Qazaqstan • 06 Jeltoqsan, 2019

«Qazaqstan Táýelsizdigi jáne Elbasy» konkýrsynyń jeńimpazdary anyqtaldy

68 retkórsetildi

Búgin Nazarbaev ortalyǵynyń ǵımaratynda buqaralyq aqparat quraldary qyzmetkerleriniń arasynda jyl saıyn jarııalanatyn «Qazaqstan Táýelsizdigi jáne Elbasy» atty halyqaralyq shyǵarmashylyq konkýrstyń qatysýshylaryn marapattaý saltanaty ótti.

Baıqaý táýelsizdik jyldarynda elimizdiń qol jetkizgen jetistikteri men «Nazarbaev modelin», Elbasynyń ıdeıalary men bastamalaryn keńinen taratýǵa negizdelgen. Is-sharanyń uıymdastyrýshylary – Qazaqstan Respýblıkasynyń Tuńǵysh Prezıdenti – Elbasy kitaphanasy men Qory.

Baıqaýdyń bıylǵy ereksheligi – «Sheteldik BAQ-ǵy úzdik jarııalanym» nomınasııasynyń qosylýy. Oǵan Ázerbaıjan, Germanııa, Reseı, Túrkııa jáne Japonııa elderinen jýrnalıster óz jumystaryn joldady.

Saltanatty sharany Qazaqstan Respýblıkasynyń Tuńǵysh Prezıdenti – Elbasy kitaphanasynyń dırektory, Konkýrstyq komıssııanyń teń tóraǵasy Ámirhan Rahymjanov ashty.

«Bizdiń konkýrska qatysqan barlyq Qazaqstannyń jýrnalısteri men sheteldik BAQ ókilderine uıymdastyrýshy retinde sheksiz alǵysymyzdy bildiremiz. Eń qyzyqty da shyǵarmashylyq mamandyqtyń birinde jańa esimder ashylýda. Shyǵarmalar kópultty Qazaqstannyń qazirgi kezde qalaı damyp jatqanyn asha bilgen. Bul shara Elbasynyń jasampaz ıdeıalary men bastamalaryn tek Qazaqstanda ǵana dáriptep qoımaı, búkil álemde keńinen nasıhattaýdyń negizgi mindetin tolyqtaı júzege asyrady», - dep quttyqtaý sózinde atap ótken Á.Rahymjanov jıylǵan qaýymdy alda kele jatqan memlekettik mereke – Táýelsizdik kúnimen quttyqtady.

Qazaqstan Respýblıkasynyń Tuńǵysh Prezıdenti – Elbasy Qorynyń atqarýshy dırektorynyń orynbasary Álkeı Marǵulanuly qatysýshylarǵa óz quttyqtaý sózin joldady.

«Tuńǵysh Prezıdent Nursultan Nazarbaevtyń sarabdal saıasatynyń arqasynda bizdiń elimiz barlyq salada turaqty damyp, búginde úlken jetistikterge jetýde. Biz órshil maqsattarymyzben senimmen alǵa jyljyp kelemiz. Táýelsizdiktiń bastaýynda Elbasy qoıǵan mindetter sekildi  olardy da júzege asyrý halyqtyń qoldaýy bolmasa jáne qazaqstandyqtar memlekettiń alǵan baǵytyn túsinbese múmkin bolmas edi. Munda BAQ úlken ról atqarady. О́ıtkeni, olar qoǵamdyq pikirge áser etip, belgili bir qubylystar men prosester týraly qoǵamdyq túsinik qalyptastyrýǵa yqpal etedi. Sonymen qatar buqaralyq aqparat quraldarynyń jumysynyń arqasynda uıymdar men laýazymdy tulǵalar ózderiniń jumystaryn jan-jaqty baqylap, kemshin tustaryn kórip, olardy túzetýge múmkindik alady. Baıqaý jeńimpazdaryn marapattaı kele, eń úzdik BAQ ókilderine mańyzdy jumystaryńyz úshin alǵysymyzdy bildirgimiz keledi», dedi Álkeı Marǵulanuly.

 «Sheteldik BAQ-ǵy úzdik jarııalanym» nomınasııasy boıynsha 1-oryn – Rýstam Gasymov («Yenicag.Az-Novaıa Epoha» gazeti, Ázerbaıjan), 2-oryn – Gýzal Zaıtova (Qazaqstan Respýblıkasyndaǵy Týrkııanyń teleradıokompanııasy), 3-oryn – Naokı Masýmoto («KINZAI Financial Plan» jýrnal, Japonııa).

