgi isi sanalmasa da, ol kisi tuńǵysh qazaq sýretshisi bolatyn. Saıahattap júrip derek jınaǵan Shoqan Ýálıhanovtyń kórgen-bilgen dúnıelerin qolmen salǵan sýretterimen tolyqtyryp otyrǵany belgili. Áýeli týsh pen qaryndash qoldanǵan ol keıin sýboıaýǵa da kóshken. Qazaq jeriniń sýretin alǵash salǵan Uly dalanyń balasy artynan 100-ge tarta sýret qaldyrǵan, - dedi Irına Panchenko.

Bul baıqaýda úzdik ustaz retinde nomınasııa jeńimpazdary bolyp Nur-Sultan qalasy Balalar kórkemsýret mektebi – IýNESKO klýbynyń muǵalimi Álııa О́tepova, Qaraǵandy qalasy №1 balalar kórkemsýret mektebiniń muǵalimi Dınara Aqparova, Shahtınsk qalasy Á.Ysmaıylov atyndaǵy balalar kórkemsýret mektebiniń muǵalimi Almas Ábdiqalyqov, Kókshetaý qalasy Balalar kórkemsýret mektebiniń muǵalimi Irına Maksımova marapattaldy. Iske qosylǵan sátinen bastap joba aıasynda Elbasy kitaphanasynda Semeı, Shymkent, Pavlodar, Ekibastuz, Qaraǵandy jáne Shahtınsk qalalarynyń kórkemsýret mektepteri qatysqan birqatar shara uıymdastyryldy. Bul kórmelerdiń qazylar alqasy úzdik jumystarmen qatar baıqaýǵa qatysqan mekteptiń úzdik ustazdaryn jyl saıyn anyqtaıdy.

– Qazaqstannyń túkpir-túkpirinen shyǵarmashyl jandardyń basyn qosqan biregeı jobanyń uıymdastyrýshylary – Elbasy kitaphanasynyń basshylyǵy men ujymyna alǵys aıtamyz! Komıtet músheleri balalarǵa arnalǵan elimizdegi kórkemsýret mektepteriniń ustazdary men oqýshylaryna tán eńbekqorlyǵy men ónerge qushtarlyǵyna rızashylyǵyn bildiredi. 2017 jyly iske qosylǵan jobanyń aıasynda Shahtınsk, Qaraǵandy, Kókshetaý qalalarynyń sýretshileri astanalyq búldirshinderge arnalǵan sheberlik saǵattaryn júrgizgen. Mazmundy is-shara árdaıym jalǵasyn taba bersin! Barshamyzdy kele jatqan merekelermen shyn júrekten quttyqtaımyn, - dedi Nur-Sultan qalasy Balalar kórkemsýret mektebi – IýNESKO klýbynyń dırektory Gúlzııa Isenova.

Sońǵy jańalyqtar

Nur-Sultanda 11 áýe reısi toqtatyldy

Qazaqstan • Búgin, 15:17

Aqyn toıy týǵan topyraǵynda jalǵasty

Aımaqtar • Búgin, 13:02

Tiri maldy satý - tıimsiz

Aımaqtar • Búgin, 12:25

Qus eti naryǵy jýyq arada qalaı damıdy?

Ekonomıka • Búgin, 12:08

Almaty bıznesi etek-jeńin jyıa bastady

Aımaqtar • Búgin, 11:35

Uly Abaı murasy Kereký elinde

Rýhanııat • Búgin, 10:23

Abaıdy taný – asyl paryz

Rýhanııat • Búgin, 09:21

Jaýapkershilikke tartý usynyldy

Saıasat • Búgin, 08:35

Jyl saıyn 100 vagon jańartylady

Qoǵam • Búgin, 08:33

Ulaǵat uqqan ushpaqqa shyǵady

Aımaqtar • Búgin, 08:28

«Sýretti túsirgen Mamyrjan Botabekov»

Rýhanııat • Búgin, 08:20

Káripbektiń kórmesi

Rýhanııat • Búgin, 08:17

Besaǵashtyqtardyń berekeli bastamasy

Aımaqtar • Búgin, 08:13

Hakim esimi laıyqty ulyqtalyp keledi

Rýhanııat • Búgin, 08:10

О́tkenniń sabaǵy esińde qalady

Tarıh • Búgin, 08:07

Uıatsyzdyq azdyrar adam balasyn

Rýhanııat • Búgin, 08:03

Poster-patrıottyq jasasyn!

Qoǵam • Búgin, 08:00

Kamera aldynda oıqastaǵan qar barysy

Ekologııa • Búgin, 07:57

SNPS kelisimdi oryndamaı otyr

Ekonomıka • Búgin, 07:52

Úsh jylǵa salyqtan bosatyldy

Ekonomıka • Búgin, 07:50

Jánibek aýdanynda et óndirý artty

Aımaqtar • Búgin, 07:48

Rýhanı jańǵyrýdyń negizgi kilti

Rýhanııat • Búgin, 07:46

Taǵylymy mol tarıhı maqala

Rýhanııat • Búgin, 07:42

Qazaqtyń «haılaılymy»

Rýhanııat • Búgin, 07:40

Dosym oqyǵan kitap

Aımaqtar • Búgin, 07:38

Ustazdyń aldyn kespeıdi

Qoǵam • Búgin, 07:31

Elimizdegi eń úlken eskertkish

Rýhanııat • Búgin, 07:25

Uqsas jańalyqtar