Rýhanııat • 09 Jeltoqsan, 2019

Saıraıdy bulbul...

83 retkórsetildi

Astana keshi búgin tipti erekshe qulpyryp ketkendeı. Kóshe boıyna qazdaı tizile boı túzgen samaladaı jarqyraǵan túngi qala shamdary da shahar kórkine kórik ústep, aıryqsha syrshyldyq syılap tur. Arqanyń aıazyna qaramastan, shoq-shoq gúlin qoltyqtaı «Astana Opera» teatryna qaraı aǵylǵan jurttyń qarasynda shek joq. Iá, búgin aıtýly kún, tarıhı sát. Opera sahnasynyń ańyzǵa aınalǵan tulǵasy, Sosıalıstik Eńbek Eri, KSRO Halyq ártisi, KSRO Memlekettik syılyǵynyń laýreaty Bıbigúl Tólegenova 90 jyldyq mereıtoıyn atap ótedi munda.

Qazaqtyń bulbuly atan­ǵan ańyz ánshiniń aıtýly ke­shinde ónerdi shyn túsinetin talǵampaz qaýym bas qosty. Sáni men saltanaty jarasqan opera teatrynyń keń foıesi mý­zykaǵa ińkár kóńilderdiń jarqyn emosııasymen tipti jarqyrap ketkendeı. Ásirese saraı tórine qoıylǵan ánshiniń shyǵarmashylyq ómirinen syr shertetin fotokórme tutas bir dá­ýirdiń tynysyn pash etip tur. О́tken ǵasyrdyń mýzy­ka­lyq dástúri men búgingi klas­sıkalyq qazaq án óneriniń altyn kópirine aınalǵan ańyz ánshiniń qaıtalanbas óneri jastyń da, jasamystyń da kóńilin erekshe tolqytyp, tamasha keshtiń kýási bolýǵa asyq­tyra bergen. Saltanatty sharany Mádenıet jáne sport mınıstri Aqtoty Raıym­qu­­lova Memleket basshysy Qasym-Jomart Toqaevtyń qut­­­­tyq­taý hatymen ashyp ber­di.

«Qurmetti Bıbigúl Ahmet­qyzy, sizdi torqaly 90 jasqa tolǵan mereıtoıyńyzben shyn júrekten quttyqtaımyn. Siz qazaq óneriniń asqar shy­ńyna kóterilip, ulttyq má­denıettiń damýyna zor eń­bek sińirdińiz. О́zińizdiń ta­bıǵı darynyńyzben, ásem daýysyńyzben elimizdiń bul­bul ánshisine aınaldyńyz. О́nerdegi jolyńyz elimizdegi oryndaýshylyq mekteptiń ór­kendeýine jol ashyp, keıingi jas ónerpazdarǵa temir­qa­zyq­­taı jol siltep keledi. Olar sizge qarap boı túzeıdi, sizge elikteıdi. Halqymyz ózi­­ńizdi úlken óner ıesi ǵana emes, tanymal qaıratker tul­ǵa retinde de jaqsy biledi já­ne qurmetteıdi. Qazaq máde­nıetiniń keń qanat jaıyp, kókjıeginiń keńeıýine sizdiń qosqan úlesińiz orasan zor dep bilemin. Halyqtyń mahabbaty men qoshemetine bólenip júre berińiz», delingen quttyqtaý hatta.

Mereıli keshtiń shymyl­dyǵy Ahmet Jubanov pen Latıf Hamıdıdiń «Abaı» ope­­rasyndaǵy «Toıbastar» kó­rinisimen túrildi. Teatr ár­­­tisteriniń oryndaýyndaǵy ta­masha hor-shashý zııaly mý­zyka toıynyń shyraıyn asha tús­kendeı. «Astana Ope­ra­nyń» úlken za­lyna ıne shan­shar oryn qaldyrmaı lyq tolǵan tal­ǵampaz tyńdarmannyń qo­shemetine bólengen mereı­toı ıesi sahna tórine kóte­ri­lip, qaıtalanbas únimen Qyz Jibektiń «Gákkýin» quı­qy­ljytty. Bulbul ánshi­niń oryndaýyndaǵy Ǵ.To­qaı só­­zine jazylǵan tatar­dyń «Taftılıaý» men N.Ly­sen­konyń «Natalka-Poltavka» ope­rasyndaǵy Natalkanyń arııa­syn da kórermen zor yqy­laspen qarsy alyp, tik turyp qoshemet kórsetti.

