– Osyndaı kúrdeli máselelerdi sheshý isinde Qazaqstannyń «Jýsan» operasııasyn tabysty jalǵastyryp otyrǵany búkil álemge úlgi bolýy tıis, – dep jazǵan qaıyrymdylyq uıymynyń basshysy.
Peter Maýrerdiń hatynda repatrıasııa jáne reıntegrasııa máselelerinde Qazaqstan men Halyqaralyq Qyzyl Krest komıteti arasyndaǵy yqpaldastyqty nyǵaıtý, qaqtyǵys aımaǵynan oralǵan otbasy múshelerin qaýyshtyrý jáne adamdarǵa psıhologııalyq qoldaý kórsetý qajettigi aıtylǵan.
– Halyqaralyq Qyzyl Krest komıteti óz mandaty aıasynda jáne gýmanıtarlyq maqsatta Qazaqstan Úkimetine qoldaý kórsetýge daıyn. Taıaý Shyǵystaǵy qaqtyǵystarǵa qatysy bar ustalǵan adamdarmen jolyǵyp, pikir almasýǵa qýanyshty bolar edik. Biz Nur-Sultan nemese Almaty qalalarynda atalǵan kúrdeli másele jóninde tájirıbe almasý úshin osyndaı problemaǵa tap bolǵan basqa elderdiń ókilderimen kezdesýler uıymdastyrýdy usynamyz, – dep jazylǵan P.Maýrerdiń hatynda.
