Aımaqtar • 11 Jeltoqsan, 2019

Jas munaıshylarǵa jaqsy múmkindik

29 retkórsetildi

Vırtýaldy jattyǵý bólmesi demeseńiz, kádimgi ken ornynda júrgendeı áserde qalasyz. Ásirese sý astynda dánekerleý tásilin kózben kórip qana qoımaı, qolmen istep kórý stýdentterge qyzyq. Qashaǵan jobasynda qoldanylatyn bul ádisti buǵan deıin sheteldik mamandar ǵana jasaıtyn. Endi Safı О́tebaev atyndaǵy Atyraý munaı jáne gaz ýnıversıtetinde bilim alatyn jastar zamanaýı ıgilikterdi qalaı qoldaný kerektigin alysqa barmaı-aq úırene alady. Bul múmkindikti ýnıversıtet janynan ashylǵan Nurlan Balǵymbaev atyndaǵy Damý jáne kommýnıkasııalar ortalyǵy berip otyr. Joǵary oqý ornyna jańa nysandy memleket qaıratkeriniń otbasy syılady.

Eńbek jolyn qarapaıym jumysshy bolyp bastaǵan Nurlan Balǵymbaev Úkimet basshysy laýazymyna deıin kóterildi. Adal eńbegimen, azamattyq kelbetimen halyqqa qadirli bola bilgen azamat dúnıeden ozǵanymen, jaqsy isi jalǵasyn taýyp jatyr. Sonyń bir dáleli – osy ortalyq. Elimizdegi munaı-gaz salasy mamandaryn daıyndaıtyn jetekshi joǵary oqý ornyna qazirgi zamanǵy eń ozyq jetistiktermen jabdyqtalǵan nysandy syıǵa tartý Balǵymbaevtar áýletiniń jomarttyǵy ǵana emes, jastarǵa degen jaqsylyǵy da. Qazir bul oqý ornynda 4 myńnan astam stýdent 29 mamandyq boıynsha bilim alyp jatyr. Buǵan deıin TMD elderi boıynsha Reseıdiń eki qalasynda ǵana bolǵan ortalyqtyń munaıly Atyraýda ashylýy – maqtanysh. Vırtýaldy jattyǵý bólmesinen bólek munda lıngafon, oqý zaldary, ınteraktıvti mýzeı, vırtýaldy kitaphana da bar. Sol arqyly stýdentter Reseıdegi Gýbkın atyndaǵy ýnıversıtettiń kitaphanasyna qol jetkize alady. Bul talmaı talaptanamyn degen jasqa úlken múmkindik.

Ortalyqtyń ashylý saltanatyna qatysqan oblys ákimi Nurlan Noǵaev: «Tuńǵysh Prezıdent – Elbasy Nursultan Nazarbaevtyń kúsh-jigeriniń arqasynda elimizdiń ekonomıkasy qarqyndy damydy. Táýelsizdiktiń alǵashqy jyldarynan-aq Elbasy bastamasymen álemdegi eń iri kompanııalarmen baılanys ornady. Osy jumystardyń bárinde Nurlan Balǵymbaev Elbasynyń senimdi kómekshisi boldy. Onyń bilimi, iskerligi ınves­torlardy munaı-gaz salasynyń bolashaǵyna sendirýge yqpal etti. Bar kúsh-qaıratyn, tájirıbesin elimizdiń órkendeýine arnaǵan Nurlan О́tepulynyń otbasyna alǵys aıtqym keledi. Ony jadynda saqtap, ıgi isterin jalǵastyryp qana qoımaı, mamandardyń jas býynyn qoldaý maqsatynda osyndaı jobany usynyp otyr», dep atap ótti.

Jastar jyly júzege asqan jarqyn joba munaı-gaz salasynda bilimdi de bilikti otandyq mamandardyń qataryn arttyrýdy maqsat etedi. Úsh qabatty úlken ǵımaratta stýdenttermen qatar munaıshylar da arnaıy trenıngterge qatysyp, geologııa, geofızıka baǵytynda, ken oryndaryn ıgerýdi basqarý, munaı-gaz júıesin modýldeýge arnalǵan lısenzııalyq baǵdarlamalarmen jumys isteıtin bolady. N.Balǵymbaev atyndaǵy qordyń ókili Asqar Balǵymbaev: «Bul jerde bilim alǵan maman kez kelgen kompanııada jumys isteı alady. Ortalyqty jobalaǵan kezimizde qazirgi zamanǵy eń ozyq tehnologııamen qamtýǵa aıryqsha nazar aýdardyq», deıdi.

 

ATYRAÝ

 

Sońǵy jańalyqtar

ShQO-da qar kóshkini júrdi

Aımaqtar • Keshe

Balalyq shaqtyń kórmesi

Qoǵam • Keshe

Uly hakim ulaǵaty urpaqqa úlgi

Rýhanııat • Keshe

Qazaqtyń tuńǵysh abaıtanýshysy

Rýhanııat • Keshe

Uqsas jańalyqtar