Qoǵam • 06 Jeltoqsan, 2019

Almaty oblysynda 9 aıda 1700 kólik apaty tirkeldi

65 retkórsetildi

Jetisý joldarynda apattan kóz jumǵandar sany azaımaı tur. О́tken 9 aı ishinde 1700 kólik apaty tirkelip, 374 adam qaıtys bolǵan eken.

Al joldaǵy apattan jaraqat alǵandardyń sany byltyr 2185 adam bolsa, jyl basynan bergi kórsetkish 2422 adamǵa jetken. Qaýipti oqıǵa negizinen Almaty mańyndaǵy aýdandarda bolýda. Esepti merzimde Eńbekshiqazaq aýdanynda 280, Qarasaı aýdanynda 258, Ile aýdanynda 241, Talǵar aýdanynda 221 jaǵdaı tirkelipti.

Oqıǵa sebepterin saraptaǵan quzyrly organdar kólik júrgizýshiler men jaıaý júrginshilerdiń jaýapsyzdyǵy saldarynan bolǵan apattardyń kóbeıgenin aıtady. Ásirese, kólik aǵyny joǵary qala mańyndaǵy joldarda jyldamdyqty artyrý, jol qozǵalysy erejesin saqtamaýdyń kesirinen kún saıyn ondaǵan kólik apaty bolady eken.  Sondaı-aq jolaýshylardyń kúre joldy belgilenbegen jerden qıyp ótýi men baǵdarsham belgilerine selqos qaraýynyń saldary da qaıǵyly oqıǵaǵa aparyp soǵýda.

Sońǵy jańalyqtar

Uqsas jańalyqtar