Saltanatty rásimnen keıingi kezdesýde Elshi Qazaqstannyń Tuńǵysh Prezıdenti – Elbasy Nursultan Nazarbaevtyń jáne Qazaqstan Prezıdenti Qasym-Jomart Toqaevtyń Prezıdent Iа.Aderdiń atyna izgi tilekterin jetkizdi. J.Ábdrashov Qazaqstandaǵy áleýmettik-ekonomıkalyq ahýal týraly, QR Prezıdenti Q. Toqaev ústimizdegi jylǵy qyrkúıektegi Joldaýynda alǵa qoıǵan elimizdi odan ári reformalaý jáne qazaqstandyq qoǵamdy damytý jónindegi sharalar týraly aıtyp berdi.
Sonymen qatar taraptar saıası, ekonomıkalyq jáne mádenı-gýmanıtarlyq salalardaǵy ekijaqty yntymaqtastyqtyń jaı-kúıi men keleshegin, sondaı-aq halyqaralyq problemalardy talqylady. Atap aıtqanda, Elshi «elder arasynda ekonomıka salasynda qajetti sharttyq baza qalyptastyrylǵanyna, ekijaqty ınstıtýttardyń, onyń ishinde Ekonomıkalyq yntymaqtastyq jónindegi úkimetaralyq komıssııanyń, Iskerlik Keńestiń, Qazaqstan-Majar Tikeleı ınvestısııalar qorynyń jemisti jumysyna, «Nur-Sultan-Býdapesht» avıaqatynasyna toqtalyp, atap ótti.
Prezıdent Iа.Ader ekijaqty qarym-qatynastardyń joǵary deńgeıin atap ótip, Ortalyq Azııadaǵy óziniń senimdi serigi retinde qarastyratyn Qazaqstanmen Majarstannyń strategııalyq áriptestigin odan ári nyǵaıtý men damytýǵa ázirligin bildirdi.
Kezdesý sońynda qazaqstandyq dıplomat eki el arasyndaǵy strategııalyq áriptestikti odan ári nyǵaıtý úshin barlyq kúsh-jigerin jumsaıtynyn jetkizdi. О́z tarapynan Prezıdent Iа.Ader Qazaqstan Elshisin Majarstandaǵy dıplomatııalyq mıssııasynyń bastalýymen quttyqtap, jumysyna tabys tiledi.
Saltanatty rásim Býdapeshttegi Majarstan Batyrlary monýmentine gúl shoǵyn qoıýmen aıaqtaldy.
