Senator Narıman Tóreǵalıevtyń tóraǵalyq etýimen 2,5 aıdyń ishinde toptyń 6 otyrysy men 2 tyńdaýy ótti. Osy kezeńde barlyǵy 80 usynys aıtyldy. Saralaý barysynda keıbir usynystar alynyp tastalyp, keıbiri pysyqtaýdy qajet etetini aıtyldy. Ýákiletti organdar qalǵan usynystardy 2020 jyly zań shyǵarý qyzmeti aıasynda qaraıtyn bolady.
Jumys qorytyndysy boıynsha elimizde ońaltý ortalyqtary jetispeıtini jáne erekshe qajettilikteri bar balalardy dıagnostıkadan erte ótkizý tártibi tolyq engizilmegeni anyqtaldy. Múgedek balalardyń qorshaǵan ortada kedergisiz júrip-turýy jáne bilim alýǵa qol jetkizý múmkindikteri ózekti máselelerdiń biri bolyp otyr.
«Talqylaý qorytyndysy boıynsha ortalyq jáne jergilikti memlekettik organdar arasyndaǵy mekemearalyq ózara baılanystyń bolmaýynan júıeli sıpattaǵy kúrdeli máselelerdiń oryn alǵany anyqtaldy. Jumys toby zań shyǵarý bastamalaryn ilgeriletý jónindegi únqatysý alańyna aınaldy. Múgedek jandardyń quqyqtaryn qorǵaý jónindegi Biryńǵaı ulttyq úılestirýshi jáne keńesshi organ qurýdy usynamyz», dedi N.Tóreǵalıev.
Top quramynda Parlament Senatynyń depýtattary, ortalyq jáne jergilikti atqarýshy organdardyń ókilderi, áleýmettik jáne bilim berý salasyndaǵy memlekettik mekemelerdiń basshylary, sonymen qatar memlekettik emes uıymdardyń ókilderi men múmkindigi shekteýli adamdar bar.
