Qala basshysynyń qabyldaýyna kelgen turǵyndar jumyspen qamtý, áleýmettik járdemaqy alý, ataýly áleýmettik kómek taǵaıyndaý tártibi týraly máseleni kóterse, endi biri baspanamen qamtý, káriz júıesi, kóshe ataýy, jol, gaz, jaryk máselelerin aıtty.
Azamattardyń ótinishteri men usynystaryna jaýap bere otyryp, Erlan Qýanyshuly turǵyn úıler memlekettik turǵyn úı qorynan tek óz kezegimen beriletinin aıtyp, olardy «Baqytty otbasy», «Nurly jer» memlekettik baǵdarlamalaryna qatysýǵa shaqyrdy. Sonymen qatar kommýnaldy problemalar ret-retimen sheshiletinin jetkizdi.
Jeke qabyldaýǵa kelgen ár turǵynnyń máselesi óziniń nazarynda bolatynyn aıtqan shahar basshysy sala jetekshilerine kóterilgen máseleler boıynsha naqty tapsyrmalar berdi.
