Osy oraıda kúni keshe ǵana Jazýshylar odaǵynyń mereıli merekesi aıasynda qala basshylyǵynyń qolynan «Almaty qalasyna sińirgen eńbegi úshin» tósbelgisin ıelengen belgili qalamger Kádirbek Segizbaıdyń myń boıaýly megapolıstiń rýhanı ómirindegi eleýli ózgerister týraly aıtqan pikirimen bólisýdi jón kórip otyrmyz.
–Azattyqtyń altyn besigine balanǵan araıly Almatydaǵy oń betburystar rasymen kóńil qýantady. Bul ıgi bastamalar ásirese shahardyń rýhanı ómirinde kóptep kórinis taba bastady. Bul Memlekettiń durys betalysta ekenin kórsetedi. Ár mekendi jaqsartý, jańartý eń aldymen ákimge júkteletin sharýa. Rýhanı astanamyzdyń tizginin qolyna alǵan Baqytjan Saǵyntaev óner men mádenıetke, ádebıetke úlken qoldaý tanytyp otyr.
Búgingi tańda Almatynyń, Jibek joly boıyndaǵy qalalardyń tarıhyna qatysty eńbek jazyp jatqan jaıym bar. Keshegi Jońǵar shapqynshylyǵy, Mańǵol shapqynshylyǵy kezderinde almaty qandaı kúıde boldy, Almatynynyń ósý-órkendeýi qaı kezeńderden bastaldy? Osy týraly burynǵy ǵalymdar men saıahatshylardyń jazǵan-syzǵandaryn saralaı otyryp izdenip kelemin. Almatynyń rýhanı túleýine úles qosqan qandaı azamattar ómir súrdi? Olardyń ómir jyry, kóńil syry keıingi urpaqqa tıisti dárejede jetti me? Osynaý umytylmaıtyn tulǵalardyń tizimin toptastyrǵandaı boldyq. Qalaı aıtqanda da bul Almatynyń baı tarıhynan habar berýge sál de bolsa úles qossa degen nıetimiz bar, deıdi jazýshy Kádirbek Segizbaı.