«Men búgin baýyrlas Qazaqstan eline kelgenime, «Qazaqstan táýelsizdigi jáne Elbasy» baıqaýynyń qazylar alqasynyń sheshimimen joǵarǵy marapatqa ıe bolǵanyma óte qýanyshtymyn. Osy jyly maýsym aıynda Nur-Sultan qalasyna alǵash barǵan saparymda záýlim shahardyń kórki meni erekshe tamsandyrdy. Ásirese, zamanaýı ınfraqurylym, biregeı kórneki oryndar, tabıǵat, sonymen birge árıne, jeke basym taǵy da kýá bolǵan qazaqtyń qonaqjaılylyǵy tańqaldyrdy. Alǵan áserim orasan zor, biraq baıqaýǵa usynǵan maqalama sonyń bárin syıǵyza almadym, ol maqalada san qyrly qyzmeti álemdegi eń ádemi astanalardyń birin salýǵa baǵyttalyp, sol qalaǵa esimi berilgen Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevtyń eńbegi, sonymen qatar Elbasynyń ıadroǵa qarsy qozǵalys, túrki áleminiń birigýi, mádenıet, medısına, bilimniń damýy, sonymen birge búginde birtindep kóterilip, qarqyndy damyp kele jatqan ázirbaıjan-qazaq qarym-qatynasynyń nyǵaıýyna qosqan úlesi týraly jazylǵan»,- dep oı bólisti R.Gasymov.

«Gazetter men jýrnaldardaǵy úzdik maqala» nomınasııasy boıynsha jeńimpazdar: 1- oryn – Haırat Sataev ( «Atyraý-Akparat» JShS, Atyraý q.), 2-oryn – Nadejda Týlına «Prıkaspııskaıa komýnna» gazeti, Atyraý q.), 3-oryn – Álisher Shaıahmetov («Zvezda Prıırtyshıa» gazeti, Pavlodar q.).

– Eńbegimniń osy baıqaýda elengenine óte baqyttymyn. Men elimizdegi birlik pen kelisim taqyrybyna den qoıǵanmyn. Elbasynyń saıasaty Qazaqstandaǵy qaýipsiz jáne beıbit ómirdi qamtamasyz etýge baǵyttalǵan. Bul óte mańyzdy. Kópultty, beıbit memlekettiń qazaqstandyq modeli kúlli álem úshin damýdyń ozyq úlgisine aınaldy. Biz, jýrnalıster, osy qundylyqtardy oqyrmanǵa qonymdy ári qyzyqty etip jetkizýge tyrysamyz,-dep óz áserimen bólisti N.Týlına.  

9

«Karavan» gazetiniń bas redaktory, Konkýrstyń komıssııa múshesi Igor Shahnovıch osy jylǵy televızııalyq jumystardyń deńgeıine erekshe toqtaldy.

«Jastar búgingi memlekettilikti rasynda qıyn jaǵdaıda aýyr kúrespen jeńip alǵan shyndyq retinde qabyldaıdy, sol turǵydan alǵanda bul baıqaýdyń paıdasy zor. Jas urpaqqa osy qundylyqtardy kózdiń qarashyǵyndaı saqtaý kerektigin túsinýge múmkindik berý – baıqaýdyń basty tıimdiligi, bul jetisterge jetýde Elbasynyń orasan zor eńbegi bar. Meni kóptegen telejumystar baıqaýy tańqaldyrdy. Olardy qazaqstandyq mektep oqýshylary mindetti túrde kórip, bilýi kerek. Bul olardyń tulǵalyq, azamatyq dúnıetanymynyń qalyptasýy úshin kerek», - dedi I.Shahnovıch.

9

«Úzdik televızııalyq materıal» nomınasııa boıynsha: 1-oryn – Darhan Abdyýahıt («Habar» agenttigi, Nur-Sultan q.), 2 oryn – Sáýle Kómekbaeva jáne Aıan Omarqulov, (QR Prezıdentiniń TRK, Nur-Sultan q.), Bekzat Esqalıev («Qazaqstan» RTRK,  Qyzylorda q.), 3 oryn – Bolatbek Baıanhan («Qazaqstan» RTRK, Nur-Sultan q.) jáne Álimjan Isabaı («Qazaqstan» RTRK, Nur-Sultan q.).

«Úzdik radıomaterıal» nomınasııasy boıynsha 1-oryndy – Nurmat Mansur («Shalqar» radıosy, Nur-Sultan q.) aldy.

