Kezdesý barysynda Qazaqstannyń Tuńǵysh Prezıdenti úzeńgilesterimen birge elordanyń qurylýy jáne damý tarıhyna arnalǵan kórmeni aralady. Onda Elbasy kitaphanasynyń mýzeıi, muraǵaty jáne kitaphanasy qorynan myńǵa jýyq ekspozısııa qoıylǵan.
Sonymen qatar Qazaqstannyń Tuńǵysh Prezıdenti astananyń alǵashqy qurylysyna atsalysýshylarǵa arnaıy «Nazarbaev ortalyǵynyń» ekspozısııalyq alańynda ekskýrsııa ótkizdi.
Sondaı-aq Elbasy elordany Almatydan Aqmola qalasyna kóshirgen kezder jaıly estelikterimen bólisti.
–Jaqyn seriktesterim men adal úzeńgilesterimdi kórgenime óte qýanyshtymyn. Sizder ásem qalamyzdy salý barysynda árqashan maǵan senimdi qoldaý kórsettińizder, dedi Nursultan Nazarbaev.
