Aımaqtar • 07 Jeltoqsan, 2019

Ýrbanıstik ortalyqqa aınalýdyń bir tutqasy

124 retkórsetildi

Aqtóbede 500-myńynshy turǵyn ómirge keldi.

Sýrette: Aqtóbeniń bes júz myńynshy turǵyny anasynyń qushaǵynda

Qazaqstan dúnıe júzindegi eki júzden astam memleket arasynda jeriniń aýmaǵy jóninen alǵashqy ondyqtyń ishinde turǵanymen, halqynyń sany jaǵynan ájeptáýir keıinirek qalyp júrgeni málim. Sondyqtan da búgingi kúni memleket tarapynan halqymyzdyń demografııalyq ósimi men týý kórsetkishiniń ósýine qajetti jaǵdaılar týǵyzylyp keledi. Aıtalyq qazirgi kezde Almaty qalasynyń turǵyndarynyń sany eki mıllıondyq mejege taıap, Nursultan men Shymkent qalalary turǵyndarynyń ósimi mıllıonnan asyp megapolıs qala atanǵany elimizdegi osyndaı oń demografııalyq ahýaldyń kórinisi dep baǵalaǵanymyz jón.

Bul baǵytta respýblıkamyzdyń birqatar ózge qalalarynda da halyq sany jyl saıyn turaqty túrde ósip kele jatqany jaǵymdy jáıt. Statıstıka organdarynan alynǵan sońǵy derekter osy tizimniń kósh basynda elimizdiń batys óńirindegi óndirisi órken jaıǵan qala Aqtóbe turǵanyn aıǵaqtaıdy. Sońǵy kezde munda turǵyndar jarty mıllıondyq mejege taıaǵany aıtylyp qalyp júretin. "Bir toıym bolatyny, sózsiz meniń, Biraq qaı kúni ekenin aıta almaımyn" dep Tólegen aqyn jyrlaǵandaı Aqtóbe qalasynyń halqy dál qaı kúni osy bıik sanǵa jetetinin aıta almaı júrgen jaǵdaıymyz da bolǵan.

Mine, osy aq túıeniń qarny jarylǵan qýanyshty kún ótken altynshy jeltoqsan kúni, qasıetti jumanyń senbige aýysqan túninde, saǵat birden on mınýt ketkende bolǵanyn oqyrmanǵa súıinshilep aıtýǵa bolady. Shyr etip dúnıege kelgennen keıin ýildegen pák sábıdiń atyp ata-anasy Álınur dep qoıypty. Onyń salmaǵy 3060 gram, boıy 53 santımetr. Munyń ózi náresteniń qalypty jaǵdaıda ómirge kelgenin kórsetedi. Tutastaı alǵanda sábıdiń jaryq dúnıe esigin ashýy ata-anasymen bir qursaqtan órbigen baýyrlary úshin bir qýanysh bolsa, bul jaǵdaı kóńilge nur quıatyn, ózi dúnıege kelgen jerdiń kósegesin kógertetin oqıǵamen tuspa-tus kelse qýanysh eselene túspeı me?

Sondyqtan da osy jaǵymdy jáıt qulaǵymyzǵa tıgen soń qalanyń bez júz myńynshy turǵyny ińgálap ómirge kelgen Aqtóbe oblystyq perınataldy ortalyǵyna baryp reti men sáti shyqsa sábıdiń anasyna jolyǵýdy jón kórdik. Tilegimiz oryndaldy.

- Álınur otbasyndaǵy tórtinshi perzent. Onyń Nurasyl, Ernur jáne Aıtjan atty úsh aǵasy bar. Shańyraqtyń ıesi, súıip qosylǵan qosaǵym Táńirbergen kólik júrgizýshi bolyp isteıdi. Ulymyzdyń Aqtóbege qalasynda dúnıege kelgen bez júz myńynshy turǵyny bolyp tirkelgeni biz úshin kútpegen tosyn jaǵdaı boldy. Tipti buǵan ne dep, ne aıtarymdy bilmeı turmyn. О́te qýanyshtymyz. Ár bala óz nesibesimen dúnıege keledi demeı me halqymyz. Quttyqtan kelgenderdiń bárine aıtar alǵysymy sheksiz dep, - aǵynan jaryldy ómir esigin attaǵan sábıdiń otyz toǵyz jastaǵy anasy Elvıra Dosqalı.