«Ǵalamtor-BAQ-taǵy úzdik jarııalanym» nomınasııasy boıynsha: 1-oryn – Arman Súleımenov («Istorııa Kazahstana» portaly, Nur-Sultan q.), 2-oryn – Rýslan Ǵabbasov («QazAqparat» AA, Nur-Sultan q.), 3-oryn – Mahat Sadyq («QazAqparat» AA, Nur-Sultan q.).

– Elbasy kitaphanasy men Qory uıymdastyrǵan baıqaýǵa qatysý men úshin zor mártebe bolsa, Qazaqstan memlekettiliginiń qalyptasý jolyndaǵy Nursultan Nazarbaevtyń róli men úlesin kórsetý – úlken jaýapkershilik. Ártúrli is-sharalarda jas órkenniń Nursultan Nazarbaevtyń jastyq shaǵy men eńbek joly týraly yntamen aıtatyndaryn jıi kóremin. Búgin olar gúldengen Qazaqstanda ómir súrýde. Tórtinshi bılik ókilderi retinde BAQ qyzmetkerleri toqsanynshy jyldardyń basynda memleket qalaı quryldy, qandaı qıyndyqtardy bastan ótkerdi, túptep kelgende qazirgi jetistikterge qalaı qol jetkizgenimiz týraly aıtýy kerek dep oılaımyn. Bul – Elbasynyń úlken eńbegi,-dedi A.Súleımenov.

Marapattaý rásimine saıasat jáne qoǵam qaıratkerleri, túrli BAQ qyzmetkerleri jáne elshiliktiń ókilderi qatysty.

«Qazaqstan Táýelsizdigi jáne Elbasy» atty halyqaralyq shyǵarmashylyq baıqaýdyń jeńimpazdaryna qarjylaı syılyq pen dıplomdar jáne tósbelgiler tapsyryldy. Saltanatty jıyn Qazaqstannyń estrada jáne opera ártisteriniń ónerimen árlene tústi.

9

Sońǵy jańalyqtar

Almaty bıznesi etek-jeńin jııa bastady

Aımaqtar • Búgin, 11:35

Uly Abaı murasy Kereký elinde

Rýhanııat • Búgin, 10:23

Abaıdy taný – asyl paryz

Rýhanııat • Búgin, 09:21

Jaýapkershilikke tartý usynyldy

Saıasat • Búgin, 08:35

Jyl saıyn 100 vagon jańartylady

Qoǵam • Búgin, 08:33

Ulaǵat uqqan ushpaqqa shyǵady

Aımaqtar • Búgin, 08:28

«Sýretti túsirgen Mamyrjan Botabekov»

Rýhanııat • Búgin, 08:20

Káripbektiń kórmesi

Rýhanııat • Búgin, 08:17

Besaǵashtyqtardyń berekeli bastamasy

Aımaqtar • Búgin, 08:13

Hakim esimi laıyqty ulyqtalyp keledi

Rýhanııat • Búgin, 08:10

О́tkenniń sabaǵy esińde qalady

Tarıh • Búgin, 08:07

Uıatsyzdyq azdyrar adam balasyn

Rýhanııat • Búgin, 08:03

Poster-patrıottyq jasasyn!

Qoǵam • Búgin, 08:00

Kamera aldynda oıqastaǵan qar barysy

Ekologııa • Búgin, 07:57

SNPS kelisimdi oryndamaı otyr

Ekonomıka • Búgin, 07:52

Úsh jylǵa salyqtan bosatyldy

Ekonomıka • Búgin, 07:50

Jánibek aýdanynda et óndirý artty

Aımaqtar • Búgin, 07:48

Rýhanı jańǵyrýdyń negizgi kilti

Rýhanııat • Búgin, 07:46

Taǵylymy mol tarıhı maqala

Rýhanııat • Búgin, 07:42

Qazaqtyń «haılaılymy»

Rýhanııat • Búgin, 07:40

Dosym oqyǵan kitap

Aımaqtar • Búgin, 07:38

Ustazdyń aldyn kespeıdi

Qoǵam • Búgin, 07:31

Elimizdegi eń úlken eskertkish

Rýhanııat • Búgin, 07:25

Qurylysy qarqyndy Qazaqstan

Qazaqstan • Búgin, 07:15

Balqash: baq pen sor

Qoǵam • Búgin, 07:07

«Aqylǵa sáýle qonbasa...»

Qoǵam • Búgin, 07:03

ShQO-da qar kóshkini júrdi

Aımaqtar • Keshe

Uqsas jańalyqtar