Táýelsizdik merekesi qarsańynda Oralhan Bókeı atyndaǵy qalalyq ortalyq kitaphanada qazaqtyń kórnekti jazýshysy, Memlekettik syılyqtyń ıegeri Oralhan Bókeıdiń ádebı zalynyń saltanatty ashylý rásimi ótedi. «Sharaǵa zııaly qaýym ókilderi, ádebı zaldy kerek-jaraqtarmen jabdyqtaýǵa kómektesken joba demeýshileri qatysady. Shara barysynda O.Bókeıdiń qoljazbalary, bolgar, eston, aǵylshyn, qyrǵyz, nemis, japon, fransýz, sondaı-aq basqa da shetel tilderine aýdarylǵan kitaptary jáne sýretshiler B.Ýrmanche men B.Isınniń týyndylary qoıylǵan «BOKEY.KZ» saıty tanystyrylady. Reseı jazýshysy, aýdarmashy A.Kım joldaǵan beınequttyqtaý kópshilik nazaryna usynylady. Jazýshynyń shyǵarmashylyǵy, dara daryny, adamgershilik bolmysy haqynda týǵan-týystary jáne joǵary oqý oryndarynyń oqytýshylary, mektep ustazdary áńgimeleıdi. Estelikter men oı-pikirlerden keıin qonaqtar «Eske alyńdar, sol qalpymda meni...» atty kitap kórmesimen, fotosýrettermen tanysady» delingen kitaphana taratqan málimette.
О́SKEMEN
