On birinshi márte uıymdastyrylyp otyrǵan sharaǵa oblystyń barlyq aýdandarynan kelgen vokaldy-aspapty ansamblder qatysty.
Dástúrli festıvaldiń ashylý saltanatynda aýdan ákiminiń orynbasary Baqytjan Jarylqap quttyqtaý sóz sóılep, eski ánderdi el esine alyp júrgen óner ujymdaryna alǵysyn jetkizdi.
Festıval barysynda Qazaly aýdanynan «Rıtm», «Melodııa», «Qazaly», Jańaqorǵan aýdanynan qatysqan «Jom-Art», Syrdarııa aýdanynan kelgen «Rıtm», Qarmaqshy aýdanynan «Aqaı», Jalaǵashtan «Altyn – Araı», Aral aýdanynan «Aral» vokaldy-aspapty ansamblderi70-90 jyldardaǵy ánderdi oryndap, kópshilik yqylasyna bólendi.
Keshte Qazaly qalasynyń ákimi Rahmetolla Iztileý, oblystyq halyq shyǵarmashylyǵyn damytý jáne mádenı-prodıýserlik ortalyǵynyń bólim meńgerýshisi Baǵdagúl Esmurzaeva men aýdandyq mádenıet jáne tilderdi damytý bóliminiń basshysy Bolat Joltaev shara jaıly lebizderin bildirip, uıymdastyrýshylar óner ujymdaryna baǵaly syılyqtardy tapsyrdy.
