Al oblys ortalyǵynda muz aıdyndary men syrǵanaqtar jasaý dástúrge aınalǵan.
Qalalyq Dene shynyqtyrý jáne sport bóliminiń málimetinshe, soltústiktiń aýa raıy kúrt ózgerip, qys jylynyp ketkendeı.
Biraq muz aıdyndary, syrǵanaqtar, qysqy oıyn alańdary daıyndalýda.
Qarasha aıynyń sońǵy kúnderi aýa temperatýrasy -15-20 S bolǵan kezde oblys ortalyǵynda muz qatyrý jumystary júrgizildi.
Bıyl 26 hokkeı korty jumys isteıdi.
Sonymen qatar oblys ortalyǵynda Batyr Mall saýda ortalyǵyndaǵy «Aıs» arenasy, «Astana» muz saraıy, «Ertis» shańǵy bazasy, Shyǵys yqsham aýdanyndaǵy jabyq hokkeı korty, Gagarın atyndaǵy saıabaq, qalalyq mádenıet jáne demalys saıabaǵyndaǵy muz aıdyndary men syrǵanaq oryndary ashylady.
Jyldaǵy dástúr boıynsha qalalyq mektepter janynan 42 konkımen syrǵanaý orny - muz aıdyndary jasalyp jatyr.
Sonymen birge qala mańyndaǵy Lenın kenti, Kenjekól, Jetekshi jáne Pavlodar aýyldaryndaǵy mektepterde de muz aıyndary ashylady.
Konkılerdi jalǵa alý quny eresekter úshin 600, balalarǵa 400 teńge bolmaq. Al syrǵanaý quraldaryn qala turǵyndary ózderimen alyp keledi.
Al shańǵy tebýshiler úshin oblys ortalyǵynda «Zelenaıa rosha», «Ertis» shańǵy keshenderi jumys isteıdi.
PAVLODAR
Sýretti túsirgen: Valerıı Býgaev
