Qazaqstan • 10 Jeltoqsan, 2019

Qurmanǵazy orkestri Beıjińde ótken Dúnıejúzilik mýzyka EKSPO-syna qatysty

28 retkórsetildi

2019 jyldyń 5 jeltoqsanynda Beıjiń qalasynda (QHR) Dúnıejúzilik mýzyka EKSPO-sy aıasynda Qazaqstan Respýblıkasy Mádenıet jáne sport mınıstrligi «Uly dala sazy» atty Qurmanǵazy atyndaǵy Qazaq memlekettik akademııalyq halyq aspaptar orkestriniń konsertin uıymdastyrdy. 

2009 jyldan bastap uıymdastyrylyp kele jatqan Dúnıejúzilik mýzyka EKSPO-synyń basty maqsaty - qytaılyq kórermendi ár eldiń ulttyq mýzyka ónerimen tanystyrý.

Osy oraıda, bıylǵy jylǵa deıin Ázirbaıjan, Belarýsııa, Ispanııa jáne ózge de elderdiń orkestrleri óz ónerlerin kórsetken bolatyn.

Beıjiń qalasyndaǵy Tıananmen alańyna jáne  Halyq jınalystar úıine jaqyn mańda ornalasqan sopaq kúmbez nyshanynda qurylǵan ǵımarat - Ulttyq oryndaýshylyq óner ortalyǵy «Úlken Ulttyq teatr» dep te atalady. 

Qurmanǵazy orkestriniń konserti 5 jeltoqsanda Ulttyq oryndaýshylyq óner ortalyǵynyń (Úlken Ulttyq teatr) sahnasynda «Álemdik mýzykalyq serııalar» jobasy aıasynda ótti.

Qazaqstannyń Qytaıdaǵy ókiletti elshisi Ǵabıt Qoıshybaev orkestr ujymyna alǵys bildirip, konsertke joǵary baǵasyn berdi.

Ol qytaılyq óner súıer qaýymnyń qazaq mýzykasyna degen qyzyǵýshylyǵy men iltıpaty artyp, tánti bolǵanyn jetkizdi.

Qazaq memlekettik akademııalyq halyq aspaptar orkestriniń konserttik baǵdarlamasynda Qurmanǵazy, Túrkesh, Nurǵısa Tilendıev, Dáýletkereı, Abaı, Mosart, Brams jáne ózge de qazaq jáne shetel kompozıtorlarynyń shyǵarmalary oryndaldy. 

Sondaı-aq atalǵan is-sharaǵa Abaı atyndaǵy memlekettik Akademııalyq opera jáne balet teatry men Jambyl atyndaǵy qazaq memlekettik fılarmonııasynyń solısi Farhad Kýbıev jáne Astana Opera Memlekettik opera  jáne balet teatrynyń solısi Aızada Kaponova qatysty.

Aıta keteıik, Qurmanǵazy atyndaǵy memlekettik akademııalyq halyq aspaptar orkestrine bıyl 85 jyl toldy.

100

Sońǵy jańalyqtar

Jazyǵy joq kóktemniń

Ádebıet • Keshe

Uqsas jańalyqtar