Aımaqtar • 10 Jeltoqsan, 2019

Almatyda táýelsizdik kúni qarsańynda «ABB úzdik pasıenti» marapattalady

52 retkórsetildi

Bıyl Almatydaǵy Kardıologııa jáne ishki aýrýlar ǵylymı-zertteý ınstıtýty «Aýrýlardy basqarý baǵdarlamasynyń úzdik pasıenti» atty birinshi respýblıkalyq baıqaýyn jarııalaǵan-dy.

Konkýrsqa qatysatyn úmitkerlerdi tańdaý – naýqastardyń óz densaýlyǵyna degen jaýapkershiligi, júıeli túrde dárigerge kóriný jáne tekserilý, dárigerler taǵaıyndaǵan barlyq em-dmdy, keńesti oryndaý, durys tamaqtaný jáne dıeta ustaý, bazıstik preparattardy turaqty qabyldaý, qandaǵy qant, holesterın, trıglıserıd deńgeıin tómendetý, aýrýdy asqyndyrmaý sııaqty ólshemder boıynsha júzege asyryldy.

Alǵashqy baıqaýǵa Oral qalasynda oblystyq konkýrs ótkizilip, qalalyq jáne aýdandyq medısınalyq uıymdardan 8 pasıent qatysty. Konkýrs úsh kezeńde ótti. «ABB-nyń úzdik pasıenti» ataǵyna ıe bolý úshin úmitkerler ózin-ózi tanystyrý sııaqty shyǵarmashylyqtaryn usyna otyryp, vıktorına suraqtaryna jaýap berip, ónimder kárzeńkesin tez jáne durys jınaý jarysyna qatysty.

Batys Qazaqstan oblysy Densaýlyq saqtaý basqarmasy basshysynyń orynbasary Gúlnár Abdrahmanova, ÚEU ókilderi, oblystyq máslıhat depýtattary, medısınalyq-sanıtarııalyq alǵashqy kómek (MSAK) kórsetý uıymdary baqylaý keńesiniń músheleri, MSAK jónindegi aımaqtyq úılestirýshi, aımaqtyń shtattan tys bas kardıology jáne endokrınologynan quralǵan quzyrly qazylar alqasy eki jeńimpazdy tańdap aldy. Olar – Irına Vorobeva (№1 qalalyq emhana) men Evgenıı Dıdenko (№3 qalalyq emhana). Kórermender yqylasy syılyǵyna Aısulý Dosjanova (Syrym aýdandyq aýrýhanasy) ıe boldy.

«Aýrýlardy basqarý baǵdarlamasyna meniń qatysyp júrgenime 3 jyl boldy. Osy ýaqyt aralyǵynda biraz salmaq tastadym. Biz kórsetkishterdi ózimiz baqylap otyramyz, sebebi óz densaýlyǵymyzǵa ózimiz jaýaptymyz» – deıdi Irına Vorobeva.

BQO Densaýlyq saqtaý basqarmasy basshysynyń orynbasary Gúlnár Ábdirahmanova osy óńirde úsh jyl boıy júzege asyrylyp jatqan Aýrýlardy basqarý baǵdarlamasynyń  tıimdiligi joǵary ekendigin, ABB tobyna engizilgen pasıenter arasynda jedel naýqastardyń azaıǵanyn, barlyq qatysýshylardyń densaýlyqtarynyń edáýir jaqsarǵanyn atap ótti.

Baǵdarlamanyń basty artyqshylyǵy: buryn dárigerler usynymdardy ustanýdy jáne em qabyldaýdy pasıentterden udaıy talap etetin,búgingi kúni jaǵdaı birtindep ózgerip keledi. Bul dáriger men pasıent  arasynda seriktestik ornatýǵa septesip otyr. Olar qaýipsizdik faktorlaryn birlese óńdeıtin bolady jáne azamattar  emdeý kúndeligin júrgizedi, deıdi uıymdastyrýshylar.

Sondaı-aq «Eń ozyq pasıent» konkýrsy Aqmola oblysynda da ótkizildi. Oblystyq konkýrsqa 8 adam qatysty. Úsh konkýrs barysynda qatysýshylar densaýlyq týraly óz bilimderin kórsetýge tyrysty. Qazylar alqasyúshin baǵdarlama kezinde qol jetkizgen medısınalyq kórsetkishterdiń jaǵymdy dınamıkasy basty argýment bolyp sanaldy.

Qatysýshylar óńirde engizilgen baǵdarlamanyń ómirge degen kózqarastarynyń túbegeıli ózgertkenin jáne osy kezeń arasynda qandaı nátıjege qol jetkizgenin aıtady. Keıbireýleri 8, basqalary 12 kılogramm salmaq tastap, aryqtaǵandaryn, osylaısha kıim-keshekterin jańartýǵa týra kelgendigin ázilmen jetkizdi. Endi pasıentter osy baǵdarlamanyń paıdaly ekendigin, ózderi de basqa adamdarǵa kómektesetindikteri týraly málimdedi.

Konkýrs nátıjesi boıynsha úshinshi dárejeli dıplomǵa Sandyqtaý aýdanynyń turǵyny Tatıana Cherevko ıe bolsa, Atbasar qalasynyń turǵyny Jańagúl Abdrahmanova ekinshi  oryndy ıelendi.  Onyń aıtýynsha, aýdandyq deńgeıde júldeli orynǵa ıe bolǵandyqtan, oblystyq deńgeıge qatysýǵa múmkinshilik alǵan eken. Sondaı-aq ol bul baǵdarlamaǵa ótken jyly ǵana qosylǵanyn, sodan beri ózine jáne aýrýyna degen kózqarasynyń ózgergeni, ómirinde sporttyń paıda bolǵany, jubaıymen birge ómir saltyn túbegeıli túrde jańartqany, durys tamaqtanýǵa, rasıondy durys qurastyrýǵa kóńil bóle bastaǵandary týraly aıtty. Basty syılyqty kókshetaýlyq Valentına Gornostaeva ıelengendikten, konkýrstyń respýblıkalyq deńgeıine oblys atynan qatysatyn boldy.

Sonymen qatar Qostanaı, Soltústik Qazaqstan, Túrkistan oblystary men Nur-Sultan jáne Shymkent qalalarynda da konkýrstar ótti.

Táýelsizdik kúni qarsańynda Kardıologııa jáne ishki aýrýlar ǵylymı – zertteý ınstıtýtynda respýblıkalyq baıqaý qorytyndylanyp, óz densaýlyǵyna júrdim-bardym qaramaıtyn jeńimpazdar marapattalatyn bolady.

Sońǵy jańalyqtar

Uqsas jańalyqtar