Ekonomıka • 06 Jeltoqsan, 2019

«QazMunaıGaz» UK AQ jáne Linde AG ózara memorandýmǵa qol qoıdy

41 retkórsetildi

2019 jylǵy 5 jeltoqsanda Qazaqstan Respýblıkasy Prezıdentiniń Germanııa Federatıvtik Respýblıkasyna resmı sapary sheńberinde «QazMunaıGaz» UK AQ jáne Linde Aktiengesellschaft nemis transulttyq hımııalyq kompanııasy arasynda О́zara túsinistik týraly memorandýmǵa qol qoıyldy. Bul týraly qazaqstandyq munaı kompanııasynyń jurtshylyqpen baılanys departamenti habarlady.

Memorandýmǵa QMG Basqarma tóraǵasy Alık Aıdarbaev jáne Linde AG Basqarma múshesi, doktor Krıstıan Brýh qol qoıdy. Qujatqa sáıkes taraptar Qazaqstan Respýblıkasynyń aýmaǵynda tabıǵı jáne ilespe munaı gazyn kádege jaratý men óńdeý salasynda, sonyń ishinde kadr daıyndaý, tehnologııa jáne tájirıbe almasýda yntymaqtastyq ornatýǵa ýaǵdalasty.

-Búgin qol qoıylǵan О́zara túsinistik týraly memorandým gaz óńdeý baǵytyna jańa serpin berip, aldaǵy seriktestigimiz Qazaqstan ekonomıkasy men munaı-gaz sektoryna ınvestısııalar, tehnologııalar ákelip, jańa jumys oryndaryn ashýǵa yqpal etedi degen senimdemin, dedi óz sózinde Alık Aıdarbaev.

Aıta ketý kerek, 2019 jyldyń qazan aıynda QMG jáne Linde AG mamandary Qazaqstannyń Mańǵystaý oblysyndaǵy Jańaózen qalasynda gaz óńdeý zaýytyn salý jobasyn iske asyrý aıasynda birlesken kásiporyn qurý múmkindigin talqylaǵan bolatyn.

Linde - ónerkásiptik jáne medısınalyq maqsattaǵy gaz óndirý jáne ınjınırıng salasyndaǵy álemniń jetekshi kompanııasy. 2018 jyldyń nátıjeleri boıynsha onyń satylym kólemi 28 mlrd AQSh dollaryna jýyqty (24 mlrd EÝRO) qurady. Linde álemniń 100-den astam eldegi óz klıentterine jobanyń barlyq qatysýshylary úshin uzaq merzimdi jáne ekonomıkalyq tıimdilik beretin ınnovasııalyq jáne ekologııalyq sheshimder túrinde qyzmet kórsetedi. Kompanııa óz ónimi, tehnologııalary men qyzmetterin kórsetý arqyly klıentterine ekonomıkalyq kórsetkishterin jáne ózara táýeldi álemde qorshaǵan orta jaǵdaılaryn jaqsartýǵa óz úlesin qosyp keledi. Linde ózin senimdi serikestes retinde kórsete bildi, Linde ınvestısııalarynyń nátıjesinde Qazaqstan Respýblıkasynyń aýmaǵynda zamanaýı ári qýat tıimdiligi joǵary aýa bólý qondyrǵylary salyndy jáne paıdalanýǵa berildi.

Sońǵy jańalyqtar

«Barystyń» qarqyny qatty

Hokkeı • Búgin, 22:46

Elbasy Ahmetjan Esimovti qabyldady

Qazaqstan • Búgin, 22:15

Aqtóbede dinı ahýal turaqty ma?

Aımaqtar • Búgin, 17:48

Mańyzdy maqsattarǵa basymdyq beriledi

Qazaqstan • Búgin, 16:46

Maqsat – jol sapasyn jaqsartý

Úkimet • Búgin, 11:45

Qoltańba

Aımaqtar • Búgin, 09:42

Jalpy otyrystyń kún tártibi naqtylandy

Parlament • Búgin, 08:42

Dárigerlerdi qoldaýǵa shaqyrdy

Qoǵam • Búgin, 08:36

Básekege qabilettilikti arttyrý mańyzdy

Parlament • Búgin, 08:28

Shekarashylar aldanbady

Qoǵam • Búgin, 08:22

Lısenzııasynan aıyrdy

Qoǵam • Búgin, 08:20

О́nerlige óris keń

Aımaqtar • Búgin, 08:16

Uqsas jańalyqtar