Aımaqtar • 11 Jeltoqsan, 2019

Jańǵyrǵan Jambyl óńiri

346 retkórsetildi

Eki myń jyldan astam tarıhy bar Taraz shahary kóneniń kózi, tarıhtyń ózi. Kezinde Áýlıeata atalǵan Jambyl oblysynyń qurylǵanyna búginde 80 jyl tolyp otyr. Osy ýaqyt aralyǵynda aımaqta talaı tarıhı oqıǵalar men ózgerister oryn alyp, ult tarıhynyń eleýli kezeńine aınaldy. Táýelsizdik jyldary Áýlıeata óńiri, Taraz shahary qaıta túlep, elimiz boıynsha ózindik qoltańbasyn qalyptastyrdy. Búginde Jambyl oblysy damýdyń dańǵyl jolyna túsip, turǵyndardyń turmysyn tikteýde kóptegen ıgi is atqarýda. Máselen, Taraz qalasyndaǵy B.Momyshuly atyndaǵy «Jeńis» saıabaǵynyń jáne Q.Rysqulbekov atyndaǵy saıabaqtyń qaıta kúrdeli jóndeýden ótkizilýi, «Dańq» zalynyń ashylýy sııaqty oqıǵalar el esinde. Jańa ashylǵan «Erlik» memorıaldyq kesheni, «Ǵıbrat», «Jeltoqsan-86» ortalyqtary, «Bilim» alańy da óńir sáýletin arttyrýǵa ózindik úlesin qosýda. Budan bólek, oblys ortalyǵynda jáne aýdan ortalyqtarynda da kóptegen nysan ashylyp, búginde el ıgiligine qyzmet etýde. Sonymen qatar turǵyn úılerdiń salynýy, kóptegen áleýmettik nysannyń paıdalanýǵa berilýi de óńirdiń damyǵanyn kórsetedi. Endi Jambyl oblysynyń 80 jyldyǵyna oraı oblys ákimi Asqar Myrzahmetovtiń bastamasymen Taraz qalasynda «Shahrıstan» tarıhı-mádenı kesheniniń qurylysy qarqyndy júrgizilýde. Sondaı-aq «Tekturmas» etno-tarıhı kesheniniń qurylysy bastaldy. Budan bólek, sońǵy jyldary Jambyl oblysynda kóptegen ıgi joba qolǵa alynyp, óz jemisin berýde. Bir sózben aıtqanda, Jambyl oblysy búginde damyǵan, jańǵyrǵan aımaqqa aınalyp otyr. Áýlıeata aımaǵy tarıhı tulǵalardan da kende emes. Ár salada jetistikke jetken qaıratker tulǵalar kóptep sanalady. Kenen Ázirbaev, Baýyrjan Momyshuly, Sherhan Murtaza esimderi ulttyń ulylyǵyn kórsetedi. Osyndaı qasterli tulǵalar legi urpaqtar sabaqtastyǵy arqyly jalǵasyn taýyp keledi. Osy oraıda Áýlıeata óńirinen shyqqan kórnekti qaıratkerler týǵan jerge degen ystyq lebizin joldap, perzenttik peıilin bildirgen bolatyn...

Asanáli ÁShIMOV,

KSRO halyq ártisi:

– Qasıetti Áýlıeata óńiriniń 80 jyldyq mereıtoıy kele jatyr. Aıtýly merekemen jam­byl­dyq jerlesterimniń bá­rin de quttyqtaımyn! Jambyl oblysy ár ýaqytta da jaq­sy­lyq pen jetistikke jetip ke­le­­di. Bereke juǵysty bolǵan sol oblysta týyp-óskenime maq­ta­namyn. Toı toıǵa ulasa bersin! Jetistik kóp bolsyn! Jambyl óńiri elimizdegi shyraı­ly aımaqtyń biri. О́zim sol jerde ómirge kelgendikten de onyń árbir jetistigine qýanamyn, kele­she­gine kóp kóńil bólemin. Árdaıym jetistigi kóp bolsa eken dep tileımin!

