Rýhanııat • 06 Jeltoqsan, 2019

Almatyda ótken Imamdardyń aımaqtyq forýmyna rýhanı qundylyqtar taqyryby arqaý boldy

67 retkórsetildi

Almatydaǵy Nur-Múbarak ýnıversıtetinde «Rýhanı qundylyqtar – qoǵam birliginiń negizi» atty ımamdardyń aımaqtyq forýmy ótti. Forýmǵa Almaty qalasy ákiminiń orynbasary Erjan Babaqumarov, Qazaqstan musylmandary Dinı basqarmasynyń tóraǵasy, bas múftı Serikbaı qajy Oraz qatysty. Bul týraly ákimdiktiń baspasóz qyzmeti habarlady. 

Shara barysynda Almaty qalasy ákiminiń orynbasary Erjan Babaqumarov qoǵam men dinı qyzmetkerler aldynda óskeleń urpaqty patrıotızm men otansúıgishtik rýhynda tárbıeleý mindeti turǵanyn atap ótti.

«Dinı qyzmetkerler jastardyń destrýktıvti ıdeıalardyń jeteginde ketpeýi úshin olardyń aldyn alyp, túsindirý jumystaryn keńinen júrgizýde», - dedi Almaty qalasy ákiminiń orynbasary E.Babaqumarov.

Bul úshin jas urpaq tanymyna teris áser etetin túsinikterdiń neǵurlym durys emestigin sińirý qajet. Al dittegen maqsatqa jetý úshin óskeleń urpaqtyń boıyna ulttyq dástúrler men qundylyqtardy, tanymdy sińirý qajet. Ol jumys ár otbasynyń qabyrǵasynda bastalýy shart. 

Forýmda Qazaqstan musylmandarynyń «Jeti rýhanı qazyq» tuǵyrnamasy talqylandy. Qujatta árbir musylmannyń jeti qasıeti kórinis tapqan.

«Patrıotızm Otanǵa, ana tiline, dástúr men mádenıetke degen qurmetten bastaý alady. Patrıotızm shyńy – bul óz ultyna degen súıispenshilik», - dedi Serikbaı kajy Oraz.

Shara qoǵamda jas urpaq pen balalarǵa dástúr men rýhanı qundylyqtardy dáripteýdi kózdeıdi.  

Kezdesýge Nur–Múbarak ýnıversıtetiniń rektory, professor Muhammad ash-Shahad Abdýlhamıd Muhammad al-Djındı, Qazaqstan Jýrnalıster odaǵy syılyǵynyń laýreaty, «Prezıdent jáne Halyq» gazetiniń bas redaktory Marat Baıdildauly, Qazaqstan musylmandary Dinı basqarmasy tóraǵasynyń birinshi orynbasary Naýryzbaı qajy Taǵanuly, naıb múftı Ershat Ońǵarov, QMDB apparatynyń basshysy Ǵylymbek Jádigeruly, ál-Farabı atyndaǵy QazUÝ shyǵystaný fakýltetiniń dekany, professor Yqtııar Moldatóreuly, Almatynyń bas ımamy Erkinbek Shoqaı, ımamdar jáne ýnıversıtet stýdentteri qatysty.








Sońǵy jańalyqtar

Sabannan jasalǵan qalashyq

Aımaqtar • Keshe

Aýylǵa kel, jas dáriger

Aımaqtar • Keshe

Tarıh. Tulǵa. Túrkistan

Rýhanııat • Keshe

Adamdyqtyń qaınary

Rýhanııat • Keshe

Berik Ýálı: Abaı men Alash

Rýhanııat • Keshe

Elimizdiń birqatar aımaǵynda joldar jabyldy

Qazaqstan • 19 Qańtar, 2020

Baıanaýylda boranda joǵalǵandar tabyldy

Aımaqtar • 19 Qańtar, 2020

Uqsas jańalyqtar