Iá, ǵalamat konsertke jı­nalǵan qalyń kórermen úshin ǵana emes, qazaqtyń bul­­­bulymen bir sahnada óner kórsetý jas ónerpazdar úshin de, tájirıbeli óner maı­­­­tal­mandary úshin de zor mártebe ekeni sózsiz. Mere­ke­lik keshti odan ári ustazyn qut­tyqtaı kelgen opera óne­­riniń bir top talantty sho­­ǵy­­ry jalǵap áketti. Me­reı­­­li mýzyka keshinde Dına Ham­zına, Jannat Baqtaı, Me­­det Shotabaev, Azamat Jyl­­­­tyrgózov bastaǵan opera óne­­riniń sheberlerimen qatar, Ita­­lııadan arnaıy kelgen án­shi, Bıbigúl Tólegenova atyn­daǵy baıqaýdyń Gran-prı ıegeri Kozımo Oreste, sondaı-aq daryndy jas ártister – Na­zym Saǵyntaı, Gúljanat Sa­paqova, Meıir Baınesh, Gúl­dana Aldadosova jáne ta­ǵy da basqa ánshiler tamasha ónerin tartý etti. Ásirese ıta­lııalyq ánshi Kozımo Ores­teniń oryn­daýyndaǵy Abaı­dyń «Men kórdim uzyn qaıyń qu­laǵa­nyn» áni talǵampaz tyń­­dar­man­dy tánti etkeni sózsiz. Klas­­sıkalyq mýzyka ke­shiniń so­ńynan sóz alǵan me­reı­toı ıesi halyq aldyna shy­ǵyp bas ıip, 60 jyldan asa qoshe­me­ti­men erkeletip kele jatqan bar­sha tyńdarmanyna alǵysyn jetkizdi.

– Halqymnyń ystyq mahabbaty men sheksiz qoshemetin shyǵarmashylyǵyma, ónerime berilgen úlken baǵa dep bilemin. Sondyqtan men talǵampaz tyń­darmandarymnyń aldynda orasan zor jaýapkershilikti sezinemin. Sahnaǵa ár shyqqan saıyn tolqyp turamyn. En­deshe búgingi konsertti de sol asa mártebeli tyńdarman­da­rymnyń aldyndaǵy taǵy bir tamasha esep berýim dep qabyl alarsyzdar. Bul tek qana meniń keshim emes, menimen birge bir sahnada óner kórsetip, syrlas, syılas bolǵan Roza Jamanova, Ermek Serkebaev bastaǵan bar­sha án alyptarynyń rýhyna baǵyshtalǵan taǵylym keshi. Ardaqty halqym, aıaýly tyńdarmandarym, meniń sizdermen ǵana ónerim ústem, mereıim bıik. Barlyǵyńyzǵa basymdy ıip alǵysymdy bil­diremin. Qudaı taǵala biz­ge qaıǵy kórsetpesin, beı­bit ómi­rimiz buzylmaı, bar­ly­ǵymyz aman bolaıyq», dedi Bıbigúl Tólegenova.

Shymyldyq jabyldy. Ja­ryq óshti. Biraq qulaqta qal­ǵan quıqyljyǵan bulbul ún júrekke sińip, áldeqashan kó­­ńil túkpirine ornyǵyp al­ǵan­daı. Soǵylǵan shapalaq tolas­tar emes...

Sońǵy jańalyqtar

Barlyq másele ashyq aıtyldy

Aımaqtar • Búgin, 06:56

Tenderdi maıshelpek kóredi

Saıasat • Búgin, 06:55

Týrızm – tabys kózi

Parlament • Búgin, 06:53

Qıyrdaǵy qaıyrymdy qazaq

Qoǵam • Búgin, 06:45

Mýzykalyq mádenıet – mektepten

Rýhanııat • Búgin, 06:36

Turǵyndardyń talap-tilegi taldanady

Aımaqtar • Búgin, 06:30

Azııanyń úzdigi atandy

Aýyr atletıka • Búgin, 06:30

Kúnine bir jaqsylyq jasa!

Rýhanııat • Búgin, 06:27

Shákirtteri birinshi oryndy bergen emes

Aımaqtar • Búgin, 06:25

Mýzeı qory tolyqty

Rýhanııat • Búgin, 06:23

О́tinishter partııa nazarynda

Aımaqtar • Búgin, 06:20

Jańa jolda júz aqaý

Qoǵam • Búgin, 06:17

Qurylysty aıaqtaýǵa kepildik bar

Qoǵam • Búgin, 06:17

«Klassıkter» úshinshi oryn aldy

Sport • Búgin, 06:15

Almaty, 1921 jyl, 8 maýsym

Rýhanııat • Búgin, 06:12

Jańa energııa blogy iske qosylady

Ekonomıka • Búgin, 06:00

Qaıran, Qumsaı!..

Rýhanııat • Búgin, 05:31

Soltústik shuǵylasy

Rýhanııat • Búgin, 05:25

Qashqan sarbaz ustaldy

Qazaqstan • Búgin, 05:05

Baqylaý barynsha kúsheıtildi

Saıasat • Búgin, 05:05

Japon ıeni: keshe jáne búgin

Ekonomıka • Búgin, 05:05

Negizsiz tekserý – kásipke kedergi

Aımaqtar • Búgin, 05:05

Joldama úshin judyryqtasady

Kásipqoı boks • Búgin, 05:00

Uqsas jańalyqtar