«Elbasy Nursultan Nazarbaev halyqqa Joldaýynda «Qarapaıym zattardyń ekonomıkasyn damytý qajettiligi týraly» atap ótti.
Memleket Basshysy Qasym-Jomart Toqaev otandyq óndiris taýarlarynyń kólemin arttyryp, iri kompanııalar men memlekettik satyp alýlardaǵy jergilikti qamtýdy arttyrýǵa erekshe nazar aýdarýdy tapsyrdy.
Elorda ákimi Altaı Kólginov «Qarapaıym zattar ekonomıkasynyń» áleýetin tolyqqandy paıdalaný qajettigin atap ótti.
«Biz bıznesti júrgizý úshin jaǵdaı jasaımyz, jobalardy qoldaımyz. О́nim/taýar óndirýge, sapasyn jaqsartýǵa, básekege túsýge, eksportqa shyǵýǵa barlyq múmkindikter bar. «Qarapaıym zattar ekonomıkasy» baǵdarlamasyn damytý aıasynda jeńildetilgen nesıe berý boıynsha jumys júrgizemiz», dedi A. Kólginov.
CSI konsaltıngtik kompanııasynyń aǵa seriktesi Oljas Qudaıbergenov qala kásiporyndarynyń jumysyna taldaý jasap, «qarapaıym zattar ekonomıkasy» baǵdarlamasynyń basym baǵyttaryn, problemalyq máselelerdi jáne olardy sheshý joldaryn atap ótti.
Qazir «qarapaıym zattar ekonomıkasynyń» negizgi baǵyttary qurylys ındýstrııasy, toqyma, jeńil jáne jıhaz ónerkásibi salalary. Taýar óndirýshiler jańa jumys oryndaryn ashyp, halyqty jumyspen qamtyp jatyr. Qolaıly jumys úshin iQala qalalyq biryńǵaı qyzmet kórsetý ortalyǵynyń jumysyn jalǵastyrý qajet, onda kásipkerlerge «bir tereze» qaǵıdaty boıynsha 139 qyzmet kórsetiledi. Búgingi kúni komıssııa taýar óndirýshilerdiń jobalyq qujattamany ázirleýge jáne veb-portaldarǵa ornalastyrýǵa qatysýy boıynsha sharalar ázirledi, bul da qosymsha qoldaý», dedi Oljas Qudaıbergenov.
Sonymen qatar taýar óndirýshilerdi qoldaý úshin ákimdik «Atameken» kásipkerler palatasymen birlesip ındýstrııalyq sertıfıkattar berý boıynsha jumys júrgizýde (jıhaz jáne jeńil ónerkásip kásiporyndary tek ındýstrıaldyq sertıfıkat bolǵan jaǵdaıda ǵana memlekettik satyp alýǵa qatysa alady). Búgingi kúni bul sertıfıkat 29 kásiporynǵa berildi,taǵy 2 ótinim qarastyrylýda», delingen habarlamada.