Atalǵan perınataldy ortalyqty bıylǵy jyldyń on aıy ishinde alty myńnan astam sábıdiń kindigi kelsilipti. Ortalyq dırektorynyń medısınalyq qyzmetter sapasynyń baqylaý jónindegi orynbasary Anar Ámirqulovanyń aıtýynsha qutty perzenthanada tek sońǵy bir táýiliktiń ishinde 26 ana bosanypty. Janǵa jáıli tıetin búgingi súıinshi maqalamyzdyń syzyq-taıaqshasyn budan da góri joǵary alsaq sońǵy jyldary Aqtóbe qalasynda turǵyndardyń tabıǵı ósim esebinen kóbeıý kórsetkishi ósip kele jatqanyna kóz jetkizemiz. Iаǵnı statıstıkalyq derekter ótken 2018 jyldyń 11 aıynda oblys ortalyǵynda 11939 sábı dúnıege kelse, bıyl dál osy aralyqta olardyń sany úsh paıyzǵa ulǵaıǵan eken.

Mundaǵy sábı sanyn ulǵaıtqandardyń biri baqytty otbasy ıeleri Táńirbergen jáne Elvıra Jalǵasbaılar ekenin taǵy da qaıtalap aıtqannyń artyqshylyǵy bola qoımas. Juptary jarasqan erli-zaıyptylardy Aqtóbe oblysynyń ákimi Ońdasyn Orazalın men Aqtóbe qalasynyń ákimi Mavr Abdýllın quttyqtap, Álınur Jalǵasbaıdyń Aqtóbeniń bez júz myńynshy turǵyny ekenin rastaıtyn kýálik pen baǵaly syılyqtar tabys etti. Taǵy bir aıta keterlik másele Jalǵasbaı otbasy Aqtóbe qalasynyń nómir 11 shaǵyn aýdanynda páter jaldap turady eken. Mine, olardyń úsh perzentine tórtinshi ul da qosyldy. Mundaı jaǵdaıda jaldamaly baspana odan ári taryla túspeı me? Osy jáıt eskerilgendikten atalǵan otbasy ıelerine aldaǵy 2020 jyldyń naýryz aıynda «Baqytty otbasy» baǵdarlamasy sheńberinde jańa páterdiń kilti tapsyrylmaq.

Sózimizdi túıinedı kele aglomerasııalyq-ýrbanıstik damý jolyndaǵy Aqtóbe qalasynda turǵyndar sany tabıǵı ósimmen birge ishki kóshi-qon úderisi esebinde de ósý ústinde ekenin aıtqymyz keledi. Mundaı kezde turǵyndardyń jabaıy ýrbanızasııanyń jeteginde ketpeý jaǵyn aldyn ala oılastyrýdyń da orny aıryqsha. Turǵyndar sanynyń udaıy ósýine oraı ótken 2018 jyldyń sáýir aıynda oblys ortalyǵynda qos aýdannyń qurylýy da osyndaı ómirsheń qadamnan bastaý alǵany anyq.

Kóbeımesek, kósegemiz kógermeıtini aıan. Osy oraıda Aqtóbede halyq sanynyń ósýi onyń zamanaýı ýrbanıstik ortalyqqa aınalýynyń basty tutqasynyń biri bolyp qala bermek.

 

Aqtóbe

 

Sońǵy jańalyqtar

Qasym-Jomart Toqaev birqatar ákimdi qabyldady

Prezıdent • 24 Qańtar, 2020

Dzıýdo: Búgin júlde buıyrmady

Kúres • 24 Qańtar, 2020

Búgingi jańalyqtarǵa sholý (vıdeo)

Vıdeo • 24 Qańtar, 2020

Elordada «Abaı álemi» ortalyǵy salynady

Rýhanııat • 24 Qańtar, 2020

Prezıdent ákimdermen keńes ótkizdi

Prezıdent • 24 Qańtar, 2020

Qyzylorda: Kásipkerler ótinishi eskeriledi

Aımaqtar • 24 Qańtar, 2020

Kókshetaýda saýda dúńgirshekteri buzylmaq

Aımaqtar • 24 Qańtar, 2020

Moskva zamanaýı ortalyqqa aınala ala ma?

Qazaqstan • 24 Qańtar, 2020

Uqsas jańalyqtar