 

О́mirbek BAIGELDI,

mem­leket jáne qoǵam qaı­rat­­keri:

– Bıyl Jambyl oblysynyń qurylǵanyna 80 jyl tolyp otyr. Kezinde Áýlıeata ýezi bolǵan aımaq keıinnen Jambyl Jabaev atyn aldy. Mırzoıan atymen de atalǵanyn bilemiz. Jalpy ilgeri zamandaǵy Batys Túrik qaǵanatynyń, qazaq memleketiniń uly ordasynyń astanasy bolǵan Taraz degen qala tarıhtan bel­gi­li. Munyń barlyǵy da sol eldiń óskeniniń, órkendegeniniń bel­gi­si. Sondyqtan da halyqpen birge qýanyshty qarsy alamyz. Jam­byldyqtarǵa zor keleshek tileı­miz. Endi halyqtyń ómirinde eshqan­daı da aýyrtpashylyqtar bol­ma­syn!

 

Aıagúl MIRAZOVA,

Qazaqstannyń Eńbek Eri:

– О́zim dúnıege kelgen Jambyl oblysy meniń ómirim­niń qaınar bulaǵy, bastaýy. Son­dyqtan da Otan qýat, otbasy shýaq bolsa, Áýlıeata óńi­ri meniń janymnyń shýaǵy. Týǵan jer – altyn besigimniń tarıhy. Jambyl oblysynyń búgingi mereıi el erteńine degen senim, halyqtyń asyl muraty. Bul kıeli de áýlıeli ólke qazaq tarıhyndaǵy uly oqıǵalarǵa kýá bolǵan meken. Qazaq handyǵy týynyń alǵash osy topyraqta tigilýi, aıtýly tarıhı oqıǵanyń 550 jyldyǵynyń Jambyl oblysynda atalyp ótilýi de tegin emes. Bul bizdiń ólkemizdiń erekshe ekenin taǵy bir ret kórsetken oqıǵa edi. Aýasy shıpa, jýsany jupar, jeri anamdaı, eli panamdaı bolǵan týǵan jerimniń 80 jyldyq belesi qutty bolsyn!

 

Jaqsylyq ÚShKEMPIROV, Qazaqstannyń Eńbek Eri, halyqaralyq dárejedegi sport sheberi:

– Bıyl Jambyl oblysynyń qurylǵanyna 80 jyl. Bul bizdiń óńirimizdiń kórkeıgenin, ósip-ónge­nin kórsetedi. Osyndaı uly kúnge biz halyqtyń, el dep eńbek etken azamattardyń arqa­synda jetip otyrmyz. О́zim de Jambyl jeriniń týmasy bolǵannan keıin, týǵan jerim­di jıi eske alamyn. Árbir jetis­tigine qýanyp kelemin. Son­dyq­tan da týǵan jerimiz tabysty bolsyn! Olımpıada jeńim­pazdary kóp bolsyn! Biz dúnıe­ge kelgen jerimizdi eshqashan umyt­paýymyz kerek. Qasıetti Áýlıeata óńiriniń alda talaı jetistikterge jetetinine senemin!

 

Jambyl oblysy

 

Sońǵy jańalyqtar

Qys qysymyn adam kúshi jeńýde

Aımaqtar • Búgin, 16:56

Shyǵys Qazaqstanda jedel shtab quryldy

Aımaqtar • Búgin, 16:18

Tarazda «Antikor ortalygy» ashyldy

Aımaqtar • Búgin, 16:10

Kókshetaýda Abaı ádebı ortalyǵy ashyldy

Rýhanııat • Búgin, 16:05

SpaceX kóktemde ǵaryshqa adam attandyrmaqshy

Tehnologııa • Búgin, 15:31

Tarazdyq turǵyndardyń tilegi kóp

Aımaqtar • Búgin, 15:24

200 teńgelik moneta aınalymǵa shyqty

Qazaqstan • Búgin, 10:39

Qorjynymyz bos qaıtty

Qysqy sport • Búgin, 06:56

Para júzýshiler 43 medal oljalady

Sport • Búgin, 06:54

Uqsas jańalyqtar