«Kezdesý barysynda Qazaqstan Elshisi Qazaqstannyń Prezıdenti Qasym-Jomart Toqaevtyń izgi tilekterin Portýgalııa Prezıdentine jetkizdi. D.Batyrashev ózara árekettestiktiń barlyq baǵyttary boıynsha yntymaqtastyqty odan ári damytýǵa kúsh salýǵa degen basshylyǵymyzdyń qyzyǵýshylyǵyn rastady. Osy oraıda, aǵymdaǵy jyly elimizdiń Portýgalııadaǵy Elshiliginiń ashylǵandyǵyn atap ótti.
Qazaqstandyq dıplomat Prezıdent Q.Toqaev alǵa qoıǵan negizgi maqsattary men mindetteri týraly, ekonomıkany ártaraptandyrý, tranzıttik-kóliktik áleýetti ilgeriletý, saıası jáne áleýmettik-ekonomıkalyq salalardy modernızasııalaý jónindegi sharalary týraly habardar etti.
Taraptar eki el arasyndaǵy qatynastardyń dostyq jáne syndarly sıpatyn atap ótti. Saýda-ekonomıkalyq jáne ınvestısııalyq seriktestikti keńeıtýge, sondaı-aq kópjaqty saladaǵy yntymaqtastyqty tereńdetýge ózara qyzyǵýshylyǵy bildirildi.
О́z kezeginde, M.Rebelý de Soza Qazaqstandy aýqymdy saıası jáne ekonomıkalyq jetistikterimen quttyqtap, Lıssabonnyń Qazaqstanmen yntymaqtastyqty jan-jaqty damytýǵa daıyndyǵyn bildirdi. Ol qazaqstandyq-portýgal qatynastaryn sapaly jańa deńgeıge kóterýdiń alǵysharttarynyń bar ekenin aıtyp, osyǵan baılanysty, ekijaqty baılanystardy tereńdetý úshin odan ári tyǵyz ózara árekettestiktiń qajettigin atap ótti.
Kezdesý sońynda M. Rebelý de Soza Qazaqstannyń Elshisin qyzmetke kirisýimen quttyqtap, aldaǵy jumysyna sáttilik tiledi», delingen habarlamada.
